Варзишгарони тоҷик дар ниммарафони Тошканд иштирок намуданд

Апрель 5, 2022 08:31

ДУШАНБЕ, 05.04.2022 /АМИТ «Ховар»/. Дар шаҳри Тошканди  Узбекистон Ниммарафони байналмилалии Созмони ҳамкории Шанхай (СҲШ) баргузор шуд, ки дар он чор нафар варзишгари тоҷик иштирок намуданд. Дар ин бора АМИТ «Ховар» бо истинод ба Кумитаи миллии олимпии Тоҷикистон хабар медиҳад.

Кишвари моро дар ин мусобиқа чор нафар: Аъзамҷон Давлатов, Меҳрубон Шамсидинов, Зулҳиҷа Ғаффорзода, Раҷабмо Абдуллоева намояндагӣ карданд.

Дар Ниммарафони СҲШ ҳудуди 2300 варзишгар аз 31 давлат иштирок карданд.

Ниммарафони СҲШ дар шаҳри Тошканд дар ду масофа баргузор шуд – 10 км ва 21 км 97,5 м.

Дар ниммарафон натиҷаи беҳтари варзишгарони мо миёни бонувон ба қайд гирифта шуд. Раҷабмо Абдуллоева бо натиҷаи 1:29:53 панҷум ва Зулҳиҷҷа Ғафорзода бо натиҷаи 1:31:00 шашум шуданд.

Миёни бонувон ғолиби Ниммарафони СҲШ-2021 дар Душанбе Азиза Мирзоакбарова (Узбекистон) бо натиҷаи 1:15:16 пирӯз шуд. Ҷои дуюм бо натиҷаи 1:16:45 насиби намояндаи Қирғизистон Мария Коробитская гардид. Ситора Қурбонова (Узбекистон) бо натиҷаи 1:24:38 сеюм шуда ба марра расид. Ҷои чорумро намояндаи дигари мизбон Маҳинабону Комилова ишғол кард — 1:25:29.

Миёни мардҳо бо натиҷаи 1:04:28 Нурсултон Кунешбеков (Қирғизистон) ҷои аввалро гирифт. Ғолиби Ниммарафони Душанбе дар соли 2021 Шоҳрух Давлатов (Узбекистон) бо натиҷаи 1:04:40 дуюм шуд. Ержан Жанарстанов аз Қазоқистон бо натиҷаи 1:07:47 ҷои сеюмро сазовор гашт. Се ҷои баъдиро намояндагони кишвари мизбон ишғол карданд – Отабек Тошқувватов (1:07:53), Ойбек Маматкомилов (1:08:26), Евгений Фадеев (1:08:42).

Ниммарафони СҲШ бо ташаббуси ин созмон аз соли 2016 инҷониб баргузор мегардад. Соли гузашта шаҳри Душанбе мизбони ин чорабинии байналмилалӣ буд.

АКС: КМО Тоҷикистон

Апрель 5, 2022 08:31

Хабарҳои дигари ин бахш

Дар Душанбе ҷаласаи Кумитаи футзали Федератсияи футболи Тоҷикистон баргузор шуд
Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд