БА ШАРАФИ 35-СОЛАГИИ ИСТИҚЛОЛИ ДАВЛАТӢ. Дар шаҳри Роғун 105 иншоот бунёд мегарданд

Июнь 1, 2022 11:44

РОҒУН, 01.06.2022 /АМИТ «Ховар»/. То ҷашни бузурги 35-солагии Истиқлоли давлатӣ  дар шаҳри Роғун иншооти зиёди ҷашнӣ, аз ҷумла дар кӯчаи 25-солагии Истиқлолият 38 иншоот, дар шаҳраки Оби Гарм 14 иншоот, дар Ҷамоати деҳоти Қади об 43 иншоот ва дар Ҷамоати деҳоти Сичароғ 10 иншоот бунёд мегарданд, ки дар умум 105 ададро ташкил медиҳанд. Аз ин иншооти сохташаванда 8 адади он аҳамияти ҷумҳуриявӣ дошта, аз ҳисоби буҷети ҷумҳурӣ сохта мешаванд. Онҳо бо қарори Ҳукумати Ҷумҳурии Тоҷикистон тасдиқ ва ҷараёни корҳо аз ҷониби вазорату кумитаҳои дахлдор назорат ва натиҷагирӣ карда мешаванд. 19 адади дигар аз ҳисоби буҷаи маҳаллию сармояи хориҷӣ ва 78 иншооти боқимонда аз ҷониби соҳибкорон сохта мешаванд.

Ин матлаб зимни вохӯрии масъулини шаҳри  Роғун бо соҳибкорону фаъолон баён гардид.

Тавре сармутахассиси шуъбаи рушди иҷтимоӣ ва робита бо ҷомеаи шаҳри Роғун Шоира РАҶАБАЛИЕВА ба хабарнигори минтақавии АМИТ «Ховар» Субҳониддини МАҲМУД иттилоъ дод, дар ҳамоиш ҳамчунин ҷиҳати вусъат додани раванди ободонию созандагӣ, саҳмгузорӣ дар амалҳои хайр, таъсиси корхонаву коргоҳҳои истеҳсолӣ ва рушди шаҳрдорӣ сухан гуфта шуд.

Зимни мулоқот бо соҳибкорону фаъолон раиси шаҳри Роғун Сунъатулло Саидзода иброз намуд, ки «ҳамкории соҳибкорон бо Мақомоти иҷроияи ҳокимияти давлатии шаҳри Роғун сол то сол қавӣ гардида, ин гувоҳи дастгирии сиёсати давлатӣ, рушди соҳибкорӣ ва фароҳам овардани шароити хуби зиндагӣ барои мардум мебошад. Дар ҳудуди шаҳри Роғун 284 соҳибкор фаъолият доранд, ки бо истифода аз донишу малакаи касбӣ дар рушди иқтисоди шаҳр саҳми арзанда мегузоранд ва то ҷашни 35-солагии Истиқлоли давлатӣ зиёда аз 78 иншооти дорои аҳамияти гуногунро мавриди баҳрабардорӣ қарор медиҳанд».

Бо қарори Маҷлиси вакилони халқи шаҳри Роғун  нақшаи чорабиниҳои Мақомоти иҷроияи ҳокимияти давлатии шаҳри Роғун оид ба истиқболи арзандаи 35-солагии Истиқлоли давлатии Ҷумҳурии Тоҷикистон иборат аз 110 банд таҳия ва тасдиқ шудааст. Тибқи ин қарор, муовини якум, муовинон ва роҳбари дастгоҳ дар ҷамоатҳо ва маркази шаҳр барои назорати ҷараёни корҳои сохтмонӣ дар маркази шаҳр ва ҷамоатҳои шаҳраку деҳот вазифадор гардидаанд.

Дар мулоқот зикр гардид, ки шаҳри Роғун ояндаи наздик бояд ба яке аз марказҳои фарҳангиву сайёҳӣ ва муаррифи маданияти баланди меҳмоннавозии тоҷикон табдил гардад, зеро таваҷҷуҳи сайёҳон ба ин мавзеъ торафт зиёд мешавад.

Бо ин мақсад бо истифода аз обҳои шифобахш ва табиати зебои диёр ҷиҳати фароҳам овардани шароити муосир барои рушду ривоҷи соҳаи сайёҳӣ аз ҷониби масъулин мунтазам тадбирҳо андешида мешаванд.

АКС: Мақомоти иҷроияи ҳокимияти давлатии шаҳри Роғун

 

Июнь 1, 2022 11:44

Хабарҳои дигари ин бахш

35-СОЛАГИИ ИСТИҚЛОЛИ ДАВЛАТӢ. Дар Панҷакент 1000 иншооти таъйиноти гуногун бунёду навсозӣ карда мешавад
Дар Бӯстон 17 ҳазор метри мураббаъ роҳ мумфарш карда мешавад
35-СОЛАГИИ ИСТИҚЛОЛИ ДАВЛАТӢ. Дар ноҳияи Сино майдончаи варзишӣ баъди навсозӣ ба истифода дода шуд
35-СОЛАГИИ ИСТИҚЛОЛИ ДАВЛАТӢ. 3 километр роҳи деҳаи Олимободи шаҳри Турсунзода мумфарш мегардад
35-СОЛАГИИ ИСТИҚЛОЛИ ДАВЛАТӢ. Корҳои таъмиру навсозии Беморхонаи шаҳри Турсунзода бо маром идома доранд
Шуъбаи таваллудхонаи Беморхонаи минтақавии Ҷамоати деҳоти Сағирдашти ноҳияи Дарвоз соҳиби бинои замонавӣ шуд
БА ИФТИХОРИ 35-СОЛАГИИ ИСТИҚЛОЛӢ ДАВЛАТӢ. Дар ноҳияи Шамсиддин Шоҳин иншооти таъйиноти гуногун ба истифода дода шуд
35-СОЛАГИИ ИСТИҚЛОЛИ ДАВЛАТӢ. Соҳили дарёи Сир дар Хуҷанд ба макони муосири истироҳатию варзишӣ тадбил дода мешавад
35-СОЛАГИИ ИСТИҚЛОЛИ ДАВЛАТӢ. Соҳибкор бо фарзандонаш дар таъмиру мумфаршсозии якчанд кӯча дар шаҳри Ҳисор саҳм мегузорад
35-СОЛАГИИ ИСТИҚЛОЛИЯТИ ДАВЛАТӢ. Ба пешвози ин ҷашн дар Хоруғ бунёду навсозии 300 иншоот ба нақша гирифта шудааст
35-СОЛАГИИ ИСТИҚЛОЛИ ДАВЛАТӢ. Дар ноҳияи Лахш бинои нави Раёсати молия ба истифода дода мешавад
Соҳибкори маҳаллӣ дар шаҳри Хоруғ корхонаи истеҳсоли маҳсулоти гӯштӣ месозад