Тоҷикистон ва Туркия баргузории анҷуману нишастҳои соҳибкориро минбаъд низ идома медиҳанд

Март 5, 2022 08:19

ДУШАНБЕ, 05.03.2022 /АМИТ «Ховар»/. Дар ҳошияи Форуми сайёҳии Тоҷикистону Туркия 3 март, вохӯрии Сафири Фавқулода ва Мухтори Ҷумҳурии Тоҷикистон дар Туркия Ашрафҷон Гулов бо муовини Вазири фарҳанг ва сайёҳии Туркия Надир Алпаслан баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Зимни вохӯрӣ ҷонибҳо вобаста ба имконияти тақвияту ташвиқи ҳамкориҳо дар соҳаҳои фарҳангу сайёҳӣ ибрози назар намуда, ба мувофиқа расиданд, ки минбаъд низ анҷуману нишастҳои соҳибкорӣ, аз ҷумла ҳузурию маҷозиро ҷиҳати муаррифии тамаддуну фарҳанг ва имкониятҳои сайёҳии Тоҷикистону Туркия, пайваста ташкил менамоянд.

Тавре қаблан АМИТ «Ховар» хабар дода буд, 3 март дар шаҳри Истанбул бо ибтикори Сафорати Ҷумҳурии Тоҷикистон дар Туркия дар ҳамкорӣ бо Кумитаи рушди сайёҳии назди Ҳукумати Ҷумҳурии Тоҷикистон ва Вазорати фарҳанг ва сайёҳии Туркия Форуми cайёҳии Тоҷикистону Туркия баргузор гардид.

Қисми расмии Форум бо сухани ифтитоҳии Сафири Фавқулодда ва Мухтори Ҷумҳурии Тоҷикистон дар Туркия Ашрафҷон Гулов, муовини раиси Кумитаи рушди сайёҳии назди Ҳукумати Ҷумҳурии Тоҷикистон Камолиддин Муминзод, муовини вазири фарҳанг ва сайёҳии Туркия Надир Алпаслан, ва Сафири Ҷумҳурии Туркия дар Душанбе Эмре Зеки Карагёл оғоз гардид.

Дар ҳошияи чорабинии зикршуда 12 ширкатҳои тоҷикию туркӣ «Намоишгоҳи мавод ва маҳсулоти ширкатҳои сайёҳии Тоҷикистону Туркия»-ро ташкил намуданд.

Инчунин, тибқи барномаи Форуми мазкур вохӯрии дуҷонибаи соҳибкорони ҳарду кишвар дар формати “B2B” ва бо мақомотҳои дахлдори ҷонибҳо дар формати “B2G” ташкил гардида, ба ширкатҳо имкон пайдо шуд, ки санадҳои ҳамкорӣ ба имзо раcонанд.

Дар Форуми мазкур намояндагони зиёда аз 100 ширкату корхонаҳои соҳаҳои сайёҳии Тоҷикистону Туркия дар шакли ҳузурӣ ва беш аз 150 нафари дигар дар шакли маҷозӣ иштирок намуданд. Дар баробари ин, дар кори Форум коршиносону масъулини соҳаи туризм аз ду кишвар бо пешниҳоди рӯнамо ва наворҳои ҷолиб вобаста ба табиати нодир ва дигар имкониятҳои сайёҳии Тоҷикистону Туркия ибрози назар намуданд.

 

АКС: ВКХ ҶТ

Март 5, 2022 08:19

Хабарҳои дигари ин бахш

Сироҷиддин Муҳриддин ва Субраҳманям Ҷайшанкар масоили муносибатҳои Тоҷикистону Ҳиндустонро баррасӣ намуданд
Сарвазири Тоҷикистон пешниҳод намуд, ки «Рӯзномаи рақамии ИДМ то соли 2030» таҳия карда шавад
Сарвазири Тоҷикистон: «Кишварҳои ИДМ рушди ҳамкории мутақобилан судманд ва ҳамаҷонибаро тасдиқ намуданд»
Қоҳир Расулзода: «Ҳамкории тиҷоратию иқтисодӣ бо кишварҳои ИДМ яке аз самтҳои афзалиятноки сиёсати хориҷии Тоҷикистон боқӣ мемонад»
Тоҷикистон ба рушди устувори муносибатҳои дуҷониба ва бисёрҷониба бо давлатҳои иштирокдори ИДМ аҳамияти махсус медиҳад
Дар Душанбе ҷаласаи Шурои сарони ҳукуматҳои Иттиҳоди Давлатҳои Мустақил оғоз гардид
Муовини Раиси Девони вазирони Туркманистон ба Тоҷикистон ташриф овард
Муовини Сарвазири Арманистон ба Тоҷикистон ташриф овард
Қоҳир Расулзода бо Раиси Девони вазирон — Роҳбари Дастгоҳи Президенти Ҷумҳурии Қирғизистон Адилбек Касималиев мулоқот анҷом дод
Сарвазири Ҷумҳурии Узбекистон ба Тоҷикистон ташриф овард
Раиси Ҳукумати Федератсияи Русия Михаил Мишустин ба Тоҷикистон ташриф овард
Қоҳир Расулзода бо Сарвазири Ҷумҳурии Беларус Александр Турчин мулоқот намуд