ДЗЮДО. Имрӯз Мусобиқаи «Antalya Grand Slam 2022» оғоз меёбад

Апрель 1, 2022 10:54

ДУШАНБЕ, 01.04.2022 /АМИТ «Ховар»/. Имрӯз   дар шаҳри Анталияи Туркия Мусобиқа  оид  ба намуди  гӯштини дзюдо-  «Antalya Grand Slam 2022» оғоз шуда, то  3 апрел идома меёбад, иттилоъ медиҳад шореҳи варзиши АМИТ «Ховар» бо истинод ба Федератсияи дзюдои  Тоҷикистон.

Дар мусобиқаи мазкур иштироки 535 варзишгар (319 мард, 216 зан) аз 65 давлати дунё дар назар аст.

Аз ҷумла, дар ин мусобиқа дастаи  мунтахаби гӯштини дзюдои  Тоҷикистон дар ҳайати 8 варзишгар — Меҳрзод Сӯфиев (-60кг), Абубакр Шеров (-66кг), Шаҳбоз Саидаброров (-66кг), Сомон Маҳмадбеков (-73кг),  Комроншоҳ Устопириён (-90кг), Ҷаҳонгир Маҷидов (-90кг), Абубакри Акобир (-100кг) ва  Темур Раҳимов (+100кг) ширкат мекунад.

Қувваозмоиҳо тибқи қоидаҳои Федератсияи байналмилалии дзюдо дар ҳафт вазн миёни мардҳо ва ҳафт вазн миёни бонувон сурат мегиранд. Ғолибону ҷоизадорон дар баробари медал бо ҷоизапулӣ низ қадрдонӣ мегарданд – барои ҷои аввал 5000 евро, барои ҷои дуюм 3000 евро ва барои ҷои сеюм 1500 евро.

Барномаи баргузории мусобиқа:
Рӯзи 1 | 1 апрел | Ҷумъа
Оғоз:  11:00
Марҳилаи ниҳоӣ: 19:00
Занон: -48 kg, -52 kg, -57 kg;
Мардон: -60 kg, -66 kg

Рӯзи 2 | 2 апрел | Шанбе
Оғоз:  11:00
Марҳилаи ниҳоӣ: 19:00
Занон: -63 kg, -70 kg;
Мардон: -73 kg, -81 kg

Рӯзи 3 | 3 апрел | Якшанбе
Оғоз:  11:30
Марҳилаи ниҳоӣ: 19:00
Занон: -78 kg, +78 kg;
Мардон: -90 kg, -100 kg, +100 kg

Ҳамаи  сабқатҳо  бо  вақти Душанбе сурат мегиранд

Ёдовар мешавем, ки  паҳлавони маъруфи тоҷик  Темур Раҳимов дар  мусобиқаи  «Tel Aviv Grand Slam 2022», ки  17-19 феврали соли 2022  дар пойтахти  Исроил  баргузор шуда  буд, медали биринҷӣ ба даст овард.

Ҳамчунин паҳлавони шинохтаи  кишвар  Комроншоҳи Устопириён дар аввалин мусобиқаи дзюдои соли 2022 – «Grand Prix Portugal 2022» сазовори медали биринҷӣ  шуд.

 АКС: Федератсияи дзюдои  Тоҷикистон

Апрель 1, 2022 10:54

Хабарҳои дигари ин бахш

Дар Душанбе ҷаласаи Кумитаи футзали Федератсияи футболи Тоҷикистон баргузор шуд
Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд