Рушди инфрасохтори сарироҳӣ омили беҳтар шудани сифати хизматрасонии сайёҳист
ДУШАНБЕ, 14.03.2022 /АМИТ «Ховар»/. Дар назди Кумитаи рушди сайёҳии назди Ҳукумати Ҷумҳурии Тоҷикистон аз ҳисоби вазорату идораҳо гурӯҳи корӣ таъсис дода шуд. Гурӯҳи кории мазкур таҳти роҳбарии муовини якуми Раиси Кумита Ҳабибулло Амирбекзода ҷиҳати гузаронидани таҳлили бозор ва ба қоидаҳои санитарию беҳдоштӣ ҷавобгӯ намудани хизматрасониҳои инфрасохтори сарироҳӣ тибқи хатсайри Душанбе-Ваҳдат-Норак-Данғара-Мир Сайид Алии Ҳамадонӣ-Фархор-Восеъ-Кӯлоб-Шамсиддини Шоҳин-Душанбе сафарбар гардид.
Гурӯҳи корӣ ва масъулини мақомоти маҳаллӣ масъалаҳои баланд бардоштани сатҳу сифати инфрасохтори ба талабот ҷавобгӯ, аз ҷумла меҳмонхонаҳои сарироҳӣ, ҳомстейҳо, гестҳаусҳо, тарабхонаҳо, истироҳатгоҳҳо, норасоии мутахассисони ботаҷрибаю касбӣ дар ин соҳа, ба талабот ҷавобгӯ намудани ҳолати санитарию гигиении марказҳои хизматрасонӣ, мабразу дастшӯйгоҳҳо ва ҷойҳои тамошои сайёҳӣ, дар мавзеъҳои сайёҳии минтақа фароҳам овардани шароити хизматрасониро баррасӣ намуданд.
Ҳамзамон масъалаи бештару беҳтар тарғиб намудани имконияти сайёҳии маҳаллӣ берун аз ҷумҳурӣ, фаъол намудани хатсайрҳои сайёҳӣ, ба роҳ мондани фаъолияти пурсамари ширкатҳои сайёҳии маҳаллӣ, таваҷҷуҳи хоса зоҳир намудан ба вазъи тозагии мавзеъҳои сайёҳӣ, тарғиби имконоти сайёҳӣ тавассути шабакаҳои иҷтимоии интернетӣ мавриди таҳлилу омӯзиш қарор дода шуд.
Кумитаи рушди сайёҳӣ ва Вазорати нақлиёти Ҷумҳурии Тоҷикистон дар банақшагирӣ ва сохтмони шоҳроҳҳо ҳамкорӣ намуда, бунёди инфрасохтори сарироҳиро мутобиқ ба талаботи байналмилалӣ ба нақша гирифтааст.
АКСҲО: Кумитаи рушди сайёҳии назди Ҳукумати ҶТ
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
«САЙРИ МЕҲРГОН». Дар доираи ин хатсайр меҳмонони хориҷӣ бо таъриху суннатҳои ин ҷашни бостонӣ шинос шуданд
«САЙРИ МЕҲРГОН». Дар Душанбе ба макони таҷлили ин ҷашн хатсайри сайёҳии ройгон ташкил карда мешавад
