Пешвои миллат матбуотро чашму гӯши халқ номидаанд,- бардошт аз ҷашни Рӯзи матбуоти тоҷик дар Кӯлоб
ДУШАНБЕ, 10.03.2022 /АМИТ «Ховар» /. 9 март дар Мақомоти иҷроияи ҳокимияти давлатии шаҳри Кӯлоб ба муносибати Рӯзи матбуоти тоҷик ҷамъомади тантанавӣ доир шуд, хабар доданд ба АМИТ «Ховар» дар бахши матбуоти мақомоти мазкур.
Дар ҷамъомад иҷрокунандаи вазифаи раиси шаҳри Кӯлоб Бахтиёр Назарзода, раиси Иттифоқи журналистони Тоҷикистон Зиннатулло Исмоилзода, собиқадорони матбуот ва рӯзноманигороне, ки дар минтақаи Кӯлоб фаъолият мекунанд иштирок доштанд.
Бахтиёр Назарзода зикр кард, ки ҳамасола 11 март дар саросари Тоҷикистон Рӯзи матбуоти тоҷик ҷашн гирифта мешавад. 110 сол муқаддам дар ин рӯз нахустин шумораи рӯзномаи тоҷикии «Бухорои шариф» ба табъ расидааст, ки рӯйдоди муҳим ва таъсиргузор дар таърихи миллати мо маҳсуб мешавад.
«Имрӯз ҳаётро бидуни воситаҳои ахбори омма тасаввур кардан имконнопазир аст. Дар шароити муосири ҷаҳонишавӣ матбуоти тоҷик, аз ҷумла рӯзноманигорони вилояти Хатлон дар набардҳои иттилоотӣ баҳри ҳифзи арзишу манфиатҳои миллӣ, алалхусус амнияти фазои иттилоотии мамлакат собитқадамона ширкат варзида, дар ташаккули афкори созандаи ҷомеа баҳри рушди давлати соҳибистиқлоли Тоҷикистон саҳми бориз мегузоранд»,- афзуд Бахтиёр Назарзода.
Раиси Иттифоқи журналистони Тоҷикистон Зиннатулло Исмоилзода гуфт, ки матбуоти тоҷик дар тӯли таърихи мавҷудият ҳамеша бозгӯкунандаи вазъи воқеии сиёсӣ, иқтисодӣ, иҷтимоӣ ва фарҳангии мамлакат буда, чун сарчашмаи муътамади иттилоъ боқӣ мондааст. Матбуот ҳамчун яке аз рукнҳои асосӣ, муҳимтарин ва пешбарандаи ҷомеа, бахусус дар даврони Истиқлолияти давлатии Ҷумҳурии Тоҷикистон ба шарофати фароҳам омадани шароиту имконияти озодандешию ошкорбаёнӣ мавқеи устувор ишғол намуд. Аз ин ҷост, ки Президенти Ҷумҳурии Тоҷикистон муҳтарам Эмомалӣ Раҳмон матбуотро чашму гӯши халқ ва муҳимтарин рукни ҷомеаи мардумсолорӣ номидаанд.
Дар ҷаласа собиқадорони матбуот, шоир Ҳақназар Ғоиб, директори телевизиони «Кӯлоб» Сафаралӣ Бозорзода ва сармуҳаррири рӯзномаи «Анвори дониш»-и Донишгоҳи давлатии Кӯлоб Ҷаҳонгири Рустамшо доир ба роҳҳои тайнамудаи матбуоти тоҷик сухан гуфтанд.
Дар фарҷом аз ҷониби роҳбарияти шаҳри Кӯлоб як зумра собиқадорони матбуот, рӯзноманигорони фаъол барои масъулияти баланди касбӣ, хизмати созанда дар инъикоси дастовардҳои халқу давлат ва ҳимояи манфиатҳои миллӣ бо Сипоснома ва туҳфаҳои хотиравии Мақомоти иҷроияи ҳокимияти давлатии шаҳри Кӯлоб сарфароз гардонида шуданд.
АКСҲО: бахши матбуоти Мақомоти иҷроияи ҳокимияти давлатии шаҳри Кӯлоб
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
