Дар Душанбе масоили имконияти содироти маҳсулоти кишоварзӣ ба Корея баррасӣ гардид
ДУШАНБЕ, 13.04.2022 /АМИТ «Ховар»/. 12 апрел директори Агентии содироти назди Ҳукумати Ҷумҳурии Тоҷикистон Шавкат Бобозода ва раиси Ассотсиатсияи дӯстии Ҷумҳурии Корея бо кишварҳои Осиёи Марказӣ хонум Ли Ок Рён зимни мулоқот оид ба имконияти содироти маҳсулоти кишоварзӣ суҳбат намуданд.
Тавре ба АМИТ «Ховар» дар Агентии содирот хабар доданд, дар вохӯрӣ инчунин намояндагони ширкатҳои воридотӣ ва содиротии маҳсулоти кишоварзии Ҷумҳурии Корея иштирок намуда, масъалаҳои дарёфти бозорҳои содиротӣ, баланд бардоштани малакаи соҳибкорон, мусоидат ҷиҳати рушди содироти маҳсулоти кишоварзиро мавриди муҳокима қарор доданд.
Ҳамзамон дар мулоқот ҷониби ҳайати Корея ҷиҳати тақвият додани ҳамкорӣ дар самти имконоти содироти молу маҳсулоти кишоварзӣ аз Ҷумҳурии Тоҷикистон мавқеи худро иброз намуда, пешниҳод карданд, ки омодаи бастани созишномаҳои ҳамкорӣ бо Ҷумҳурии Тоҷикистонанд.
Дар вохӯрӣ ҳамчунин имконияти содироти маҳсулоти ватанӣ, инчунин самтҳои асосии фаъолияти Агентии содирот, аз ҷумла мусоидат ба рушди босуботи миқдор ва сифати содироти молу маҳсулоти ватанӣ ба хориҷи мамлакат, баланд бардоштани иқтидори содиротии кишвар ва ҷалби харидорони хориҷӣ муаррифӣ шуд.
АКСҲО: Агентии содироти назди Ҳукумати Ҷумҳурии Тоҷикистон
Дар 7 соли охир дар Тоҷикистон беш аз 2600 корхонаи саноатӣ ба фаъолият оғоз намудааст
Таъсиси Шурои миллии об дар Тоҷикистон қадами муҳим дар самти идоракунии устувори захираҳои об аст
Кишоварзони Тоҷикистон соли 2026 дар беш аз 274 ҳазор гектар зироати ғалладонагӣ кишт менамоянд
Дар ҶСК «Барқи Тоҷик» самти энергетикии Паёми Президенти Тоҷикистон ба Маҷлиси Олӣ баррасӣ гардид
Сарфаи неруи барқ на танҳо ба коҳиши хароҷоти оилавӣ, балки ба самаранокии неруи барқ низ мусоидат менамояд
Тоҷикистон ва Узбекистон оид ба истифодаи долони нақлиётӣ, ки Чинро бо Аврупо мепайвандад, ба мувофиқа расиданд
Сохтмони хати барқии баландшиддати ҳавоӣ аз зеристгоҳи «Равшан» то зеристгоҳи «Шаҳринав-2» идома дорад
Корхонаҳои саноатии ноҳияи Мастчоҳ ба маблағи беш аз 356 миллион сомонӣ маҳсулот истеҳсол намудаанд
Татбиқи барномаҳои электронии идоракунӣ ва истифодаи технологияҳои рақамӣ дар фаъолияти соҳаи об баррасӣ шуд
Байни Хадамоти алоқаи Тоҷикистон ва ширкати «Jinda Anbang»-и Чин Ёддошти тафоҳум ба имзо расид
Шуруъ аз 1 феврали соли 2026 дар Тоҷикистон тарифҳои нави барқу гармӣ ҷорӣ карда мешавад
КАРТОШКАПАРВАРӢ. Кишоварзони вилояти Хатлон дар 8 ҳазор гектар картошка кишт менамоянд
