Намояндагони беш аз 50 кишвари ҷаҳон Қалъаи Ҳисор ва Боғи зимистонаи «Шаршара»-ро тамошо намуданд
ДУШАНБЕ, 10.06.2022 /АМИТ «Ховар»/. Дабири кулли Муколамаи ҳамкории Осиё Порнчай Данвиватана ва беш аз 50 нафар иштирокчиёни Конфронси дуюми байналмилалии сатҳи баланд оид ба даҳсолаи байналмилалии амал «Об барои рушди устувор, солҳои 2018-2028», ки намояндагони кишварҳои Русия, Чин, Австралия, Афғонистон, Покистон, Италия, Урдун, Нидерландия, Швейтсария, Нигерия, Сингапур, Сенегал, Туркия, Тайланд, Фаронса, Уганда, Бразилия, Венгрия, Зеландияи Нав, Исроил, Корея ва Қирғизистон буданд, ба шаҳри Ҳисор ташриф оварданд, хабар медиҳад мухбири АМИТ «Ховар» Марзия САИДЗОДА.
Меҳмононро дар регистони Мамнуъгоҳи таърихию фарҳангии Ҳисор раиси шаҳр Қосим Роҳбар истиқбол намуд.
Қосим Роҳбар ташрифи онҳоро ба шаҳри бостонии Ҳисор хайрамақдам гуфта, зикр кард, ки «ташаббусҳои Президенти Ҷумҳурии Тоҷикистон, Пешвои муаззами миллат муҳтарам Эмомалӣ Раҳмон дар самти бартараф кардани мушкилоти вобаста ба обу иқлим аз ҷониби Созмони Милали Муттаҳид ҳамаҷониба дастгирӣ меëбанд. Амалишавии пешниҳодҳои Президенти Тоҷикистон, аз ҷумла баргузории даҳҳо чорабинии сатҳи миллӣ, минтақавӣ ва байналмилалӣ дар доираи даҳсолаи байналмилалии амал об барои рушди устувор дар шаҳри Душанбе дар баробари рушди минтақа ва кишварҳои ҷаҳон дӯстиву бародарии миллатҳоро қавӣ гардонида, баҳри расидан ба зиндагии шоистаи мардуми кишвар ва минтақа заминаи устувор мегузорад».
Дар остонаи арки Қалъаи таърихии Ҳисор сокинони шаҳр меҳмононро тибқи анъанаи тоҷикона истиқбол гирифта, ба Ҳисори Шодмон хуш омадед гуфтанд ва бо забонҳои гуногун дар васфи сулҳу дӯстӣ шеър қироат намуданд.
Сипас меҳмонон аз гӯшаҳои Қалъаи бостонии Ҳисор, дӯконҳои ҳунармандон, аз қабили атласу адрасбофӣ дидан карда, бо таърих ва ҳунарҳои мардумии дирӯзу имрӯзи тоҷикон шинос гардиданд.
Дар идома меҳмонон аз мавзеи сайёҳию истироҳатии Боғи зимистонаи «Шаршара» боздид намуда, ба таъриху фарҳанг, зебоии табиати шаҳри Ҳисор баҳои баланд доданд.
АКС: Мақомоти иҷроияи ҳокимияти давлатии шаҳри Ҳисор
Ба муносибати Рӯзи Президент дар Душанбе хатсайри сайёҳӣ ташкил карда шуд
Дар нуҳ моҳи соли 2025 зиёда аз 90 ҳазор нафар сайёҳ мавзеъҳои таърихию фарҳангии Тоҷикистонро тамошо карданд
Имсол дар Вилояти Мухтори Кӯҳистони Бадахшон даромад аз ҳисоби хизматрасонии сайёҳон 20,4 миллион сомониро ташкил дод
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
