САНАДИ НАВ. Тоҷикистон нақша дорад, ки ҳамасола 100 000 ҷойҳои корӣ таъсис диҳад

Июнь 30, 2022 13:22

ДУШАНБЕ, 30.06.2022 /АМИТ «Ховар»/. Дар Тоҷикистон «Консепсияи рушди шуғли пурмаҳсули аҳолӣ барои давраи то соли 2040» қабул гардид. Санади мазкур тавассути барномаҳои панҷсолаи рушди миёнамуҳлати шуғли пурмаҳсул дар Ҷумҳурии Тоҷикистон татбиқ мешавад. Дар ин бора ба АМИТ «Ховар» дар Вазорати меҳнат, муҳоҷират ва шуғли аҳолии Ҷумҳурии Тоҷикистон иттилоъ доданд.

Мутобиқи санади мазкур, аҳолии Тоҷикистон то соли 2030 метавонад ба 11,5 миллион нафар расад ва ҳамасола 100 ҳазор ҷойҳои нави корӣ таъсис дода мешаванд.

Натиҷаҳои пешбинишуда аз татбиқи Консепсия ва нишондиҳандаҳои арзёбии онҳо дар барномаҳои миёнамуҳлат нишон дода мешаванд.

Ҳадафи асосии ҳамаи ин барномаҳо татбиқи Стратегияи миллии рушд (СМР) то соли 2030 мебошад, ки пешрафти кишварро аз рӯи ду сенария – индустриалӣ ва индустриалӣ-инноватсионӣ пешбинӣ мекунад.

Дар Консепсия зикр мегардад, ки афзоиши табиии аҳолӣ дар Тоҷикистон дар сатҳи баланд боқӣ монда, аммо дар натиҷаи кам шудани ҳиссаи ҷавонон дар шумораи умумии аҳолӣ суръати афзоиши қувваи корӣ коҳиш меёбад.

Сарфи назар аз ин, рушди қувваи корӣ устувор ва то соли 2030 баланд боқӣ монда, тақрибан 40% меафзояд ва ба 7,6 миллион нафар мерасад.

Ба иттилои вазорат, дар асоси Консепсия аллакай таҳияи лоиҳаи «Барномаи давлатии мусоидат ба шуғли аҳолӣ барои солҳои 2023-2025» оғоз шудааст.

АКС: Хадамоти матбуоти Президенти ҶТ/АМИТ «Ховар»

Июнь 30, 2022 13:22

Хабарҳои дигари ин бахш

«Сомон Эйр» парвозҳоро дар масири Душанбе-Урумчӣ-Душанбе барқарор намуд
Гурӯҳи намояндагони мақомоти давлатӣ ва соҳибкорони Суғд ба вилояти Нижегороди Русия сафар намуд
Ҷиҳати ҷалби сайёҳон ба Тоҷикистон ва таъмини хизматрасонии сатҳи баланд ба гардишгарон ҳамоиш доир карда шуд
Ноиби Президенти Гурӯҳи Бонки исломии рушд аз ҷараёни корҳои сохтмонӣ дар НБО «Роғун» дидан кард
НАМОИШГОҲИ «ПРОДЭКСПО-2023». Хушкмеваҳои Тоҷикистон дар шаҳри Москва ба намоиш гузошта шуданд
Дурнамои ҳамкории Тоҷикистон ва Арабистони Саудӣ дар соҳаи гумрук баррасӣ карда шуд
ПАНҶСОЛАИ РУШДИ САНОАТ. Дар шаҳри Ҳисор Минтақаи саноатӣ ташкил карда мешавад
Соли 2022 дар вилояти Суғд беш аз 2,2 ҳазор километр роҳ таъмир карда шуд
«Саноатсодиротбонк» ва Актиф Бонки Туркия масъалаҳои ҳамкории дуҷонибаро баррасӣ намуданд
Бонки миллии Тоҷикистон ва Дафтари Швейтсария оид ба ҳамкории иқтисодӣ самтҳои афзалиятнокро баррасӣ карданд
НИШАСТИ МАТБУОТӢ. Дар шаҳри Кӯлоб 7 корхонаи саноатӣ бо таъсиси 73 ҷойи нави кор ба истифода дода шуданд
НИШАСТИ МАТБУОТӢ. Дар ноҳияи Тоҷикобод соли гузашта 51 лоиҳа мавриди амал қарор гирифт

Маводҳои таҳлилӣ