То аввали моҳи май дар 10 ҳазор гектар кишти чигит дар зери плёнка гузаронида шудааст
ДУШАНБЕ, 14.05.2022 /АМИТ «Ховар»/. Имсол тибқи дурнамо дар майдони 186 ҳазор гектар кишти чигит гузаронида мешавад, ки то 1 май 90 фоизи дурнамои он иҷро гардидааст. Аз нақшаи иҷрогардида 10 ҳазор гектарро кишти чигит дар зери плёнка ташкил медиҳад. Дар ин бора аз Раёсати растанипарварии Вазорати кишоварзии мамлакат ба АМИТ «Ховар» иттилоъ доданд.
Имрӯзҳо бо мақсади зиёд кардани ҳаҷми истеҳсоли маҳсулоти кишоварзӣ ва мутобиқ гардидан ба тағйирёбии иқлим дар мамлакат кишти чигит дар зери плёнка афзоиш меёбад. Яке аз маҳсулоти кишоварзӣ- ин кишти чигит мебошад, ки тайи солҳои охир масоҳати замини бо усули зери плёнка киштшуда зиёд гардида истодааст.
Дотсенти кафедраи пахтапарварӣ, генетика, селексия ва тухмипарварии Донишгоҳи аграрии Тоҷикистон ба номи Шириншоҳ Шоҳтемур Зикриёхон Ҳайдаров иброз намуд, ки «кишти чигити зери плёнка таҷрибаи нав нест, ин тарҷиба солҳои 60-уми асри гузашта низ маълум буд ва баъд аз соҳибистиқлолии мамлакат аз нав ривоҷ ёфт. Солҳои охир деҳқонони мамлакат усули мазкурро бо таҷрибаи мутахассисони чинӣ амалӣ намуда истодаанд».
Ба зикри Зикриёхон Ҳайдаров, «усули кишти чигит дар зери плёнка чанд омили мусбат дорад: ягонакунии ниҳолҳо ва коркарди байни қаторҳо аз байн меравад, зеро дар замини бо плёнкаи полиэтиленӣ пӯшида тухми пунбадона ва об сарфа мегарданд, ковок меистанд ва сахт намешаванд. Нуриҳои минералӣ ба воситаи қубурҳои обтақсимкунанда дар вақташ ба ниҳолҳои пахта дода мешаванд».
Ба андешаи хоҷагидорон, ворид намудан ва мавриди истифода қарор додани технологияи нави парвариши пахта дар зери плёнка ба хоҷагиҳои пахтакори ҷумҳурӣ аз ҷиҳати молиявӣ манфиатовар мебошад. Бо сабаби имконияти пурраи молиявӣ надоштани хоҷагиҳои пахтакор ҷорӣ намудани чунин технология мушкил аст.
Пахта маҳсулоти асосии содиротии давлат ба шумор меравад, ки сол то сол арзиши аслии маҳсулот дар бозори ҷаҳонӣ тамоюли болоравӣ дорад. Аз ин рӯ кишоварзон талош доранд, ки дар баланд шудани иқтидори истеҳсолӣ, афзоиши даромади иқтисодӣ ва беҳтар намудани сатҳи зиндагии аҳолӣ таъсиргузор бошанд.
Фирӯза ДАВЛАТЗОДА,
АМИТ «Ховар»
АКС: АМИТ «Ховар» ва манбаъҳои боз
Агентии «Тоҷикстандарт»: «Ҳангоми хариди моеи зиддисардӣ — антифриз аз фурӯшанда сертификати мутобиқат талаб намоед!»
Ҳаҷми истеҳсоли маҳсулоти кишоварзии ноҳияи Мастчоҳ соли 2025 ба беш аз 1,6 миллиард сомонӣ расид
Бахшида ба Рӯзи таъсиси мақомоти гумрук дар Душанбе маҷлиси тантанавӣ баргузор гардид
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
