Дар Женева татбиқи лоиҳаҳои Маркази байналмилалии савдо дар Тоҷикистон баррасӣ гардид

Июнь 17, 2022 08:55

ДУШАНБЕ, 17.06.2022 /АМИТ «Ховар»/.  Дар ҳошияи Конфронси 12-уми вазирони Созмони Умумиҷаҳонии Савдо дар шаҳри Женеваи Конфедератсияи Швейтсария вохӯрии Вазири рушди иқтисод ва савдои Ҷумҳурии Тоҷикистон Завқӣ Завқизода бо Директори иҷроияи Маркази байналмилалии савдо (МБС)  Памела Коук — Ҳамилтон баргузор гардид. Дар ин бора ба АМИТ «Ховар» дар Вазорати рушди иқтисод ва савдо хабар доданд.

Тавре иттилоъ дода шуд, дар мулоқот масъалаҳо вобаста ба  ҷараёни  татбиқи лоиҳаҳои аз ҷониби МБС дар Тоҷикистон амалишаванда баррасӣ гардиданд.

Вазири рушди иқтисод ва савдо Завқӣ Завқизода зикр  намуд, ки ҷиҳати амалӣ намудани ҳадафу афзалиятҳои муайяннамудаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти тавсеаи гардиши савдои хориҷӣ, тақвияти иқтидори содиротӣ, диверсификатсияи содирот ва содагардонии расмиёти савдо тадбирҳои зарурӣ амалӣ гардидаанд.

Аз ҷумла,  Кумитаи ҳамоҳангсоз оид ба содагардонии расмиёти савдо, «Барномаи давлатии рушди содироти Ҷумҳурии Тоҷикистон барои солҳои 2021-2025», «Барномаи миёнамуҳлати иқтисоди рақамии Ҷумҳурии Тоҷикистон барои солҳои 2021-2025», Равзанаи ягонаи барасмиятдарории амалиёти содиротию воридотӣ ва транзитӣ, Портали савдои Тоҷикистон қабул гардиданд, ки саҳми МБС дар таҳия ва қабули онҳо назаррас арзёбӣ мегардад.

Ҳамзамон дар раванди вохӯрӣ ҷонибҳо вобаста ба татбиқи лоиҳаҳои «Ready4Trade»-и Осиёи Марказӣ ва лоиҳаи ҷаҳонии нассоҷӣ ва дӯзандагӣ (GTEX), ки тавассути МБС дар кишварҳои минтақа амалӣ мегарданд, инчунин дастовардҳо ва самтҳои афзалиятноки ҳамкории минбаъда муҳокимаронӣ намуданд.

Илова бар ин,  бо назардошти имкониятҳои мавҷудаи ҳамкорӣ  аз ҷониби МБС ҷиҳати зиёд намудани чунин лоиҳаҳо дар Ҷумҳурии Тоҷикистон ва иштирок дар татбиқи ҳадафҳои дар ҳуҷҷатҳои стратегии кишвар пешбинишуда даъват ба амал оварда шуд.

Памела Кок Ҳамилтон низ дар навбати худ аз дастгирии бевоситаи Ҳукумати Ҷумҳурии Тоҷикистон дар доираи лоиҳаҳои дар Тоҷикистон татбиқшаванда ва иштирок дар низоми савдои бисёрҷониба истиқбол намуда, оид ба рушди муносибатҳо дар ин самт омодагии худро иброз карда, зикр кард, ки лоиҳаи нав вобаста ба зиёд намудани содироти маҳсулоти кишоварзии Ҷумҳурии Тоҷикистон бо маблағгузории шарикони рушд дар назар дошта шудааст.

Дар анҷоми вохӯрӣ ҷонибҳо омодагии худро ҷиҳати густариши ҳамкории мутақобилан судманд изҳор намуданд

АКС: Вазорати рушди иқтисод ва савдои ҶТ

Июнь 17, 2022 08:55

Хабарҳои дигари ин бахш

Байни сохторҳои мониторинги молиявии Тоҷикистону Русия ду санади ҳамкорӣ ба имзо расид
Дар доираи COP31 Тоҷикистон, Умон ва Непал роҳҳои ҳалли мушкилоти обу иқлимро баррасӣ карданд
Соли 2027 дар гузаргоҳи гумрукии ноҳияи Спитамен сохтмон ва насби таҷҳизоти сканкунии борҳо оғоз мегардад
Ҷаласаи 45-уми пленарии Гурӯҳи Авруосиё ба таъмини амнияти иқтисодию молиявӣ мусоидат менамояд
Ҳайати Тоҷикистон дар чорабинии сатҳи баланди вазирони Осиёи Марказӣ оид ба тағйирёбии иқлим иштирок намуд
Дар Фурудгоҳи байналмилалии Душанбе беш аз 3,5 кило маснуоти тиллоӣ мусодира карда шуд
Фонди иқлими сабз барои рушди соҳаи тандурустии Тоҷикистон 2 миллион доллар ҷудо менамояд
Лоиҳаи «Барномаи нави саноатикунонии босуръати Тоҷикистон барои солҳои 2026-2030» таҳия гардидааст
Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд