Кормандони Кумитаи иҷроияи ҲХДТ дар ноҳияи Ҷалолиддини Балхӣ соҳиби бинои нави маъмурӣ гардиданд
ДУШАНБЕ, 23.03.2022. /АМИТ «Ховар»/. Дар рӯзҳои таҷлили ҷашни байналмилалии Наврӯз бинои маъмурии Кумитаи иҷроияи Ҳизби Халқии Демократии Тоҷикистон дар ноҳияи Ҷалолиддини Балхӣ бо иштироки Абдуҷаббор Азизӣ — муовини аввали Раиси Ҳизби Халқии Демократии Тоҷикистон, Эмомалӣ Насриддинзода — Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа ва дигар шахсони расмӣ ба истифода дода шуд.
Тавре аз шуъбаи иттилоот ва матбуоти КИ ҲХДТ дар вилояти Хатлон ба АМИТ «Ховар» хабар доданд, дар маросими баистифодадиҳии бинои мазкур ҳамчунин муовинони Раиси Ҳизби Халқии Демократии Тоҷикистон Асрор Латифзода ва Хайринисо Юсуфӣ, раиси Кумитаи иҷроияи Ҳизби Халқии Демократии Тоҷикистон дар вилояти Хатлон Қиёмиддин Миралиён, як қатор аъзои фаъоли ҳизб, раисони кумитаҳои иҷроияи ҳизбии шаҳру ноҳияҳо, волонтёрони ҳизбӣ иштирок доштанд.
Бинои Кумитаи иҷроияи Ҳизби Халқии Демокртии Тоҷикистон дар ноҳияи Ҷалолиддини Балхӣ дорои се ошёна буда, аз шаш утоқи корӣ, китобхона, маҷлисгоҳ бо ғунҷоиши 150 ҷойи нишаст, як толори хурд барои гузаронидани мизҳои мудаввар иборат мебошад.
Чуноне Лола Сулаймонова, раиси Кумитаи иҷроияи ҲХДТ дар ноҳияи Ҷалолиддини Балхӣ иттилоъ дод, бинои мазкур бо саҳми аъзо, ҷонибдорони ҳизб, соҳибкорон ва фаъолони ҳизбӣ сохта шудааст. Акнун таъмини чунин шароити мусоири фаъолият ба кормандони ҳизбӣ имконият медиҳад, ки аз пештара дида дар татбиқи ҳадафҳои ҳизбӣ фаъол бошанд ва бо садоқати хосса барои пешрафти ҷомеа хизмати босазое анҷом бидиҳанд. Дар ин маросим фаъолони ҳизбӣ, ки дар сохтмони бинои мазкур саҳми муносиб доштанд бо Сипосномаи Ҳизби Халқии Демократии Тоҷикистон қадрдонӣ гардиданд.
Мавриди зикр аст, ки бунёди биноҳои замонавии маъмурии кумитаҳои иҷроияи Ҳизби Халқии Демократии Тоҷикистон дар асоси дастуру супоришҳои Раиси муаззами Ҳизб муҳтарам Эмомалӣ Раҳмон амалӣ гардида, ин иқдомҳои созандагӣ ба хотири беҳтар намудани кору фаъолияти ҳизбиён дар самти ҳифзи дастовардҳои миллӣ ва саҳмгузорӣ дар рушду пешрафти Тоҷикистони азиз роҳандозӣ гардида истодааст.
То имрӯз 23 Кумитаи иҷроияи Ҳизби Халқии Демократии Тоҷикистон дар шаҳру ноҳияҳои вилояти Хатлон бо бинои маъмурӣ таъмин гашта, давоми соли равон ноҳияҳои Панҷ ва Данғара низ соҳиби биноҳои маъмурии ҳизбӣ хоҳанд шуд.
АКСҲО аз КИ ХХДТ дар вилояти Хатлон
Дастаи вилояти Хатлон дар Мусобиқаи варзишӣ оид ба волейбол байни мардон сазоворӣ ҷойи аввал гардид
Дар Норак Дави миллӣ ва марафони велосипедронӣ баргузор шуд
Имрӯз дар Тоҷикистон ҳавои камабри бебориш пешгӯӣ мешавад
Нақши воситаҳои ахбори оммаи маҳаллӣ дар таҳкими Ваҳдати миллӣ. Дар ноҳияи Рӯдакӣ дар ин мавзуъ конференсия доир гардид
Дар Душанбе Лоиҳаи «Тавонмандсозии марказҳои матбуотӣ ва ҳамкории онҳо бо воситаҳои ахбори омма» муаррифӣ гардид
«ПЕШВОИ МИЛЛАТ – МУНОДИИ АСИЛИ ВАҲДАТ». Таҳти чунин унвон дар Осорхонаи миллӣ намоиш ва конфронс доир шуд
Дар Бохтар амалишавии «Барномаи рушди иҷтимоию иқтисодии вилояти Хатлон барои солҳои 2021-2025» баррасӣ шуд
КАМЕРАҲОИ ХУДКОРИ ДУШАНБЕ. Марҳилаи аввали сабти қоидавайронкуниҳо оид ба таваққуфи нодурусти воситаҳои нақлиёт оғоз гардид
Корҳои сохтмонӣ дар бинои асосии Неругоҳи барқи обии «Себзор» вусъат меёбанд
«Маркази омӯзиши масъалаҳои модернизатсияи Чин — Тоҷикистон» таъсис дода мешавад
То 26 июн дар баъзе минтақаҳои Тоҷикистон хавфи омадани сел боқӣ мемонад
ВАРЗИШ — ҚОСИДИ СУЛҲ. Дар Хоруғ бахшида ба Рӯзи Ваҳдати миллӣ дави миллӣ доир шуд
