Ба беморхонаи марказии Панҷакент маводи дорувории «Инвокана» тақдим карда шуд

Май 21, 2022 08:51

ДУШАНБЕ, 21.05.2022 /АМИТ «Ховар»/.  Дар идомаи давраи бозомӯзӣ барои раисони кумитаҳои иҷроияи ҲХДТ дар вилоятҳо ва шаҳру ноҳияҳои ҷумҳурӣ аз номи роҳбарияти олии Ҳизби Халқии Демократии Тоҷикистон муовини якуми Раиси ҳизб Абдуҷаббор Азизӣ ва муовини Раиси ҳизб Хайринисо Юсуфӣ ба беморхонаи марказии шаҳри Панҷакент миқдори зиёди дорувории «Инвокана», ки барои бемориҳои қанд пешбинӣ гардидааст, тақдим гардид. Дар ин бора АМИТ «Ховар» бо истинод ба маркази матбуот ва таҳлилии дастгоҳи КИМ ҲХДТ хабар медиҳад.

Мавриди зикр аст, ки Ҳизби Халқии Демократии Тоҷикистон  ислоҳоти соҳаи тандурустиро дастгирӣ намуда, ҷиҳати боз ҳам беҳтар намудани дастрасӣ, сатҳу сифат ва самаранокии хизматрасонии тиббӣ ба аҳолӣ, инчунин рушди шаклҳои нави кумаки аввалияи тиббию санитарӣ талош меварзад.

Ислоҳот дар соҳаи тандурустӣ, пеш аз ҳама, ба таъмини устуворӣ ва дастрасии ҳамаи гурӯҳҳои аҳолӣ ба муолиҷаю табобат ва барқарорсозии саломатӣ равона мешавад.

Фаъолияти ҳизб барои мусоидат намудан ба гузаронидани ислоҳоти муназзам дар соҳаи тандурустӣ, беҳсозии дастрасӣ, сифат ва самарабахшии хизматрасониҳои тиббию санитарӣ, махсусан барои аҳолии камбизоат ва мардуми деҳот, таъмини иҷрои самараноки «Барномаи кафолатҳои давлатӣ оид ба таъмини аҳолӣ бо хизматрасониҳои кумаки тиббию санитарӣ”, таъминоти муассисаҳои тиббӣ бо таҷҳизот ва маводи доруворӣ ва таблиғу тарғиби тарзи ҳаёти солим дар ҷомеа равона мегардад.

Маводи дорувориро роҳбарияти муассиса дар ҳузури муовини раиси шаҳри Панҷакент Парвина Нақибӣ қабул намуда, ба роҳбарияти олии Ҳизби Халқии Демократии Тоҷикистон барои таваҷҷуҳи ҳамешагӣ ва талошҳои пайгирона ҷиҳати таъмини зиндагии шоистаи мардум изҳори сипос намуд.

Акс: КИМ ҲХДТ

Май 21, 2022 08:51

Хабарҳои дигари ин бахш

КӢ ХОДИМИ ДИН ШУДА НАМЕТАВОНАД. Парлумони Тоҷикистон ба қонун дар бораи озодии виҷдон ва иттиҳодияҳои динӣ тағйирот ворид намуд
Наврасони Хоруғ ба лагери дараи Ромити шаҳри Ваҳдат раҳсипор гардиданд
Дар Душанбе «Барномаи давлатии рушди ғизои мактабӣ дар Ҷумҳурии Тоҷикистон барои солҳои 2022-2027» муаррифӣ шуд
13 деҳаи ноҳияи Файзобод бо фарогирии 19717 нафар аҳолӣ бо оби тозаи нӯшокӣ таъмин карда мешаванд
Музаффар Ашуриён дар Форуми 10-уми байналмилалии ҳуқуқӣ дар Санкт-Петербург иштирок дорад
Омӯзгорону касбомӯзони «Маркази таълими калонсолони Тоҷикистон» барои ҳайати Узбекистон дарси маҳорат гузарониданд
Дар Ҷамоати деҳоти Ворухи Исфара пас аз офати табиӣ дастрасӣ ба оби нӯшокӣ ва полезӣ таъмин гардид
МОҲИ ИЮЛ ТОҶИКИСТОНИЁНРО ЧӢ ГУНА ҲАВО ИНТИЗОР АСТ? Ба ин суоли АМИТ «Ховар» муовини Директори Агентии обуҳавошиносӣ Ҷамила Байдуллоева посух дод
ЭҲТИЁТ ШАВЕД, «ЧИЛЛА»-И ТОБИСТОН! Дар Тоҷикистон ин рӯзҳо ҳарорати ҳаво то ба 45 дараҷа мерасад
Дар ноҳияи Кӯшониён пули дарозиаш 85-метра ба истифода дода шуд
Корҳои кашидани хатти оби нушокӣ аз деҳаи Калтачинор ба маркази ноҳияи Балҷувон оғоз гардиданд
Ба Тоҷикистон беш аз 200 ҳазор воя ваксинаи намуди «Pfizer» ворид карда шуд