Пагоҳ дар Амфитеатри Кӯлоб бахшида ба ҷашни Наврӯз барномаи фарҳангӣ доир мегардад
ДУШАНБЕ, 22.03.2022. /АМИТ «Ховар»/. Пагоҳ, 23 март дар Амфитеатри шаҳри Кӯлоб бахшида ба ҷашни Наврӯзи байналмилалӣ барномаи фарҳангӣ доир мегардад, хабар доданд ба АМИТ «Ховар» дар мақомоти иҷроияи ҳокимияти давлатии шаҳри Кӯлоб.
Дар ин барномаҳои фарҳангӣ устодони санъати тоҷик, аз ҷумла Гулчеҳра Содиқова, Давлатманд Холов, Ҷовидони Нозим, Амриддин Кабирӣ, Соҳиба Давлатшоева, ва ҳунармандони шинохта Маҳмадалӣ Аюбӣ, Хиробон Қурбонова, Нишонаи Рустам, Ҳасаншои Бадахшонӣ ва дигарон ҳунарнамоӣ мекунанд.
Ёдовар мешавем, ки имрӯзҳо дар шаҳру ноҳияҳои мамлакат мардум фарорасии Наврӯзи байналмилалиро бо шукӯҳи хосса ҷашн гирифта истодаанд. Аз ҷумла дар пойтахти кишвар – шаҳри Душанбе ба ин муносибат сайру гашти оммавии сокинон ба мушоҳида мерасад. Имрӯз сокинони ноҳияи Фирдавсӣ дар Боғу фарҳангу фароғатии ба номи Абулқосими Фирдавсӣ базми боҳашамати наврӯзӣ оростанд.
Хотиррасон менамоем, ки 23 март сокинони ноҳияи Сино дар майдони Синои пойтахт (назди Прокуратураи генералии Ҷумҳурии Тоҷикистон) ва 24 март сокинони ноҳияи Шоҳмансур бо оростани базми наврӯзӣ дар Боғи Куруши Кабир (назди Театри давлатии академии опера ва балети Тоҷикистон ба номи С.Айнӣ) оғози Соли нав — Наврӯзи дилафрӯзро ботантана таҷлил менамоянд. Дар ин базмҳои наврӯзӣ аҳли санъат ва сокинони ноҳияҳои пойтахт ба ифтихори ҷашни фархундаи байналмилалии Наврӯз барномаҳои ҳунариву тафреҳӣ ва сайру гашти оммавӣ баргузор намуда истодаанд.
Акс: манбаҳои озод
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
