ВКХ ҶТ ба ҷаласаи баҳории Шӯрои вазирони корҳои хориҷии кишварҳои узви ИДМ омодагӣ мебинад
ДУШАНБЕ, 19.04.2022 /АМИТ «Ховар»/. Вазорати корҳои хориҷии Тоҷикистон ба ҷаласаи Шӯрои вазирони корҳои хориҷии кишварҳои узви ИДМ, ки 13 май дар шаҳри Душанбе ба нақша гирифта шудааст, омодагӣ мебинад.
Тавре дар ВКХ ба АМИТ «Ховар» иттилоъ доданд, намояндагони воситаҳои ахбори оммаи ватанӣ ва хориҷӣ, ки хоҳишманди иштирок дар ин чорабинӣ ҷиҳати пӯшиши иттилоотии он ҳастанд, бояд то санаи 5 май худро номнавис (аккредитатсия) кунанд.
Тавре қаблан АМИТ «Ховар» иттилоъ дода буд, интизор меравад, ки вазирони кишварҳои ИДМ дар ин нишаст мавзуъҳои байналмилалӣ ва минтақаиро баррасӣ кунанд.
Қаблан гуфтугӯи телефонии вазирони корҳои хориҷии Тоҷикистон Сироҷиддин Муҳриддин ва Қирғизистон Руслан Казакбоев баргузор гардида буд. Вазирон дар чаҳорчӯби суҳбат, аз ҷумла, ба мавзӯи омодагӣ ба ҷаласаи Шӯрои вазирони корҳои хориҷии кишварҳои ИДМ низ дахл карданд.
Ҷаласаи мазкур маъмулан дар як сол ду бор баргузор мегардад. Ҷаласаи тирамоҳии Шӯро тибқи нақша 13 октябр дар Нурсултон – пойтахти Қазоқистон баргузор хоҳад шуд.
АКС:АМИТ «Ховар»
Сафири Тоҷикистон бо Вазири авқоф ва корҳои исломии Давлати Қатар мулоқот намуд
Намояндаи доимии Ҷумҳурии Тоҷикистон ба Дабири кулли Созмони амният ва ҳамкорӣ дар Аврупо эътимоднома супорид
Сафири Тоҷикистон бо Вазири таҳсилоти олӣ ва тадқиқоти илмии Миср мулоқот намуд
Татбиқи лоиҳаҳои Иттиҳоди Аврупо ва Созмони амният ва ҳамкорӣ дар Аврупо дар Тоҷикистон баррасӣ гардид
МУТТАҲИДКУНИИ ҶАҲОН БАРОИ ОБ. Моҳи май дар Душанбе Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор» доир мешавад
Сафири Тоҷикистон бо сардори Идораи Осиёи Марказии Вазорати умури хориҷаи Эрон мулоқот намуд
Дар Душанбе ҳамкории Тоҷикистону Чин баррасӣ гардид
Сафири Тоҷикистон бо ҳамраиси Шурои кории Тоҷикистону Арабистони Саудӣ мулоқот намуд
Дар шаҳри Анқара Рӯзи фарҳангии Тоҷикистон баргузор шуд
Сафири Тоҷикистон бо Котиби давлатии Иёлоти Муттаҳидаи Амрико мулоқот намуд
Ҳамкории Тоҷикистону Умон дар соҳаҳои сиёсӣ, иқтисодӣ ва тиҷоратӣ баррасӣ гардид
Ҳамкории фарҳангии Тоҷикистон ва Амороти Муттаҳидаи Араб дар самти мусиқии симфонӣ густариш меёбад
