ФУТБОЛ. Замони баргузории бозиҳои даври сеюми Чемпионати Тоҷикистон дар Лигаи олӣ муайян гардид
ДУШАНБЕ, 13.04.2022 /АМИТ «Ховар»/. Бозиҳои даври сеюми Чемпионати Тоҷикистон оид ба футбол-2022 миёни дастаҳои Лигаи олӣ 16-17 апрел дар варзишгоҳҳои мамлакат доир мегарданд. Дар ин давр дастаҳои футболи «Файзканд»-и ноҳияи Восеъ бо «Хуҷанд»-и шаҳри Хуҷанд, «Регар-ТадАЗ»-и шаҳри Турсунзода бо «Равшан»-и шаҳри Кӯлоб, «Хатлон»-и шаҳри Бохтар бо «Эсхата»-и шаҳри Хуҷанд ва «Равшан»-и ноҳияи Зафаробод бо КМВА-и шаҳри Душанбе миёни ҳам вомехӯранд, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Аз 8 то 10 апрел дар варзишгоҳҳои мамлакат бозиҳои даври дуюми Чемпионати Тоҷикистон оид ба футбол-2022 миёни дастаҳои Лигаи олӣ дар сатҳи баланд баргузор шуданд. Дар чор бозӣ ҳамагӣ 8 гол зада шуд.
Бозии аз ҳамаи натиҷаовар дар шаҳри Истаравшан ба қайд гирифта шуд, ки дастаи футболи «Файзканд»-и ноҳияи Восеъ бар дастаи футболи «Эсхата»-и шаҳри Хуҷанд бо ҳисоби 3:1 ғолиб омад.
Дар бозии дигар дастаи футболи «Хуҷанд»-и шаҳри Хуҷанд ба дарвозаи дастаи нави Лигаи олӣ – «Равшан»-и ноҳияи Зафаробод 3 голи беҷавоб зад.
Бозӣ миёни дастаҳои футболи «Истаравшан»-и шаҳри Истаравшан бо дастаи «Хатлон»-и шаҳри Бохтар бидуни гол (0:0) анҷом ёфт. Дар бозии ниҳоӣ дастаи КМВА-и шаҳри Душанбе бар дастаи футболи «Регар-ТадАЗ»-и шаҳри Турсунзода бо ҳисоби 1:0 ғолиб омад.
Чемпионати Тоҷикистон оид ба футбол-2022 миёни дастаҳои Лигаи олӣ
| Б | Ғ | М | Б | Т | Х | ||
| 1 | «Истаравшан» (Истаравшан) | 2 | 1 | 1 | 0 | 5-0 | 4 |
| 2 | «Хатлон» (Бохтар) | 2 | 1 | 1 | 0 | 3-1 | 4 |
| 3 | «Хуҷанд» (Хуҷанд) | 2 | 1 | 0 | 1 | 3-1 | 3 |
| 4 | КМВА (Душанбе) | 1 | 1 | 0 | 0 | 1-0 | 3 |
| 5 | «Эсхата» (Хуҷанд) | 2 | 1 | 0 | 1 | 2-3 | 3 |
| 6 | «Файзканд» (Восеъ) | 2 | 1 | 0 | 1 | 3-6 | 3 |
| 7 | «Регар-ТадАЗ» (Турсунзада) | 2 | 0 | 1 | 1 | 2-3 | 1 |
| 8 | «Равшан» (Зафарабад) | 2 | 0 | 1 | 1 | 2-5 | 1 |
| 9 | «Истиқлол» (Душанбе) | 0 | 0 | 0 | 0 | 0-0 | 0 |
| 10 | «Равшан» (Кӯлоб) | 1 | 0 | 0 | 1 | 1-3 | 0 |
АКС: ФФТ
Комиссияи назорати молиявии дастаҳои футболи Лигаи олии Тоҷикистон таъсис дода шуд
Дар Тоҷикистон Дави миллӣ ва марафони велосипедронӣ баргузор мегардад
Дастаи «Соро компания» дар силсилаи ниҳоии Суперлигаи футзали Тоҷикистон пирӯзии дуюмро ба даст овард
Байни донишҷӯёни муассисаҳои таҳсилоти ибтидоӣ ва миёнаи касбӣ мусобиқаи футболи хурд идома дорад
Лигаи футболи занонаи Тоҷикистон бо иштирокчиёни мусобиқаҳо ҷаласаи васеъ доир намуд
Намояндагони Кумитаи миллии олимпии Тоҷикистон дар Ассамблеяи генералии Шурои олимпии Осиё иштирок доранд
Рӯйхати васеи дастаи мунтахаби Тоҷикистон барои бозӣ бо дастаҳои Камбоҷа ва Филиппин муайян карда шуд
Дар Тоҷикистон бахшида ба Рӯзи ҷаҳонии футбол ҳафтаи футбол ба таври бошукуҳ таҷлил карда мешавад
Дар Душанбе бозии ситораҳои футболи Тоҷикистон ва Русия баргузор мешавад
Маротибаи аввал дастаи мунтахаби Тоҷикистон оид ба ҷудо дар мусобиқаи Grand Slam соҳиби 11 медал ва ҷойи якум гардид
Моҳи май дар Бадахшон мусобиқаи вилоятии футбол доир карда мешавад
DUSHANBE GRAND SLAM 2025. Имрӯз дар рӯзи охири мусобиқа ҷудочиён аз рӯи 5 вазн қувва меозмоянд
