Намояндагони Тоҷикистон дар таҷлили ҷашни Наврӯзи ҷаҳонӣ дар шаҳри Анқараи Туркия иштирок намуданд
ДУШАНБЕ, 22.03.2022 /АМИТ «Ховар»/. 21 март дар ноҳияи Кечиорени шаҳри Анқара ҷашни Наврӯзи бостонӣ таҷлил гардид, ки дар он намояндагони Сафорати Ҷумҳурии Тоҷикистон дар Ҷумҳурии Туркия, шаҳрвандон ва донишҷуёни тоҷики муқими ин мамлакат иштирок намуданд, иттилоъ медиҳад мухбири АМИТ «Ховар» Манижаи МАҚСУД.
Чорабинӣ дар ҳамбастагӣ ба кишварҳои «Ҳавзаи Наврӯз» доир гардида, дар он намояндагони 11 давлат, аз ҷумла Тоҷтктистон, Туркия, Қирғизистон, Македония, Озарбойҷон, Афғонистон, Косово, Молдова, Қазоқистон, Узбекистон ва ғайра ширкат варзиданд.
Ҳунармандони кишварҳои мазбур бо рақсу сурудҳои миллии худ намоишҳои ҷолиб пешкаши иштирокчиён намуданд.
Дар ин чорабинии байналмилалӣ раисони шаҳру ноҳияҳои Туркия, намояндагони вазорату идораҳои кишвари иқомат, ҳайати дипломатии муқими Анқара, доираи васеи васоити ахбори омма, намояндагони илму фарҳанг ва аҳли зиёи кишвари иқомат ва кишварҳои иштирокчӣ иштирок доштанд.
Дар маросими таҷлили ҷашни Наврӯз Раиси ноҳияи Кечиорен Тургут Алтинок ва сафирони кишварҳои ҳавзаи Наврӯз суханронӣ намуданд. Намояндаи Сафорати Ҷумҳурии Тоҷикистон дар Ҷумҳурии Туркия Парвиз Содиқӣ зимни суханронии худ ҳозиринро бо иди бошукӯҳи Наврӯзи байналмилалӣ табрику таҳният гуфта, аз мақоми муҳими Тоҷикистон дар раванди барқарории Наврӯз ва табдили он ба ҷашни байналмилалӣ ёдовар шуд.
Бо ташаббуси Сафорати Ҷумҳурии Тоҷикистон дар Ҷумҳурии Туркия дар ин чорабинии бошукӯҳ суфраи Наврӯзӣ бо хурокҳои миллӣ, маҳсулоти анъанавию фарҳангӣ бманзури тамошобинон гардонида шуд.
Инчунин либосҳои миллии кишвар, сангҳои қимматбаҳо, асбобҳои анъанавӣ, китобҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба намоиш гузошта шуданд.
Бояд тазаккур дод, ки ки раисони шаҳру ноҳияҳои кишвари иқомат бо сафирон ва намояндагони кишварҳои «Ҳавзаи Наврӯз» аз суфраи миллии Ҷумҳурии Тоҷикистон дидан карда, аз хӯрокҳои боллазати кишвар чашиданд.
Ҷашни Наврӯзи бостонӣ бо баргузории саҳнаҳои шеърхонӣ, барномаи консертӣ, намоиши маҳсулоти ҳунармандони мардумӣ, сӯзаниҳо, расмҳо, китобҳо, либосҳои миллӣ, имкониятҳои сайёҳӣ ва намунаи маҳсулотҳои тарғибкунандаи ҳунарҳои мардумии Тоҷикистон ва хӯрокҳои миллӣ руҳияи ҳозиринро шод гардонид.
Дар фарҷоми чорабинӣ оши палави миллӣ ба тамоми иштирокчиён тақсим карда шуд.
АКСҲО: АМИТ «Ховар»
Тақвияти ҳамкории бисёрҷонибаи Тоҷикистон бо Барномаи Созмони Милали Муттаҳид оид ба сукунат баррасӣ гардид
Шумораи аввали маҷаллаи «Сиёсати хориҷӣ»-и Вазорати корҳои хориҷии Ҷумҳурии Тоҷикистон ба нашр расид
Директори иҷроияи ЮНИСЕФ ба Тоҷикистон меояд
Сафири Тоҷикистон бо вазири молия, вазири давлатӣ оид ба умури иқтисодӣ ва сармоягузории Давлати Кувайт мулоқот намуд
Сафири Тоҷикистон бо Роҳбари Мақомоти миллии воситаҳои ахбори оммаи Амороти Муттаҳидаи Араб мулоқот намуд
Дар шаҳри Банфи Канада чорабинии сатҳи баланд оид ба Соли байналмилалии ҳифзи пиряхҳо доир гардид
Сафири навтаъйини Тоҷикистон дар Вазорати корҳои хориҷии Туркия нусхаи эътимоднома супорид
Дар Москва ҳамкории Тоҷикистон ва Русия дар соҳаи илму маориф баррасӣ гардид
Дар Тошканд ҳамкории минтақавии давлатҳои Осиёи Марказӣ дар соҳаи обу энергетика баррасӣ гардид
Сироҷиддин Муҳриддин бо роҳбари Дафтари барномаҳои САҲА дар Тоҷикистон мулоқот намуд
Дар Боку вобаста ба раёсати Ҷумҳурии Тоҷикистон дар Иттиҳоди Давлатҳои Мустақил брифинг доир гардид
Тоҷикистон ва Уммон ҳамкориро дар соҳаҳои сиёсӣ, иқтисодӣ ва сайёҳӣ густариш медиҳанд
