ОФАРИН, ОМИНА! Хонандаи Литсейи давлатии ноҳияи Восеъ ба медали тиллои Олимпиадаи байналмилалии «Teeneagle» мушарраф гардид
ДУШАНБЕ, 05.04.2022. /АМИТ «Ховар»/. Хонандаи синфи 8-и Литсейи давлатии №1-и ноҳияи Восеъ Омина Худойқулова дар Олимпиадаи байналмилалии Teeneagle ONLINE аз фанни забони англисӣ сазовори ҷойи аввал ва медали тилло гардид. Дар ин бора ба АМИТ «Ховар» дар литсейи мазкур иттилоъ доданд.
Хонандаи литсей 26 март тариқи фосилавӣ дар олимпиадаи мазкур иштирок намуда, соҳиби мақоми аввал ва медали тилло гардид. Омина акнун дар даври финалии олимпиада, ки аз 31 июл то 7 августи соли 2022 дар донишгоҳи «Брунел» — и шаҳри Лондони Британияи Кабир баргузор мегардад, иштирок мекунад.
Ҳадаф аз баргузории олимпиада дар сатҳи баланд омӯхтани забони англисӣ буда, иштирокчиёне, ки дар ҳама даврҳои ин олимпиада ғолиб омадаанд, тибқи низомномаи озмун метавонанд барои таҳсили ройгон дар 12 донишгоҳи бонуфузи Англия роҳхат гиранд.
Солҳои охир таваҷҷуҳ ба омӯзиши забонҳои хориҷӣ, бахусус русиву англисӣ дар мамлакат хуб ба роҳ монда шуда, Ҳукумати мамлакат дар ин самт дастурҳои мушаххас меандешад.
Пешвои миллат 21 декабри соли 2021 зимни ироаи Паёми навбатӣ ба Маҷлиси Олӣ омӯзиши забонҳои хориҷиро муҳим арзёбӣ намуда, иброз доштанд, ки бахусус омӯзиши забонҳои русиву англисӣ дар тамоми факултаву шуъбаҳои мактабҳои олӣ боз ҳам беҳтар ба роҳ монда шавад.
«Бо вуҷуди он ки раванди таҳсил дар муассисаҳои таълимӣ ба низоми муайян даромадааст, зарур аст, ки барои боз ҳам баланд бардоштани сатҳу сифати таҳсилот, омода кардани кадрҳои баландихтисос, омӯхтани забони давлатӣ, таъриху фарҳанги бостонии халқи тоҷик, боло бурдани завқу рағбати хонандагон ба омӯзиши фанҳои риёзӣ, дақиқ, табиӣ, технологияҳои иттилоотӣ ва аз худ кардани забонҳои хориҷӣ, махсусан, забонҳои русиву англисӣ таваҷҷуҳи аввалиндараҷа зоҳир карда шавад», — изҳор доштанд Сарвари давлат.
Пешвои миллат таъкид намуданд, ки зарур аст таълими забонҳои хориҷӣ, махсусан русиву англисӣ дар тамоми факултаву шуъбаҳои мактабҳои олӣ боз ҳам беҳтар ба роҳ монда шавад.
«Зеро Тоҷикистон ҳоло бо 180 давлат робитаи дипломатӣ ва бо 130 кишвар муносибатҳои тиҷоративу иқтисодӣ дорад», -иброз намуданд Президенти Тоҷикистон.
Зарангези ЛАТИФ,
АМИТ «Ховар»
АКСҲО: Литсейи давлатии №1-и ноҳияи Восеъ
Густариши ҳамкории илмии Донишгоҳи давлатии ҳуқуқ, бизнес ва сиёсати Тоҷикистон бо донишгоҳҳои Корея баррасӣ шуд
Байни Маркази ҷумҳуриявии дарёфт ва рушди истеъдодҳо ва ширкати академии «Bright»-и Шоҳигарии Камбоҷа Ёддошти тафоҳум имзо гардид
НИЗОМИ ДУВОЗДАҲСОЛАИ ТАЪЛИМ. Дар Тоҷикистон барои гузариш ба он омодагӣ мебинанд
Дастаи Тоҷикистон дар Олимпиадаи авруосиёӣ аз фанни технологияи иттилоотӣ соҳиби ҷойи сеюм гардид
Паёми Президенти Тоҷикистон ба Маҷлиси Олӣ кафили таъмини саодати халқ ва рушду пешрафти мамлакат аст
Дар Донишгоҳи давлатии ҳуқуқ, бизнес ва сиёсати Тоҷикистон нуктаҳои муҳими Паёми Президенти Тоҷикистонро ба Маҷлиси Олӣ мавриди иҷро қарор медиҳанд
Аз 1 сентябри соли 2026 маоши вазифавии кормандони муассисаҳои томактабӣ ва миёнаи умумӣ 25 фоиз зиёд мегардад
Пешвои миллат: «Барои гузаштан ба низоми 12-солаи таҳсил аз ҳоло чораҷӯӣ карда шавад»
Дастаи Тоҷикистон дар Олимпиадаи байналмилалии математикии Ангкор дар Камбоҷа 51 медал ба даст овард
Доир ба муаммо ва дурнамои илми методикаи таълим дар раванди ҷаҳонишавӣ конференсия баргузор шуд
Дар Тоҷикистон Маркази омодагӣ ва имтиҳони HSK таъсис дода мешавад
Дар Донишгоҳи давлатии Кӯлоб оид ба маърифати молиявии аҳолӣ конференсияи байналмилалӣ баргузор шуд
