ХИЗМАТ БА ВАТАН МАРОМИ ДЕРИНАИ МОСТ. Дар Кӯлоб наваскаронро ба хизмати содиқона баҳри ҳифзу марзу буми Тоҷикистон гусел намуданд
ДУШАНБЕ, 01.04.2022 /АМИТ «Ховар»/. Имрӯз дар майдони 2700-солагии Муҷтамаи ҷумҳуриявии осорхонаҳои Кӯлоб маросими ботантанаи гусели баҳории ҷавонони даъватшаванда ба сафи Қувваҳои Мусаллаҳи Ҷумҳурии Тоҷикистон баргузор шуд, хабар доданд ба АМИТ «Ховар» дар бахши матбуоти Мақомоти иҷроияи ҳокимияти давлатии шаҳри Кӯлоб.
Дар ҳамоиш раиси шаҳри Кӯлоб Бахтиёр Назарзода, кормандони комиссариати ҳарбӣ, собиқадорони ҷангу меҳнат, волидайн ва ашхоси касбу кори гуногун иштирок карда, наваскаронро ба хизмати содиқона баҳри ҳифзу марзу буми мамлакат гусел намуданд.
Раиси шаҳри Кӯлоб Бахтиёр Назарзода изҳор намуд, ки «тақдири миллат, ободиву осудагӣ ва ҳифзи ин марзу бум аз ҳар яки мо, сокинони мамлакат, новобаста аз миллат, нажод ва эътиқоди динӣ вобастагии калон дошта, водорамон месозад то дар роҳи таъмини суботу амнияти он доимо талош варзем. Зеро ҳастии мо бо ҳастии Ватани маҳбубамон пайваст буда, нишоти рӯзгору зиндагии мо аз оромии мамлакат маншаъ мегирад. Ҳар тадбир ва корнамоиву қаҳрамониҳои Пешвои миллат барои ҷавонони мамлакат дарси шуҷоату мардонагӣ буда, дарки баланди инсондӯстӣ ва муносибати хуби одамгариро меомӯзонад. Ҳар ҷавони имрӯза хуб медонад, ки Пешвои миллат муҳтарам Эмомалӣ Раҳмон ҳамчун Сарфармондеҳи Олии Қувваҳои мусаллаҳи Ҷумҳурии Тоҷикистон кафили аслии сулҳу субот ва амнияту якпорчагии мамлакат мебошанд. Пас на танҳо дар забон, балки дар амал бояд тамоми неруи худро ба он равона созем, ки дар кору пайкори ҳаррӯзаи худ пайравони воқеии Пешвои миллат бошем».
«Яке аз рукнҳои муҳимтарини давлатдорӣ ва сипари боэътимоди ҳар давлати соҳибистиқлол Қувваҳои Мусаллаҳи он мебошанд. Артиш василаи бузурги мудофиавӣ буда, ҳеҷ давлат наметавонад бидуни он истиқлоли комили худро таъмин намояд ва Артиши миллии мо ба мактаби тарбияи ватандӯстиву ватандорӣ ва матонату мардонагӣ табдил ёфта, дар сафҳои худ даҳҳо ҳазор ҷавонони обутобёфтаро ба камол расонидааст»,- изҳор дошт Бахтиёр Назарзода.
Бо изҳори миннатдорӣ ба волидайни ҷавонони даъватшаванда, ки ихтиёран ба сафи Артиши миллӣ пайвастаанд, раиси шаҳр ба наваскарон саломатӣ, хушбахтӣ ҳушёрию зиракӣ, матонату ҷасорат ва дар роҳи хизмати содиқона ба Ватан саодату комёбӣ ва барору музаффарият таманно намуд.
Баъдан маросими мардумии «Нонгазон» аз ҷониби модарони даъватшудагон баргузор шуд. Барномаи ҷолиби консертии фарҳангиёни шаҳри Кӯлоб ба ҷамъомад шукӯҳу шаҳомати хосса бахшид.
АКСҲО: бахши матбуоти Мақомоти иҷроияи ҳокимияти давлатии шаҳри Кӯлоб
Барои кормандзанони мақомоти корҳои дохилӣ барномаи идонаи бошукуҳ доир гардид
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
Ҳимояи марзу бум вазифаи ҷонии ҳар афсару сарбоз ва сокини ифтихорманди Тоҷикистон мебошад
