ЗАН-МОДАР — ОЛИҲАИ ПОКӢ. Дар Федератсияи иттифоқҳои касабаи мустақили Тоҷикистон ҳамоиши идона доир шуд
ДУШАНБЕ, 04.03.2022 /АМИТ «Ховар»/. Дар васфи Зан-Модар суханони зиёде гуфта шудаву то ҳанӯз васфаш мекунанду дар ояда низ хоҳанд кард, зеро ин олиҳаи покӣ офарандаи ҳаёт ва ҳазорон бузургон ҳаст. Ҳоло занони тоҷик дар ҳама соҳаҳо фаъоланду саҳм мегузоранд, яъне зани покгавҳар, нексиришт, ватанпарвар, хушахлоқ ва бомаърифат қодир аст бунёдгари ҷомеаи босаодат бошад. Ин нукта дирӯз зимни ҳамоиши идона дар Федератсияи иттифоқҳои касабаи мустақили Тоҷикистон зикр шуд, иттилоъ медиҳад хабарнигори АМИТ “Ховар”.
Раиси ФИКМТ Маликшо Неъматзода зимни ҳамоиш ҳамаи бонувон, модарон ва собиқадорони ин ниҳодро табрик намуда, иброз дошт, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон махсус барои баланд бардоштани мақоми зан дар ҷомеа дар Паёмҳои ҳарсолаи хеш дастуру супоришҳо медиҳанд, ки ин аз эҳтироми таърихии миллати тоҷик ба модарон сарчашма мегирад.
«Маҳз натиҷаи сиёсати хирадмандонаи Пешвои муаззами миллат аст, ки солҳои охир теъдоди занони мутахассису соҳибтаҷриба дар зинаҳои мухталифи ҳокимият – мақоми олии қонунгузор, ҳокимияти судиву иҷроия ва тамоми сохтору мақомоти давлативу ҷамъиятӣ торафт афзуда, занон дар рушду пешрафти самтҳои гуногуни ҳаёти ҷомеа саҳми воқеӣ гузошта истодаанд”,- иброз дошт Раиси Федератсияи иттифоқҳои касабаи мустақили Тоҷикистон Маликшо Неъматзода.
Дар охири ҳамоиш тамоми бонувону занон аз ҷониби роҳбарияти Федератсия бо туҳфаҳо қадрдонӣ гардиданд.
АКСҲО: ФИКМТ
ЭМОМАЛӢ РАҲМОН – ПАЙВАНДГАРИ ТОҶИКОН ВА ФОРСИЗАБОНОН. Дар ҳошияи китоби Президенти Тоҷикистон «Забони миллат – ҳастии миллат»
Аъзои ҳайати Маҷлиси умумичинии намояндагони мардумии Чин дар Осорхонаи миллӣ бо тамаддуни тоҷикон шинос гардиданд
Ёдгориҳои таърихию фарҳангии Тоҷикистон ба рӯйхати муқаддамотии ЮНЕСКО ворид гардиданд
«ҶАҲОНИ СИРК ДИЛҲОРО МУТТАҲИД МЕКУНАД!». Фестивали якуми байналмилалии санъати сиркӣ оғоз меёбад
Аъзои Маҷлиси умумичинии намояндагони мардумии Чин Қалъаи бостонии Ҳисорро тамошо намуданд
Шоири халқии Тоҷикистон Доро Наҷот аз олам даргузашт
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
