ҶОМИ ОСИЁ-2022. Дастаи Тоҷикистон бар дастаи мунтахаби футзали Непал бо ҳисоби калони 11:1 ғолиб омад

Апрель 11, 2022 15:20

ДУШАНБЕ, 11.04.2022 /АМИТ «Ховар»/.  Дастаи мунтахаби футзали Тоҷикистон таҳти роҳбарии сармураббӣ Пайрав Воҳидов дар даври дуюми марҳилаи интихобии Ҷоми Осиё-2022 дар  шаҳри Бишкек дастаи мунтахаби  Непалро бо ҳисоби калони 11:1 шикаст дод, иттилоъ медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Аз ҳайати дастаи мунтахаби футзали Тоҷикистон Файзалӣ Сардоров се гол ё хет-трик анҷом дод. Идрис Ёров, Умед Кузиев, Шавкат Ҳалимов ва Самандар Ризомов  дутӯбӣ ба нишон расониданд.

Ёдовар мешавем, ки пагоҳ, 12 апрел дар даври охирини марҳилаи интихобии Ҷоми Осиё-2022  дастаи мунтахаби футзали Тоҷикистон бо дастаи мунтахаби Узбекистон бозӣ мекунад. Ин вохӯрӣ соати 10:00 ба вақти Душанбе оғоз мешавад.

Марҳилаи интихобии Ҷоми Осиё-2022

Минтақаи марказӣ ва ҷанубӣ. Гурӯҳи «В». Даври 2

Непал – ТОҶИКИСТОН – 1:11

Голҳо: Бишвас Паудел, 2 (1:0). Идрис Ёров, 7 (1:1). Умед Кузиев, 21 (1:2). Файзалӣ Сардоров, 25 (1:3). Файзалӣ Сардоров (1:4). Файзалӣ Сардоров, 32 (1:5). Шавкат Ҳалимов, 32 (1:6). Шавкат Ҳалимов, 33 (1:7). Умед Кузиев, 33 (1:8). Самандар Ризомов, 36 (1:9). Самандар Ризомов, 37 (1:10). Идрис Ёров, 37 (1:11).

Пеналтиро ба самар расонида натавонист: Файзалӣ Сардоров (Тоҷикистон), 17 (тӯб ба паҳлӯи дарвоза бархӯрд).

Аз майдон хориҷ карда шуд: Некрӯз Алимаҳмадов (Тоҷикистон), 16 – барои зарба задан ба рақиб, Биҷай Шрестха (Непал), 17.

11 апрел. Бишкек. Маҷмааи варзишии «Газпром-Арена».

АКС: ФФТ

Апрель 11, 2022 15:20

Хабарҳои дигари ин бахш

БОЗИҲОИ III КИШВАРҲОИ ИДМ. Дастаи мунтахабаи наврасони Тоҷикистон оид ба футбол тими Қирғизистонро шикаст дод
Бозиҳои III кишварҳои аъзои ИДМ расман ифтитоҳ шуданд
Дастаи мунтахаби наврасони то 16-солаи Тоҷикистон оид ба футбол бо дастаи Озарбойҷон нахустин бозӣ доир менамоянд
Сафири Тоҷикистон бо ҳайати Ассотсиатсияи варзишии ҳамбастагии исломӣ мулоқот намуд
Дастаи мунтахаби Тоҷикистон оид ба футзал ба қисми ниҳоии Ҷоми Осиё-2026 роҳхат гирифт
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо тими Ҷопон бозӣ мекунад
Тоҷикистонро дар Бозиҳои сеюми кишварҳои ИДМ 142 варзишгар муаррифӣ менамояд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» ҷамъбаст гардид
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо Камбоҷа бозӣ мекунад
Дар рӯзи охирини Ҷоми ҷаҳон оид ба самбо варзишгарони тоҷик соҳиби 6 медал шуданд
ҶОМИ ОСИЁ-2026. Дастаи мунтахаби Тоҷикистон оид ба футзал дар оғози марҳилаи интихобӣ тими Макаоро мағлуб намуд
Варзишгарони Тоҷикистон дар Бозиҳои ИДМ-2025 иштирок менамоянд