Футболбози тоҷик Нуриддин Давронов фаъолияташро дар Ҳиндустон идома медиҳад
![](https://khovar.tj/wp-content/uploads/2022/06/Nuriddin-Davronov.jpg)
ДУШАНБЕ, 28.06.2022 /АМИТ «Ховар»/. Нуриддин Давронов ниммуҳофизатгари дастаи футболи «Истиқлол»-и шаҳри Душанбе ба дастаи «Муҳаммедан»-и шаҳри Калкуттаи Ҳиндустон гузариш намуд, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Аз ин пештар, дастаи футболи «Истиқлол»-и шаҳри Душанбе дар сомонаи расмиаш аз гузариши ӯ ба ин даста хабар дода буд.
Мавриди зикр аст, ки дастаи футболи «Муҳаммедан» дар Лигаи якуми Дивизиони Олии Ҳиндустон ҳунарнамоӣ мекунад ва варзишгоҳи хонагиаш метавонад то 85 ҳазор ҳаводорон ва мухлисони футболро ба ҳам орад. Дар ҳоли ҳозир даста баъди 18 даври рақобатҳо дар ҷадвал зинаи дуюмро ишғол менамояд.
Ҳамчунин футболбози дигари тоҷик Комрон Турсунов дар ҳайати дастаи футболи «Чёрчилл Бразерс»-и Ҳиндустон бозӣ мекунад.
АКС: Федератсияи футболи Тоҷикистон