Сафири Тоҷикистон Заробиддин Қосимӣ бо шабакаи байналмилалии телевизионии Миср «Nile TV international» мусоҳиба орост
ДУШАНБЕ, 28.03.2022 /АМИТ «Ховар»/. Сафири Ҷумҳурии Тоҷикистон дар Ҷумҳурии Арабии Миср Заробиддин Қосимӣ дар шабакаи байналмилалии телевизионии «Миср Nile TV international» бо директори ин шабакаи телевизионӣ хонум Тағрид Ҳусейн, ки ҳамзамон муовини вазири иттилооти кишвар аст, мусоҳибаи телевизионӣ орост. Дар ин бора АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Арабии Миср хабар медиҳад.
Зимни мусоҳиба доир ба ҷараён ва натиҷаҳои сафари расмии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Арабии Миср (9-11 марти 2022), ки мавриди таваҷҷуҳи хоси доираҳои сиёсию коршиносӣ ва ҳам воситаҳои ахбори оммаи Миср ва дигар кишварҳои минтақа қарор гирифт, мубодилаи афкор сурат гирифт.
Таваҷҷуҳи зиёд ба таърих ва робитаҳои гузаштаю имрӯзаи ду мардуми бостонию тамаддунсоз ва ду кишвари дӯсту бародар, дурнамои муносиботи дӯстӣ ва ҳамкории гуногунҷанба зоҳир гардид.
Тавре зикр гардид, имкону захираҳои истифоданашуда барои густариши ҳамкории иқтисодию тиҷоратӣ ва сармоягузории барои ҳарду ҷониб судовар дар соҳаҳои гуногун фаровон вуҷуд доранд ва таъкид гардид, ки воситаҳои ахбори оммаи ҳарду кишвар низ барои тарғибу ташвиқи робитаҳои самарабахш бояд саҳм гузоранд.
АКС: скриншот аз навор
АБАРМАРДЕ, КИ ДАВЛАТРО БИНО КАРД. Ба ифтихори Рӯзи Президенти Ҷумҳурии Тоҷикистон
Имрӯз дар водиҳои Тоҷикистон борон меборад
Байни Тоҷикистон ва Агентии ҳамкории байналмилалии Ҷопон Созишномаи грантӣ ба имзо расид
Бастаҳои «MIX»: интернети бисёр барои паёмрасонҳо, шабакаҳои иҷтимоӣ ва платформаҳои видеоӣ
БОТУЛИЗМ. Риоя нагардидани қоидаҳои санитарию гигиенӣ боиси пайдошавии ин беморӣ мегардад
Имрӯз дар ноҳияҳои алоҳидаи кӯҳии Тоҷикистон борон ва барф меборад
Имрӯз дар Тоҷикистон ҳаво абрнок мешавад
Паҳлавонони тоҷик дар Чемпионати ҷаҳон оид ба кураш соҳиби шаш медал гардиданд
Ба ифтихори Рӯзи Президенти Тоҷикистон дар Академияи идоракунии давлатӣ ҳамоишҳо баргузор мегарданд
Дастаи мунтахаби ҷавонони Тоҷикистон (U-20) дар Чэнду бо дастаҳои Кореяи Ҷанубӣ, Чин ва Ветнам бозӣ мекунад
Дар Хатлон Рӯзи милитсияи тоҷикро таҷлил намуданд
Муассисаи давлатии нигоҳдории роҳҳои мошингарди минтақаи Ҳисор ба зимистон омода мебошад
