Тоҷикистон ва Узбекистон рақамикунонии низоми таҳсилотро баррасӣ карданд

Март 5, 2022 11:37

ДУШАНБЕ, 05.03.2022 /АМИТ «Ховар»/. Сафири Фавқулода ва Мухтори Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзода бо Вазири маорифи халқи Ҷумҳурии Узбекистон Бахтиёр Саидов 1 март вохӯрӣ намуд. Дар ин бора АМИТ «Ховар» бо истинод ба Вазорати корҳои хориҷии ҶТ хабар медиҳад.

Дар рафти мулоқот ҷонибҳо оид ба ҳамкории дуҷониба изҳори назар намуда,  таҳкими равобит дар соҳаи маориф, табодули таҷрибаи пешқадам ва рақамикунонӣ дар низоми таҳсилотро баррасӣ карданд.

Ёдовар мешавем, ки муносибатҳои дипломатӣ байни Ҷумҳурии Тоҷикистон ва Ҷумҳурии Узбекистон 22 октябри соли 1992 барқарор шуданд.

Ҷумҳурии Тоҷикистон бо дарназардошти мавқеи ҷуғрофӣ ва геосиёсӣ, дурнамои рушди иқтисодӣ, инчунин пайвандҳои чандинасраи муштарак ва робитаҳои таърихии мардумони ду кишвари ҳамсоя, ба тавсеа ва таҳкими бештари ҳамкории мутақобилан судманд бо Ҷумҳурии Узбекистон таваҷҷуҳи аввалиндараҷа дорад.

Тамосҳои сиёсӣ дар сатҳҳои олӣ ва баланд мунтазам сурат мегиранд. Президентҳои ду кишвар борҳо ба кишварҳои ҳамдигар сафарҳои расмӣ ва корӣ анҷом додаанд. Қобил ба зикр аст, ки тамосҳои мунтазам дар сатҳи роҳбарони ду давлат ва ҳамкориҳои фаъоли сиёсӣ ба таъмиқи равобит байни ду кишвар саҳми назаррас мегузоранд.

Таҳаввулоти дар соли 2018 дар муносибатҳои ду кишвар рухдода ҳамкории Тоҷикистону Узбекистонро ба сатҳи сифатан нав бароварданд.

Айни замон заминаи қарордодиву ҳуқуқии ду кишвар беш 200 созишнома ва шартномаро дар бар мегирад, ки дар сатҳи байнидавлатӣ, байниҳукуматӣ ва байниидоравӣ имзо шуда, поягузори онҳо Аҳднома дар бораи дӯстии абадӣ миёни Ҷумҳурии Тоҷикистон ва Ҷумҳурии Узбекистон аз 15 июни соли 2000 ва Шартнома дар бораи шарикии стратегӣ байни Ҷумҳурии Тоҷикистон ва Ҷумҳурии Узбекистон аз 17 августи соли 2018 мебошанд.

Масъалаҳои ҳамкории тиҷоративу иқтисодӣ, сармоягузорӣ, нақлиётӣ ва дигар соҳаҳо, инчунин масъалаҳои фарҳангию гуманитарӣ дар чаҳорчӯби Комиссияи байниҳукуматӣ оид ба ҳамкории тиҷоративу иқтисодии Ҷумҳурии Тоҷикистон ва Ҷумҳурии Узбекистон, ки соли 2002 таъсис ёфтааст, баррасӣ мешаванд.

Аз соли 2002 инҷониб 8 ҷаласаи Комиссияи байниҳукуматӣ байни Ҷумҳурии Тоҷикистон ва Ҷумҳурии Ӯзбекистон баргузор гардидааст, ки охирин ҷаласаи он 15 майи соли 2021 дар Тошканд сурат гирифта буд.

 

АКС: ВКХ ҶТ

Март 5, 2022 11:37

Хабарҳои дигари ин бахш

НИШАСТИ МАТБУОТӢ. Тоҷикистон бо 186 кишвари ҷаҳон равобити дипломатӣ барқарор намудааст
ИНТИХОБОТИ ВАКИЛОНИ ХАЛҚ-2025. Дар Вазорати корҳои хориҷии Тоҷикистон бо ҳайати мушоҳидони ИДМ мулоқот баргузор гардид
Ҳайати Тоҷикистон дар нишасти вазирон дар мавзуи «Ояндаи нақлиёт» дар Женева иштирок намуд
Дар Кувайт таҳкими равобит байни Тоҷикистон ва Кувайт баррасӣ гардид
Сафири Тоҷикистон бо вазири умури исломии Арабистони Саудӣ мулоқот намуд
Тоҷикистон ва Ҷумҳурии Корея ҳамкориро дар соҳаи геология ва захираҳои маъдан матраҳ намуданд
Сафири Тоҷикистон дар Швейтсария бо мушовири калони сиёсии ташкилоти «Global Cities HUB» мулоқот намуд
Дар Ню-Йорк нахустин вохӯрии Гурӯҳи дӯстони об дар соли 2025 баргузор гардид
Сафири Тоҷикистон бо директори генералии Агентии танзимкунандаи фаъолияти хайриявии Давлати Қатар мулоқот намуд
Дар Теҳрон иҷрои тавофуқоти дуҷониба байни Тоҷикистон ва Эрон баррасӣ гардид
Сафири Тоҷикистон бо Раиси Федератсияи палатаҳои тиҷоратии Арабистони Саудӣ мулоқот намуд
Президенти Ҷумҳурии Исломии Покистон бо Сафири Тоҷикистон мулоқот намуд