Сергей Лавров: «Монеаи асосӣ барои ба расмият шинохтани ҳукумати толибон нокифоягии ҳамашумулии он мебошад»
ДУШАНБЕ, 31.03.2022 /АМИТ «Ховар»/. Монеаи асосӣ барои ба расмият шинохтани ҳукумати толибон дар Афғонистон нокифоя будани ҳамашумулии он мебошад. Дар ин бора имрӯз, 31 март, вазири корҳои хориҷии Русия Сергей Лавров дар нишасти сеюми вазирони ҳамсоякишварҳои Афғонистон (Русия, Чин, Эрон, Покистон, Тоҷикистон, Туркманистон, Узбекистон) изҳори назар намуд. Нишаст дар Пекин ҷараён дорад.
«Ба назари мо, монеаи асосӣ барои ба расмият шинохтани ҳукумати нав дар Кобул нокифоя будани ҳамашумулии он боқӣ мемонад. Ман дар қудрат ҳузур надоштани он нафаронеро дар назар дорам, ки на танҳо манофеи қавмҳои мухталифи кишвар, ақаллияти миллӣ ва конфессионалӣ, балки неруҳои сиёсиро низ намояндагӣ мекунанд», — гуфт вазири корҳои хориҷии Русия.
«Ҳангоми иҷро шудани ин шартҳо нақши ҳалкунанда дар масъалаи эътирофи расмии ҳаракати «Толибон»* бояд ба СММ мансуб бошад», — таъкид кард ӯ.
Ёдовар мешавем, ки имрӯз дар Чин нишасти сеюми вазирони ҳамсоякишварҳои Афғонистон ба кори худ шурӯъ кард. Ҳайати Тоҷикистонро Вазири адлияи кишвар Музаффар Ашӯриён роҳбарӣ мекунад.
Тавре АМИТ «Ховар» қаблан хабар дод, дар нишаст масъалаҳои ҳамоҳангсозии талошҳои минтақавӣ дар самти башардӯстона ва иҷтимоию иқтисодӣ, кумак ба Афғонистон, инчунин ҳамоҳангсозии равишҳо дар муқобила бо таҳдидҳои паҳншавии терроризм ва қочоқи маводи мухаддир, ки аз Афғонистон бармеоянд, баррасӣ хоҳанд шуд.
АКС аз манбаъҳои боз
_______________________
* Ҳаракати «Толибон» дар Тоҷикистон, Русия ва дигар кишварҳо мамнӯъ аст
Конфронси чоруми байналмилалии сатҳи баланд Тоҷикистонро ҳамчун давлати фаъол дар ҳалли масъалаҳои обу иқлим муаррифӣ менамояд
Сафири Тоҷикистон бо ёвари Котиби энергетикаи Иёлоти Муттаҳидаи Амрико мулоқот намуд
Дар Душанбе омодагӣ ба Саммити сарони давлатҳои «Осиёи Марказӣ-Ҷумҳурии Корея» баррасӣ гардид
Дар Миср Ҷашни байналмилалии Наврӯзро таҷлил намуданд
Дар шаҳри Анқара Ҷашни Наврӯзи байналмилалиро таҷлил намуданд
Ҳайати Тоҷикистон дар ҷаласаи ҳафтуми мақомоти ҳифзи муҳити зисти давлатҳои аъзои СҲШ дар Бишкек иштирок намуд
Дар Боку машваратҳои консулии Тоҷикистону Озарбойҷон баргузор шуданд
Сафири Тоҷикистон бо Вазири федералии адлияи Покистон мулоқот намуд
Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Ҳиндустон баргузор гардиданд
Сироҷиддин Муҳриддин бо муовини Вазири корҳои хориҷии Ҷумҳурии Ҳиндустон мулоқот намуд
Дар Женева Ҷашни байналмилалии Наврӯзро таҷлил намуданд
Дар шаҳри Дюсселдорф бахшида ба Наврӯзи байналмилалӣ чорабинии бошукуҳи фарҳангӣ баргузор гардид
