Тоҷикистон ва Чин баъди ду соли таваққуф парвозҳои мустақимро барқарор менамоянд
ДУШАНБЕ, 01.06.2022 /АМИТ «Ховар»/. Мақомоти ҳавопаймоии Тоҷикистон ва Чин ба мувофиқа расидаанд, ки парвозҳои мустақимро миёни ду кишвар бо гузашти ду сол шурӯъ аз даҳаи сеюми моҳи июни соли равон барқарор намоянд.
Тавре дар суҳбат ба хабарнигори АМИТ «Ховар» сардори шуъбаи танзими парвозию техникии Агентии авиатсияи граждании назди Ҳукумати Ҷумҳурии Тоҷикистон Зиёдулло Шарифов иттилоъ дод, «ҷониби Тоҷикистон ва Чин барои амалӣ намудани як парвоз дар ду ҳафта ба мувофиқа расиданд — яъне дар як ҳафта ширкати ҳавопаймоии Чин ва ҳафати баъдӣ ширкати ҳавопаймоии Тоҷикистон парвоз анҷом медиҳанд. Нахустин парвоз миёни Тоҷикистон ва Чин баъд аз ду соли танаффус дар масири Урумчӣ-Душанбе-Урумчӣ аз ҷониби ширкати чинии «China Southern Airlines» 24 июн анҷом дода мешавад. Инчунин ширкати ҳавопаймоии «Somon Air» дар оянда дар ин масир парвозҳоро барқарор менамояд».
Бояд тазаккур дод, ки шурӯъ аз авали соли 2020 бар асари хуруҷи бемории сироятии COVID-19 ва аз ҷониби Ташкилоти умумиҷаҳонии тандурустӣ эълон гардидани пандемия дар ҷаҳон парвозҳои мустақими ҳавоӣ миёни Тоҷикистон ва Чин қатъ гардиданд.
АКС аз манбаъҳои боз
БА ТАВАҶҶУҲИ РОНАНДАГОН! Набудани бимаи суғурта ва корти ташхиси техникӣ минбаъд тавассути дурбинҳо сабт карда мешавад
Ҳамкории Тоҷикистон ва Олмон дар самти рушди инноватсия ва технологияҳои рақамӣ баррасӣ гардид
Масато Канда: «БОР 1,1 миллиард доллари ИМА-ро ба татбиқи Стратегияи нави шарикӣ бо Тоҷикистон барои солҳои 2026–2030 ҷалб менамояд»
Иқтидори сайёҳии Тоҷикистон дар Намоишгоҳи байналмилалии сайёҳии «ITB Berlin 2026» муаррифӣ мегардад
Ҷаласаи чордаҳуми Комиссияи муштараки байниҳукуматии Тоҷикистон ва Туркманистон баргузор гардид
Татбиқи «Стратегияи Бонки Осиёии Рушд барои Тоҷикистон дар давраи солҳои 2026–2030» оғоз мегардад
Дар шаҳри Кӯлоб таҳти раёсати Сарвазири Ҷумҳурии Тоҷикистон ҷаласаи корӣ баргузор шуд
Шумораи умумии субъектҳои хоҷагидор дар Тоҷикистон ба 381 ҳазор адад расид
Ҳайати Туркманистон барои иштирок дар ҷаласаи Комиссияи муштараки байниҳукуматии Тоҷикистон ва Туркманистон ба Душанбе омад
Сарвазири Тоҷикистон дар ноҳияи Мир Сайид Алии Ҳамадонӣ бо корҳои созандагию ободонӣ шинос гардид
Байни шаҳрҳои Душанбе ва Тошканд хатсайри нави нақлиётии байналмилалӣ фаъол карда шуд
Таҳкими ҳамкории дуҷониба ва рушди бахши молиявӣ байни Тоҷикистон ва Бонки ҷаҳонӣ баррасӣ гардид
