Вакилони Маҷлиси намояндагон дар кори ҷаласаи ҳайатҳои парлумонии Тоҷикистон ва Иттиҳоди Аврупо дар Брюссел иштирок намуданд

Май 13, 2022 11:35

ДУШАНБЕ, 13.05.2022. /АМИТ «Ховар»/. 12 май ҳайати парлумонии Маҷлиси намояндагон таҳти раёсати муовини Раиси Парлумони касбии мамлакат Дилрабо Мансурӣ, раисони кумитаҳои Маҷлиси намояндагон оид ба корҳои байналмилалӣ, иттиҳодияҳои ҷамъиятӣ ва иттилоот Саидмурод Фаттоҳзода, оид ба тартиботи ҳуқуқӣ, мудофиа ва амният Рустам Шоҳмурод, оид ба масъалаҳои иҷтимоӣ, оила ва ҳифзи саломатӣ Сумангул Тағойзода дар кори ҷаласаи ҳайатҳои парлумонии Ҷумҳурии Тоҷикистон ва Иттиҳоди Аврупо, ки дар шаҳри Брюссел баргузор гардид, иштирок намуданд, хабар медиҳад котиби матбуоти Маҷлиси намояндагон Муҳаммадато Султонов ба АМИТ «Ховар».

Дар оғози кори ҷаласа раисони ҳайатҳои парлумонии Иттиҳоди Аврупо ва Тоҷикистон бо суханони ифтитоҳӣ ба чорабинӣ ҳусни оғоз бахшиданд.

Муовини Раиси Маҷлиси намояндагон Дилрабо Мансурӣ аз номи ҳайати парлумонии Маҷлиси намояндагони Маҷлиси Олии Ҷумҳурии Тоҷикистон ҳамаи иштирокчиёни ҷаласаи Кумитаи парлумонӣ оид ба ҳамкорӣ байни Парлумони Ҷумҳурии Тоҷикистон ва Парлумони Аврупоро  хайрамақдам гуфта, ба Парлумони Аврупо барои кори фаъол ва пурсамар дар ташкил ва баргузории ин нишасти муҳим изҳори сипос намуд.

Зикр гардид, ки Тоҷикистон Иттиҳоди Аврупоро шарики муҳими байналмилалии худ дар кори мусоидат ба таҳаввулоти демократӣ дар кишвар, ҷалби сармояи хориҷӣ ба соҳаҳои афзалиятноки иқтисоди миллӣ, рушди иҷтимоӣ ва ҳифзи муҳити зист медонад.

«Мо саъй менамоем, ки ҳамкории дарозмуддат ва устувори мутақобилан судмандро бо Иттиҳоди Аврупо дар асоси принсипҳои баробарҳуқуқӣ, ҳамдигарфаҳмӣ, эҳтироми мутақобила ва эътимод инкишоф диҳем. Боварӣ дорам, ки имрӯз мо аз рӯи тамоми маҷмуи масъалаҳои рӯзнома мубодилаи самарабахши афкор хоҳем кард. Баррасии масъалаҳои вазъи иҷтимоию сиёсӣ, рушди ҳамкории Иттиҳоди Аврупо ва Ҷумҳурии Тоҷикистон, амнияти минтақавӣ, бешубҳа, ба рушди бомуваффақияти шарикии мо дар тамоми соҳаҳо ва татбиқи минбаъдаи ҳадафҳои зикршудаи ҳамкорӣ мусоидат хоҳад кард», -афзуд Дилрабо Мансурӣ.

Зимни ҷаласа ҳамчунин муҳокимаи вазъияти сиёсии Тоҷикистону Иттиҳоди Аврупо ва ҳамкории байнипарлумонӣ мавриди баррасӣ қарор гирифт.

Дар кори ҷаласа инчунин Сафири Фавқулода ва Мухтори Ҷумҳурии Тоҷикистон дар Шоҳигарии Белгия Эркин Раҳматуллозода иштирок намуд.

Акс: МН МО ҶТ

Май 13, 2022 11:35

Хабарҳои дигари ин бахш

БАЪДИ СУПОРИШИ РУСТАМИ ЭМОМАЛӢ. Дар Тоҷикистон тамоюли пастшавии сатҳи ҷинояткорӣ ба қайд гирифта шудааст
15 июл Иҷлосияи ёздаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор мегардад
Имрӯз ҷаласаи хотимавии иҷлосияи сеюми Маҷлиси намояндагон, даъвати шашум доир гардид
Вакилони Маҷлиси намояндагон аз ҷониби Ассамблеяи Байнипарлумонии ИДМ ва Ассамблеяи Парламентии СААД қадрдонӣ гардиданд
Дар Маҷлиси намояндагон се созишнома ба тасвиб расонида шуданд
Маҷлиси намояндагон бо Барномаи Рушди Созмони Милали Муттаҳид ҳамкориро густариш медиҳад
ҲХДТ номзадашро ба вакилии Маҷлиси намояндагон дар ҳавзаи интихоботии якмандатии Фирдавсӣ №1 пешбарӣ намуд
КМИР: 26 август дар ҳавзаҳои ВМКБ №1 ва НТҶ №5 интихоботи аъзои Маҷлиси миллӣ ба ивази вакилони хориҷшуда баргузор мегардад
Маҳмадтоир Зокирзода бо Эмре Зеки Карагёл мулоқот намуд
Дар Парлумон Қонуни Ҷумҳурии Тоҷикистон «Дар бораи чарогоҳ»-ро мавриди баррасӣ қарор доданд
Вакилони Маҷлиси намояндагон дар конференсияи байналмилалии парлумонии шаҳри Минск иштирок намуданд
Дар Маҷлиси намояндагон бахшида ба Рӯзи Ваҳдати миллӣ ҳамоиш баргузор шуд