Дар Душанбе доир ба амалишавии падидаи таҳлили таъсири танзим дар Тоҷикистон конфронс баргузор гардид
ДУШАНБЕ, 11.03.2022. /АМИТ «Ховар»/. Имрӯз Маркази миллии қонунгузорӣ дар якҷоягӣ бо Кумитаи давлатии сармоягузорӣ ва идораи амволи давлатӣ ва Котиботи Шӯрои машваратии назди Президенти Ҷумҳурии Тоҷикистон оид ба беҳтар кардани фазои сармоягузорӣ дар мавзӯи «Амалишавии падидаи таҳлили таъсири танзимкунӣ дар Ҷумҳурии Тоҷикистон» конфронси ҷумҳуриявӣ баргузор намуд, гузориш медиҳад мухбири АМИТ «Ховар».
Дар оғози ҳамоиш директори Маркази миллии қонунгузории назди Президенти Ҷумҳурии Тоҷикистон Иззатулло Саидзода мақсади гузаронидани конфронсро дар расонидани иттилоот оид ба механизми амалишавии падидаи таҳлили таъсири танзимкунӣ дар ҷумҳурӣ унвон карда, зикр намуд ки бо мақсади ташкил намудани шароити мусоид барои дастгирии соҳибкорон ва таъмини иштироки онҳо дар раванди фаъолияти ҳуқуқэҷодкунии соҳаи соҳибкорӣ масъалаи татбиқи падидаи таҳлили таъсири танзимкунӣ дар Ҷумҳурии Тоҷикистон рӯи кор омад.
«Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳар Паёми худ дар бораи самтҳои асосии сиёсати дохилӣ ва хориҷии ҷумҳурӣ ба рушди соҳибкорӣ ҳамчун соҳаи ҳаётан муҳим таваҷҷуҳи махсус зоҳир менамоянд. Масъалаи мазкур аз ҷониби мақомоти марбутаи ҳокимияти давлатӣ мавриди омӯзиш қарор гирифт ва бо дарназардошти таклифҳои мутахассисон Консепсияи низоми таҳлили таъсири танзимкунӣ дар Ҷумҳурии Тоҷикистон қабул карда шуд», — изҳор дошт И.Саидзода.
Ёдовар бояд шуд, ки соли 2017 Қонуни Ҷумҳурии Тоҷикистон «Дар бораи санадҳои меъёрии ҳуқуқӣ» дар таҳрири нав бо дарназардошти консепсияи зикргардида қабул гардид, ки дар он бо номи «Боби 4. Хусусиятҳои банақшагирӣ, таҳия, таҳлили таъсири танзимкунии санади меъёрии ҳуқуқие, ки ба фаъолияти соҳибкорӣ таъсири имконпазир дорад» боби нав пешбинӣ шуд.
Дар баробари ин, тибқи қарорҳои дахлдори Ҳукумати Ҷумҳурии Тоҷикистон Дастурамал оид ба гузаронидани таҳлили таъсири танзимкунӣ ва Тартиби пешбурди Портали интернетии иттилооти ҳуқуқии Ҷумҳурии Тоҷикистон тасдиқ гардиданд, ки муносибатҳои ҷамъиятӣ вобаста ба амалишавии падидаи таҳлили таъсири танзимкуниро ба низом медароранд.
Зикр гардид, ки мафҳуми таҳлили таъсири танзимкуниро қонунгузор дар асоси далелҳои воқеии муайян намудани оқибатҳои мусбат ва манфии иқтисодию иҷтимоӣ ва бо дарназардошти таъмини риояи ҳуқуқу озодиҳои инсон, манфиатҳои соҳибкорон ва давлат, қабул намудани санади меъёрии ҳуқуқӣ муайян кардааст. Яъне, яке аз мақсадҳои таҳлили таъсири танзимкунӣ қабул гардидани санадҳои меъёрии ҳуқуқӣ бо назардошти манфиатҳои соҳибкорон мебошад.
Шаҳлои САДРИДДИН,
АМИТ «Ховар»
АКСҲО: АМИТ «Ховар»
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
Тоҷикистон ҷонибдори тақвияти ҳамкорӣ дар соҳаи саноат дар Иттиҳоди Давлатҳои Мустақил мебошад
Байни минтақаҳои озоди иқтисодии «Суғд»-и Тоҷикистон ва «Воронеж»-и Русия созишномаи ҳамкорӣ ба имзо расид
Дар Душанбе ҷаласаи мутахассисони мақомоти омори давлатҳои аъзои Иттиҳоди Давлатҳои Мустақил доир гардид
Дар Душанбе татбиқи лоиҳаҳои муштараки иқтисодии Тоҷикистон бо Бонки Олмонии рушд баррасӣ шуд
