Гӯштингирони тоҷик дар мусобиқаи рейтингии Ҷоми Болат Турлихонов дар Алмаато иштирок мекунанд

ДУШАНБЕ, 31.05.2022 /АМИТ «Ховар»/. Гӯштингирони тоҷик дар мусобиқаи рейтингии Ҷоми Болат Турлихонов, ки 2-5 июн дар шаҳри Алмаатои Қазоқистон баргузор мешавад, ширкат мекунанд. Дар ин бора ба АМИТ «Ховар» дар Кумитаи миллии олимпии Тоҷикистон хабар доданд.

Ба иттилои Федератсияи гӯштини Тоҷикистон, дар ин мусобиқа зиёда аз 275 варзишгар аз 15 давлат иштирок мекунанд. Аз ҷумҳурии мо 9 нафар (5 нафар оид ба гӯштини юнонӣ-римӣ, 4 нафар оид ба гӯштини тарзи озод) ба Қазоқистон сафарбар мегарданд:

Гӯштини юнонӣ-римӣ

1. Асламҷон Азизов (55кг)
2. Фирӯз Мирзораҷабов (60кг)
3. Шероз Очилов (72кг)
4. Ҳабибҷон Зуҳуров (77кг)
5. Суҳроб Абдулҳаев (82кг)

Гӯштини озод

1. Шамсиддин Ибодов (61кг)
2. Комрон Холов (65кг)
3. Муборакшо Қурбонбеков (70кг)
4. Файз Файззода (97кг)

АКС: КМО Тоҷикистон