Кишоварзони Фархор ба хориҷи кишвар пиёз содирот менамоянд
ДУШАНБЕ, 22.05.2022 /АМИТ «Ховар»/. Дар ноҳияи Фархор барои таъмини амнияти озуқаворӣ, фаровонии бозори истеъмолӣ, қонеъ гардонидани эҳтиёҷоти мардум бо маводи ғизоӣ ва ба роҳ мондани содироти маҳсулот мувофиқи дурнамои кишти зироати кишоварзӣ, дар бахши хоҷагиҳои деҳқонӣ дар майдони 264 гектар кишти картошта ва дар майдони 274 гектар кишти пиёз гузаронида шудааст, ки 110 гектари онро кишти барвақтӣ ташкил медиҳад. Дар ин бора ба АМИТ «Ховар» дар маркази матбуоти раиси ноҳияи Фархор иттилоъ доданд.
Деҳқонони ноҳия ба ҷамъоварии пиёз шурӯъ карда, ният доранд ҳосили ба даст омадаро ҳарчи зудтар ҷамъоварӣ ва дар саҳро кишти такрорӣ ба роҳ монанд.
Дар хоҷагиҳои деҳоти Истиқлол ва Хуросони ноҳия кишоварзон дар баробари дигар номгӯи маҳсулот ҳар сол аз кишти картошкаю пиёз низ ҳосили фаровон ва даромади хуб ба даст меоранд.
Дар ноҳия имсол нақшаи содироти кишоварзӣ 3200 тонна пешбинӣ гардидааст.
Масъулини соҳа ва кишоварзони ноҳия иқдом гирифтаанд, ки рӯзҳои наздик баъд аз ҷамъоварӣ кардани пиёз содироти ин номгӯи маҳсулотро ба хориҷи кишвар ба роҳ монанд.
Хоҷагидорони ноҳия соли равон ҳосили боғҳо ва нашъунамои майдони полезиро хуб арзёбӣ намуда, аз ҳисоби истеҳсоли мева ва полезӣ низ бояд имсол содироти маҳсулот бештар карда шавад. Ин тадбир ба даромади иқтисодии аҳли заҳмат ва ҳавасмандии онҳо нисбат ба таъмини рушди соҳа мусоидат менамояд.
Дар хоҷагиҳои ноҳия ҷамъоварии ҳосили зироати ғалладонагӣ низ шурӯъ гардида, кишоварзон барои оқилонаву самаранок истифода бурдани ҳар қитъа замини коррами обӣ иқдом гирифтаанд, ки маъракаи ҷамъоварии ҳосилро вусъат бахшанд.
АКС: Маркази матбуоти Раиси ноҳияи Фархор
МАСЛИҲАТИ МУТАХАССИС. Ҷуворимакка зироати пурқимати хӯрокворӣ барои инсон мебошад
«Барномаи миллии бехатарии авиатсияи граждании Ҷумҳурии Тоҷикистон барои солҳои 2025-2030» қабул шуд
Кишоварзони вилояти Хатлон ба ҷамъоварии пахта оғоз намуданд
Тоҷикистон ва Иттиҳоди байналмилалии алоқа ҳамкориро дар самти рақамикунонӣ ва рушди технологияҳои иттилоотӣ баррасӣ намуданд
Дар Душанбе дурнамои ҳамкорӣ дар соҳаҳои сармоягузорӣ ва соҳибкорӣ байни Тоҷикистон ва САҲА баррасӣ гардид
СОЛҲОИ РУШДИ САНОАТ. Дар Истаравшан корхонаи истеҳсоли сӯзандору ва системаи қатравии яккарата бунёд мешавад
Вазирони ҳифзи муҳити зисти давлатҳои аъзои Машварати ҳамкорӣ ва тадбирҳои боварӣ дар Осиё масоили обу иқлимро баррасӣ намуданд
Тавсеаи ҳамкории Тоҷикистон ва Бонки Осиёии Рушд дар Душанбе баррасӣ гардид
ЧАРО ДАР ТОҶИКИСТОН ПАХТАПАРВАРӢ КОҲИШ ЁФТ? Дар мамлакат маъракаи ҷамъоварии пахта оғоз гардид
Ташаббусҳои ҷаҳонии Тоҷикистон дар Панели сатҳи баланд оид ба нақши об дар равандҳои глобалӣ таъкид шуд
Содироти маҳсулот байни Тоҷикистон ва Покистон афзоиш меёбад
Ҳамкории Тоҷикистон ва Озарбойҷон дар соҳаи кишоварзӣ тақвият меёбад
