ОБУ ҲАВО: 18-19 март дар Тоҷикистон ноустувории вазъи ҳаво боқӣ мемонад

ДУШАНБЕ, 18.03.2022 /АМИТ «Ховар»/. 18-19 март дар ҷумҳурӣ ноустувории вазъи обу ҳаво боқӣ монда, дар ноҳияҳои водибуда ва доманакӯҳӣ асосан дар намуди борон, дар ноҳияҳои кӯҳӣ дар намуди борон ва барф ба амал меояд. 18 март дар минтақаҳои алоҳидаи вилояти Суғд ва Ноҳияҳои тобеи ҷумҳурӣ (НТҶ) боришоти борон ва раъду барқ ба амал омада, боридани жола аз эҳтимол дур нест. Пастшавии ҳаво рӯзонаи 10-15 дараҷа дар назар аст, иттилоъ доданд дар Агентии обуҳавошиносии Тоҷикистон ба АМИТ «Ховар».

Ба иттилои Агентии обуҳавошиносӣ, имрӯз дар Вилояти Мухтори Кӯхистони Бадахшон ҳаво тағйирёбанда шуда, дар баъзе ноҳияҳои ғарбии вилоят асосан бебориш дар назар аст. Шамол аз самти шарқ бо суръати 4-9 метр дар як сония мевазад. Ҳаво дар ғарби вилоят шабона 0+5 дараҷа гарм, рӯзона 7+12 дараҷа гарм, дар шарқи вилоят шабона 2-7 дараҷа хунук, рӯзона 3+8 дараҷа гарм мешавад.

Дар вилояти Суғд ҳавои абрнок шуда, дар ноҳияҳои водибуда борони кӯтоҳмуддат борида, дар ноҳияҳои алоҳидаи кӯҳӣ боришоти борон ва барф дар назар аст. Дар баъзе ноҳияҳо борони пуршиддат ба амал меояд. Шамол аз самти шарқ бо суръати 4-9,  дар ноҳияҳои алоҳида бо шиддатнокии то 13-18 метр дар як сония мевазад. Ҳаво дар водиҳо шабона 2+7 дараҷа гарм, рӯзона 0+5 дараҷа гарм, дар ноҳияҳои кӯҳӣ шабона 3+8 дараҷа гарм,  рӯзона 10+15 дараҷа гарм мешавад.

Дар вилояти Хатлон ҳавои абрнок шуда, дар ноҳияҳои алоҳида борони кӯтоҳмуддат, дар баъзе ноҳияҳо борони бошиддат меборад. Раъду барқ ба амал омада, боридани жола аз эҳтимол дур нест . Шамол аз самти шарқ бо суръати 4-9,  дар ноҳияҳои алоҳида бо шиддатнокии то 13-18 метр дар як сония мевазад. Ҳаво дар водиҳо шабона 5+10 дараҷа гарм, рӯзона 9+14 дараҷа гарм, дар доманакӯҳҳо шабона 1+6 дараҷа гарм, рӯзона 4+9 дараҷа гарм мешавад.

Дар шаҳру ноҳияҳои тобеи марказ ҳаво абрнок шуда, дар водиҳо борони кӯтоҳмуддат меборад. Дар ноҳияҳои алоҳидаи кӯҳӣ борони кӯтоҳмуддат, дар баландиҳои зиёда аз 2 000 м борон ва барф дар назар аст. Инчунин дар баъзе ноҳияҳо бошиддат ва пуршиддат ба амал меояд. Шамол аз самти шарқ бо суръати 4-9,  дар ноҳияҳои алоҳида бо шиддатнокии то 12-17 метр дар як сония мевазад. Ҳаво дар водиҳо ва рӯзона шабона 6+11 дараҷа гарм, дар ноҳияҳои кӯҳӣ шабона ва  рӯзона 3+8  дараҷа гарм  мешавад.

Дар шаҳри Душанбе ҳавои абрнок шуда, борони кӯтоҳмуддат дар баъзе ҳолатҳо бошиддат борида, раъду барқ ба амал меояд. Шамол аз самти шарқ бо суръати 5-10 метр дар як сония мевазад. Ҳаво шабона 5+7 дараҷа гарм, рӯзона 9+11 дараҷа гарм мешавад.

АКС: АМИТ «Ховар»