Пагоҳ намояндагони корпуси дипломатӣ ва созмонҳои байналмилалӣ аз Резервати биосферии «Ромит» дидан менамоянд
ДУШАНБЕ, 30.06.2022 /АМИТ «Ховар»/. Роҳбарону намояндагони корпуси дипломатӣ ва созмонҳои байналмилалии муқими Тоҷикистон бо мақсади шиносоӣ бо захираҳои бойи табиӣ ва олами набототу ҳайвоноти беназир, пагоҳ, 1 июл ба яке аз нодиртарин мавзеъҳои табиии кишвар — Резервати биосферии «Ромит», ки соли 1959 таъсис ёфтааст, сафар менамоянд. Дар ин бора ба АМИТ «Ховар» дар Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ доданд.
Сафари роҳбарону намояндагони корпуси дипломатӣ ва созмонҳои байналмилалӣ ба Резервати биосферии «Ромит» омӯхтани объектҳои табиии беназири Тоҷикистон аз ҷониби шаҳрвандони хориҷӣ барои ташвиқу тарғиби зарфиятҳои нотакрори табиати беназири кишвар ва рушди сайёҳии экологӣ дар Тоҷикистон мусоидат менамояд.
Сафари мазкур бо ибтикори Кумитаи ҳифзи муҳити зисти назди Ҳукумати Ҷумҳурии Тоҷикистон ташкил карда мешавад. Дар доираи сафар шиносоии намояндагони давлатҳои хориҷӣ ва созмонҳои байналмилалӣ бо табиати нотакрори Тоҷикистон ба меҳмонон таассуроти хуб хоҳад гузошт.
Мавриди зикр аст, ки алҳол дар кишварамон майдони ҳудудҳои табиии махсус муҳофизатшавандаи Ҷумҳурии Тоҷикистон 3,1 миллион гектарро ташкил медиҳад, ки ин 22% ҳудуди кишварро дар бар мегирад.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
Дар шаҳри Бангкок мулоқоти вазирони молия ва раисони бонкҳои марказии кишварҳои Осиёи Марказӣ ва Қафқоз баргузор шуд
РӮЗИ БАЙНАЛМИЛАЛИИ ЗАНОНИ ДЕҲОТ. Дар Тоҷикистон беш аз 3 миллион занон дар деҳот зиндагӣ менамоянд
ИМРӮЗ-РӮЗИ КИШОВАРЗОН. Ин соҳа зиёда аз 61 фоизи аҳолиро бо ҷойи кор фаро гирифтааст
Дар доираи Форуми тиҷоратии «New Silk Way» роҳбарони роҳи оҳани Тоҷикистон ва Қазоқистон вохӯрӣ намуданд
Мораторий ба санҷиши субъектҳои соҳибкории хурду миёна то 1 январи соли 2029 тамдид карда мешавад
Президенти Тоҷикистон: «Дар 25 соли охир ба рушди иқтисоди мамлакат 760 миллиард сомонӣ сармоя равона гардидааст»
Дар хиёбони Саъдии Шерозии шаҳри Душанбе сохтмони як гузаргоҳ ва як пули мошингард оғоз меёбад
Султон Раҳимзода: «Тоҷикистон ба марҳилаи нави рушди шарикии давлат ва бахши хусусӣ ворид мешавад»
Дар Душанбе ғолибони Озмуни ҷумҳуриявии «Соҳибкори сол – 2026» бо ҷоизаҳо қадрдонӣ карда шуданд
Густариши фаъолияти Корпоратсияи байналмилалии молиявӣ дар Тоҷикистон баррасӣ гардид
