БА ИСТИҚБОЛИ 35-СОЛАГИИ ИСТИҚЛОЛИ ДАВЛАТӢ. Дар Ҳисор имсол беш аз 20 км роҳ таъмиру таҷдид мегардад
ДУШАНБЕ, 31.05.2022 /АМИТ «Ховар»/. Дар доираи корҳои ободониву созандагӣ ба ифтихори ҷашни 35-солагии Истиқлоли давлатии Ҷумҳурии Тоҷикистон дар шаҳри Ҳисор соли равон мумфарш намудани беш аз 20 километр ва таъмиру таҷдиди даҳҳо километр роҳҳои шаҳраку деҳот дар назар дошта шудааст. Дар ин хусус АМИТ «Ховар» бо истинод ба мақомоти иҷроияи ҳокимияти давлатии шаҳри Ҳисор иттилоъ медиҳад.
Ба ин иқдоми шаҳрдорӣ соҳибкорону ҷавонмардони банангу номус ҳамраъй гардида, кӯчаҳои маҳалли зист ва берун аз онротаъмиру таҷдид ва мумфарш менамоянд.
Аз ҷумла, дар кӯчаи ба номи Файзулло Абдуллоеви маҳаллаи Камоли Хуҷандии шаҳраки Ҳисор соҳибкор Нурулло Ҳусейнов иқдом гирифтааст, ки бо фарзандонаш Дилшод ва Шоҳин Ҳусейновҳо кӯчаи мазкурро дар масофаи 1000 метр ва паҳноии 5-7 метр мумфарш намояд.
Зимни корҳои мумфаршкунии кӯчаи ба номи Файзулло Абдуллоеви маҳаллаи Камоли Хуҷандӣ раиси шаҳри Ҳисор Қосим Роҳбар ба маҳаллаи мазкур рафта, бо иштироки пирони кор ва сокинони он дар мумфаршкунӣ ва корҳои таъмиркунии қитъаҳои роҳ иштирок намуд.
Раиси шаҳри Ҳисор Қосим Роҳбар ба соҳибкорон ва роҳсозон барои иқдоми ватандӯстона ва хайрхоҳонаашон арзи сипос намуда, барои бо сифати баланд анҷом додани корҳои мумфаршкунии кӯча, ки дар маркази шаҳр мавқеъ гирифтааст, тавсияву маслиҳатҳои судманд дод. Масъулин ва роҳсозон изҳор доштанд, ки мумфаршкунии роҳро дар муддати кӯтоҳ ба анҷом мерасонанд.
Саҳми соҳибкор Нурулло Ҳусейнов дар корҳои созандагиву ободонии шаҳр шоистаи таҳсин буда, дар таҷлили 3000-солагии Ҳисор, 30-солагии Истиқлоли давлатии Тоҷикистон бо бунёди биноҳои муҳташам саҳми арзанда гузоштааст. Соҳибкор бо фарзандонаш тасмим гирифтаанд, ки рӯзҳои наздик роҳҳои маҳаллаи 8-ум ва қисме аз маркази шаҳракро низ аз ҳисоби худ таъмири ҷорӣ намоянд.
АКС: Мақомоти иҷроияи ҳокимияти давлатии шаҳри Ҳисор
35-СОЛАГИИ ИСТИҚЛОЛИ ДАВЛАТӢ. Дар ноҳияи Мастчоҳ 735 иншоот бунёду навсозӣ гардидааст
Пешвои миллат Эмомалӣ Раҳмон дар шаҳри Исфара ба таври фосилавӣ як қатор иншооти иҷтимоиро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Исфара кони ангишти №8-и Ҷамъияти саҳомии кушодаи «Ангишт»-ро ба истифода доданд
Сарвари давлат Эмомалӣ Раҳмон дар шаҳри Исфара бо лоиҳаи азхудкунии заминҳои бекорхобида, пойгоҳи обкашӣ, сардхона, коргоҳи бастубанди мева ва хоҷагии чорводорӣ ба таври фосилавӣ шинос шуданд
Пешвои миллат Эмомалӣ Раҳмон бо сафари корӣ ба шаҳри Исфара ташриф оварданд
Дар Хатлон неругоҳи офтобӣ бо иқтидори умумии 500 мегаватт сохта мешавад
Сарвари давлат Эмомалӣ Раҳмон бинои нави Беморхонаи марказии ноҳияи Мастчоҳро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Мастчоҳ 3 иншооти истеҳсолиро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Мастчоҳ муассисаи таҳсилоти миёнаи умумии рақами 14-ро ба истифода доданд
Пешвои миллат Эмомалӣ Раҳмон дар ноҳияи Мастчоҳ бинои муассисаи таҳсилоти миёнаи умумии №46-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар ноҳияи Мастчоҳ корхонаи истеҳсоли хишти сохтмонии Ҷаъфар-2014-ро ифтитоҳ намуданд
Сарвари давлат Эмомалӣ Раҳмон дар ноҳияи Мастчоҳ биноҳои нави муассисаҳои таҳсилоти томактабиро ба таври фосилавӣ ифтитоҳ намуданд
