Дар ҶДММ «Спитамен» хати нави истеҳсолӣ фаъол карда мешавад
ДУШАНБЕ, 07.04.2022 /АМИТ «Ховар»/. Дар Ҷамъияти дорои масъулияти маҳдуди «Спитамен» васлу насби хати нави истеҳсолӣ ҷараён дошта, бо ба охир расидани корҳо ҳаҷми истеҳсоли маҳсулот зиёд ва маҳсулот ба кишварҳои Қазоқистону Узбекистон содирот карда мешавад. Дар ин бора зимни боздиди Раиси вилояти Суғд Раҷаббой Аҳмадзода аз корхонаи мазкур гуфта шуд, хабар дод корманди Хадамоти матбуоти Раиси вилояти Суғд Андар Раҳмонӣ ба АМИТ «Ховар».
Ҷамъияти дорои масъулияти маҳдуди «Спитамен» аз калонтарин корхонаҳои саноатии ноҳияи Деваштич аст, ки бо тамғаи «Оҳаки Ғончӣ» маҳсулоти сохтмонӣ истеҳсол мекунад. Муассисони корхона бо назардошти Солҳои рушди саноат эълон шудани солҳои 2022-2026 тасмим гирифтанд, ки фаъолиятро тақвият бахшида, хати навро фаъол созанд.
Корхона аз соли 2011 инҷониб фаъолият дошта, соли 2020 ба маблағи зиёда аз 3 миллион сомонӣ ва соли 2021 ба маблағи 4 миллион сомонӣ маҳсулот истеҳсол намудааст. Ҳаҷми истеҳсоли маҳсулот низ дар ҳоли афзоиш буда, агар соли 2020 чор ҳазор тонна маҳсулот истеҳсол гардида бошад, ин рақам соли 2021 ба панҷ ҳазор тонна расидааст.
Ҷамъияти дорои масъулияти маҳдуди «Спитамен» бо истифода аз дастгириҳои давлатӣ фаъолияти хуб дошта, истеҳсолот ба таври автоматӣ идора карда шуда, сифати маҳсулот дар озмоишгоҳи корхона санҷида мешавад. Барои нигаҳдории маҳсулот анбор мавҷуд буда, бо назардошти бо ангиштсанг фаъолият намудани корхона миқдори зарурии ангиштсанг захира карда шудааст.
Раиси вилоят Раҷаббой Аҳмадзода масъулини ҶДММ «Спитамен» -ро вазифадор намуд, ки дар баробари беҳтар намудани шароити корӣ ва мақсаднок истифода намудани боигариҳои табиӣ ба масъалаи баланд бардоштани музди меҳнати кормандон минбаъд таваҷҷуҳ равона созанд.
АКСҲО: Хадамоти матбуоти Раиси в. Суғд
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
