Милитсияи Бадахшон уҳдадор гардид, ки ҳамкорӣ бо аҳолиро тақвият бахшад

Апрель 9, 2022 09:20

ДУШАНБЕ, 09.04.2022 /АМИТ «Ховар»/. Дар Раёсати Вазорати корҳои дохилӣ дар Вилояти Мухтори Кӯҳистони Бадахшон оид ба фаъолияти мақомоти корҳои дохилии вилоят ҷаласаи фаврӣ-хизматӣ баргузор гардид, хабар доданд ба АМИТ «Ховар» дар РВКД дар ВМКБ.

Зимни ҷаласа фаъолияти мақомоти корҳои дохилии вилоят вобаста ба иҷрои дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир ба самтҳо ва уҳдадориҳои хизматӣ баррасӣ шуда, дар он муовини аввали Вазири корҳои дохилии Ҷумҳурии Тоҷикистон Абдураҳмон Аламшозода, сардори Раёсати ВКД дар ВМКБ Шариф Назарзода, роҳбарияти ҷузъу томҳои раёсат ва шуъбаҳои Вазорати корҳои дохилӣ дар шаҳру ноҳияҳои вилоят иштирок намуданд.

Дар ҷаласа сардори мақомоти корҳои дохилии вилоят Шариф Назарзода кормандони милитсияи вилоятро уҳдадор намуд, ки ҷиҳати тақвият бахшидани ҳамкории милитсия бо аҳолӣ ва боло бурдани эътимоду боварии мардум ба милитсия чун сипару такягоҳ минбаъд дар муносибату муошират бо аҳолӣ аз рӯи принсипҳои хушахлоқӣ, хушмуомилагӣ ва гуманистӣ фаъолият намоянд.

Ҳамзамон тамоми ҳайати шахсии милитсияи шуъбаҳои ВКД дар шаҳру ноҳияҳои вилоят вазифадор карда шуданд, ки дар минтақаҳои хизматӣ бо ҷалби намояндагони мақомоти дар тарбияи ҳуқуқии шаҳрвандон манфиатдор, раисону маҳаллаҳо ва шаҳраку деҳот, бахшҳои кор бо занон ва ҷавонон, ҳамчунин нафарони обрӯманди маҳал гурӯҳҳои корӣ таъсис дода, ҷиҳати бурдани корҳои фаҳмондадиҳӣ миёни аҳолӣ сафарбар карда шаванд.

Зикр шуд, ки фаъолияти гурӯҳҳои корӣ ба самти баланд бардоштани маърифати ҳуқуқӣ, тарбияи ҷавонону наврасон дар рӯҳияи эҳтиром ба қонун ва арзишҳои милливу фарҳангӣ, эҳтироми калонсолон дар ҷомеа, пешгирӣ намудани кирдорҳои зиддиҳуқуқӣ, баррасии арзу шикоятҳои шаҳрвандон ва ҳалли мушкилоти ҷойдошта, аз ҷумла ба масъалаҳои шаҳрдорӣ ва корҳои созандагиву бунёдкорӣ нигаронида шудааст.

АКСҲО: РВКД дар ВМКБ

Апрель 9, 2022 09:20

Хабарҳои дигари ин бахш

Дар Душанбе Маркази тамоси электронӣ оид ба қабули муроҷиатҳо ташкил карда шуд
АМАЛИЁТИ «БАЧАҲО». Бо мақсади пешгирии ҳодисаҳои роҳу нақлиёт бо иштироки кӯдакону наврасон гузаронида мешавад
Сатҳи забондонии кормандони милитсияи Хатлон санҷида мешавад
Дар шаш моҳ дар Тоҷикистон 495 ҳолати машғул шудан ба ҷодугарӣ ва фолбинӣ ошкор карда шуд
«МАДАНИЯТИ ШАҲРДОРӢ». Дар Хатлон бо мақсади таҳким бахшидани ҳамкорӣ бо аҳолӣ амалиёт гузаронида шуд
Дар Душанбе татбиқи марҳилаи дуюми лоиҳаи «Шаҳри бехатар» баррасӣ гардид
Дар Хатлон масъалаҳои ҳифзи тартиботи ҷамъиятӣ баррасӣ карда шуданд
Дар Вазорати мудофиаи Тоҷикистон тарҳрезии либоси хизматчиёни ҳарбӣ дар шакли ягонаи миллӣ баррасӣ гардид
Сатҳи забондонии кормандони Вазорати корҳои дохилӣ санҷида мешавад
ДАСТОВАРДИ ДАВРОНИ СОҲИБИСТИҚЛОЛӢ. Ба таъсиси Кумитаи ҳолатҳои фавқулода ва мудофиаи граждании Тоҷикистон 31 сол пур шуд
Ҳамкорӣ дар самти пешгирии ҷинояткорӣ байни милитсияи Душанбе ва Тошканд тақвият меёбад
Дар Хоруғ машқи омодабошии мудофиаи ҳудудӣ ва захираҳои сафарбарӣ баргузор шуд