Ҷо Байден номзадии Микаллерро ба мақоми сафири ИМА дар Тоҷикистон пешбарӣ намуд
ДУШАНБЕ, 24.06.2022 /АМИТ «Ховар»/. Призиденти ИМА Ҷо Байден номзадии Мануэл Микаллерро ба мақоми Сафири Фавқулода ва Мухтор дар Тоҷикистон пешбарӣ намуд. Мануэл Микаллер дипломати ботаҷриба буда, ҳоло ба ҳайси муовини роҳбари намояндагии ИМА дар Непал кор мекунад. Тавре АМИТ «Ховар» хабар медиҳад, дар ин бора дар иттилоияи Кохи Сафед, ки 22 июн нашр гардид, иттилоъ дода шудааст.
Номзадии сафири нав дар Тоҷикистон бояд аз ҷониби Сенати ИМА тасдиқ карда шавад. Ҳанӯз маълум нест, ки овоздиҳӣ дар Сенат кай баргузор мегардад.
Мануэл Микаллер (ДАР АКС — аз тарафи чап) қаблан дар сафоратҳои ИМА дар Муғулистон, Марокаш ва Тоҷикистон кор карда, дар Департаменти давлатӣ мақоми баландро ишғол намудааст. Дар Тоҷикистон ба ҳайси мушовири сафир оид ба иқтисод фаъолият кардааст.
Микаллер дараҷаи бакалаврро дар Донишгоҳи Ҷон Ҳопкинс ва дараҷаи магистр дар идораи соҳибкориро дар Донишгоҳи Ҷорҷ Вашингтон гирифтааст. Ӯ инчунин дар Донишгоҳи мудофиаи миллӣ дараҷаи магистр гирифта, донандаи якчанд забонҳои хориҷӣ, аз ҷумла русӣ ва тоҷикӣ мебошад.
Микаллер, дар сурати тасдиқ гардидани номзадиаш аз ҷониби Сенат, Ҷон Марк Поммершаймро (ДАР АКС – аз тарафи рост), ки аз моҳи январи соли 2019 инҷониб роҳбари намояндагии дипломатӣ мебошад, дар мақоми сафири ИМА дар Тоҷикистон иваз мекунад.
Қаблан Поммершайм низ, то таъйин шуданаш ба мақоми сафир дар Тоҷикистон, ба ҳайси муовини роҳбари намояндагии ИМА дар Қазоқистон кор кардааст. Илова бар ин, ӯ ҳамчунин дар гузашта ба ҳайси директори Дафтар оид ба масъалаҳои Қафқоз ва низоъҳои минтақавии Бюрои Аврупо ва Авруосиёи Департаменти давлатии ИМА фаъолият намуда, масъули идораи кулли равобити ИМА бо Арманистон, Озарбойҷон ва Гурҷистон буд.
АКС аз манбаъҳои боз
Тоҷикистон барои рушди устувор ва иқтисоди «сабз» бо Комиссияи иқтисодии СММ ҳамкорӣ менамояд
Тоҷикистон дар таҳкими ҳамкории сиёсӣ, иқтисодӣ ва башардӯстона дар доираи ИДМ саҳми назаррас дорад
Аҳмад ибни Муҳаммад Ас-Сайид: «Робитаҳои иқтисодии Тоҷикистону Қатар муҳим арзёбӣ мегарданд»
Қоҳир Расулзода бо Валиаҳди Салтанати Негери Сембилани Малайзия Шоҳзода Тунку Алӣ Ризауддин ибни Муҳри мулоқот намуд
Холид Ал-Фолеҳ: «Арабистони Саудӣ дар Тоҷикистон беш аз 14 лоиҳаро тавассути Фонди саудии рушд амалӣ намудааст»
Намояндаи Тоҷикистон дар Форум оид ба сиёсати бетарафӣ, зеҳни сунъӣ (AI) ва ояндаи рақамӣ иштирок намуд
Сафири Тоҷикистон дар Конгресси ҷаҳонӣ оид ба ҳифзи табиат дар Абу Забӣ иштирок намуд
Сироҷиддини Муҳриддин: «Музокироти сарони кишварҳои ИДМ дар фазои созандаю самарабахш ва корӣ баргузор шуд»
Сергей Лебедев аз нав Дабири кулли Иттиҳоди Давлатҳои Мустақил таъйин гардид
Имрӯз дар Тоҷикистон ҷаласаи Шурои сарони кишварҳои Иттиҳоди Давлатҳои Мустақил баргузор мегардад
Сарвазири Арманистон Никол Пашинян бо сафари корӣ ба Тоҷикистон ташриф овард
