ОБУ ҲАВО: Имрӯз дар шаҳри Душанбе ҳавои тағйирёбанда дар назар аст

ДУШАНБЕ, 29.03.2022 /АМИТ «Ховар»/. 29 март дар ҷумҳурӣ шамол бо суръати то 20-25 метр дар як сония мевазад. Дар ноҳияҳои ҷанубии вилояти Хатлон 29-30 март чангу ғубор боқӣ мемонад. 29-30 март дар минтақаҳои кӯҳии ноҳияҳои тобеи ҷумҳурӣ (НТҶ) фаромадани тарма пешгӯӣ мешавад. Дар минтақаҳои доманакӯҳии ноҳияҳои тобеи ҷумҳурӣ ва вилояти Хатлон сар задани селҳои дорои хусусияти маҳаллӣ дар назар аст, иттилоъ доданд дар Агентии обуҳавошиносии Тоҷикистон ба АМИТ «Ховар».

Ба иттилои Агентии обуҳавошиносӣ, имрӯз дар Вилояти Мухтори Кӯхистони Бадахшон ҳаво тағйирёбанда шуда, дар баъзе ноҳияҳо бориши борон ва барф ба амал меояд. Шамол аз самти шарқ бо суръати 4-9 метр дар як сония мевазад. Ҳаво дар ғарби вилоят шабона ва рӯзона 3+8 дараҷа гарм, дар шарқи вилоят шабона 0-5 дараҷа хунук, рӯзона 0+5 дараҷа гарм мешавад.

Дар вилояти Суғд ҳавои тағйирёбанда шуда, дар баъзе ноҳияҳои водигӣ борон дар назар аст. Дар ноҳияҳои алоҳидаи кӯҳӣ бориши борон ва барф ба амал омада, дар баъзе ноҳияҳо тормеғ мефарояд.  Шамол аз самти шарқ бо суръати 3-8, дар ноҳияҳои алоҳида бо шиддати то 13-18 метр дар як сония мевазад. Ҳаво дар водиҳо шабона ва рӯзона 4+9 дараҷа гарм, дар ноҳияҳои кӯҳӣ шабона аз 1 дараҷа хунук то 4 дараҷа гарм,  рӯзона 2+7 дараҷа гарм мешавад.

Дар вилояти Хатлон ҳавои қисман абрнок пешгӯӣ мешавад. Дар ноҳияҳои алоҳидаи водигӣ борони кӯтоҳмуддат борида, дар баъзе ноҳияҳо раъду барқ ба амал меояд. Шамол аз самти шарқ бо суръати 4-9 метр дар як сония мевазад. Ҳаво дар водиҳо шабона 5+10 дараҷа гарм, рӯзона 18+23 дараҷа гарм, дар доманакӯҳҳо шабона 2+7 дараҷа гарм, рӯзона 9+14 дараҷа гарм мешавад.

Дар шаҳру ноҳияҳои тобеи марказ ҳаво тағйирёбанда шуда, дар водиҳо шабона бебориш, рӯзона бориши сусти борон ба амал меояд. Дар ноҳияҳои кӯҳӣ борон (дар баландиҳои зиёда аз 2500 барф), рӯзона дар баъзе ноҳияҳо борони бошиддат борида, дар ағбаҳо тормеғ мефарояд. Шамол аз самти шарқ бо суръати 4-9, дар ноҳияҳои алоҳида бо шиддати то 12-17 метр дар як сония мевазад. Ҳаво дар водиҳо шабона 5+10 дараҷа гарм, рӯзна 12+17 дараҷа гарм мешавад. Дар ноҳияҳои кӯҳӣ шабона 0-5 дараҷа хунук,  рӯзона 4+9  дараҷа гарм  мешавад.

Дар шаҳри Душанбе ҳавои тағйирёбанда шуда, шабона бебориш дар назар буда, рӯзона бориши сусти борон дар назар аст. Раъду барқ ба амал меояд. Шамол аз самти шарқ бо суръати 4-9,  дар баъзе ҳолатҳо бо шиддати то 7-12 метр дар як сония мевазад. Ҳаво шабона 6+8 дараҷа гарм, рӯзона 14+16 дараҷа гарм мешавад.

АКС: Дидор Саъдуллоев