БА ИСТИҚБОЛИ 35-СОЛАГИИ ИСТИҚЛОЛИ ДАВЛАТӢ. Дар шаҳри Ҳисор иншооти ҷашнӣ бо усули зебои меъмории шарқӣ бунёд мегарданд
ДУШАНБЕ, 18.04.2022 /АМИТ «Ховар»/. Дар доираи омодагӣ ба ҷашни 35–солагии Истиқлоли давлатии Ҷумҳурии Тоҷикистон дар шаҳри Ҳисор бунёдкорию созандагӣ, хусусан бунёди биноҳои баландошёна вусъати тоза мегирад. Раиси шаҳри Ҳисор Қосим Роҳбар зимни боздид аз ҷараёни сохтмони иншооти ҷашнӣ биноҳои дар маркази шаҳр бунёдшавандаро оинаи шаҳр унвон карда, дар тарҳи бино истифода бурдани усулҳои зебои меъмории шарқиёнаро тавсия дод, иттилоъ доданд дар мақомоти иҷроияи ҳокимияти давлатии шаҳри Ҳисор ба АМИТ «Ховар».
Раиси шаҳри Ҳисор Қосим Роҳбар бо ҷараёни корҳои сохтмонӣ дар бинои баландошёна бо маркази савдою хизматрасонӣ дар кӯчаи Гагарин, ки аз ҷониби соҳибкор Салоҳиддин Қараев бунёд меёбад, шинос гардид.
Иттилоъ дода шуд, ки дар иншоот корҳои васлгарӣ ва оҳану бетонӣ идома дошта, дар ҳаҷми беш аз 40 фоиз иҷро гардидаанд. Тибқи лоиҳа, корҳои сохтмонӣ соли 2024 анҷом ёфта, бинои мазкур дар арафаи таҷлили ҷашни 35-солагии Истиқлоли давлатии Тоҷикистон мавриди баҳрабардорӣ қарор дода мешавад.
Дар сохтмони бино бештар маҳсулоти истеҳсоли ватанӣ истифода мегардад, ки имкон медиҳад муҳлати баистифодадиҳии иншоот ба таъхир наафтад.
Раиси шаҳр дар буриши кӯчаҳои Исмоили Сомонӣ ва Гагарин ҳамчунин бо корҳои бартарафсозии бинои фарсудаи собиқ Универмаги марказӣ шинос шуд. Дар ҷои ин бино соҳибкори маҳаллӣ Хуршед Ятимов тасмим гирифтааст, ки бинои даҳошёна бо ҷойгиркунии маркази савдо ва хизматрасонӣ бунёд намояд. Муҳлати баистифодадиҳии бино дар лоиҳа соли 2025 дарҷ гардидааст, вале чун он дар маркази шаҳр воқеъ аст, соҳибкор ният дорад бо истифода аз имконият суръати сохтмонро тезонида, онро пеш аз муҳлат бунёд кунад.
Раиси шаҳр барои бунёди босифати иншооти ҷашнӣ ба соҳибкорон маслиҳатҳои судманд дод.
АКСҲО: Мақомоти иҷроияи ҳокимияти давлатии шаҳри Ҳисор
35-СОЛАГИИ ИСТИҚЛОЛИ ДАВЛАТӢ. Дар Суғд беш аз 13 ҳазору 300 иншоот ва биноҳои нав ба истифода дода шуданд
Президенти Ҷумҳурии Тоҷикистон Эмомалӣ Раҳмон бо роҳбарону фаъолони вилояти Суғд мулоқот намуданд
«ЗАБОНИ МО – ҶАҲОНИ МО». Дар Тоҷикистон Анҷумани сеюми забоншиносон баргузор мегардад
35-СОЛАГИИ ИСТИҚЛОЛИ ДАВЛАТӢ. Дар ноҳияи Фирдавсӣ 10 муассисаи томактабӣ бунёд мегардад
Пешвои миллат Эмомалӣ Раҳмон дар шаҳри Хуҷанд корхонаи истеҳсоли нушокиҳои «Суғд саноат холдинг»-ро ифтитоҳ намуданд
Сарвари давлат Эмомалӣ Раҳмон дар шаҳри Хуҷанд Маҷмааи варзишии «Суғд-арена»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд бинои истиқоматӣ барои кормандони соҳаи иҷтимоиро ба истифода доданд
Пешвои миллат Эмомалӣ Раҳмон Маркази фарҳанг ва рушди технологияҳои инноватсиониро дар Донишгоҳи давлатии ҳуқуқ, бизнес ва сиёсати Тоҷикистон ифтитоҳ намуданд
Сарвари давлат Эмомалӣ Раҳмон дар шаҳри Хуҷанд бинои маъмурии Палатаи савдо ва саноати вилояти Суғдро ба истифода доданд
Пешвои миллат Эмомалӣ Раҳмон ба таври фосилавӣ Маркази савдо ва хизматрасонии “Раҳимӣ” дар деҳоти Хистеварз ва корхонаи парандапарварӣ дар деҳоти Исфисорро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров ба раванди истеҳсолот дар корхонаи қуттиҳои картонӣ оғоз бахшиданд
Сарвари давлат Эмомалӣ Раҳмон дар шаҳри Бӯстон бинои Театри давлатии драммавии русии ба номи Александр Пушкинро баъд аз навсозӣ ба истифода доданд
