Ҳайати Тоҷикистон дар мизи мудаввари мудирони Гурӯҳи Бонки Исломии Рушд дар Миср иштирок намуд
ДУШАНБЕ, 06.06.2022 /АМИТ «Ховар»/. 4 июни соли равон дар шаҳри Шарм-эл-Шейхи Ҷумҳурии Арабии Миср мизи мудаввари мудирони Гурӯҳи Бонки Исломии Рушд (БИР) зери мавзӯи «Баъди барқароршавӣ: тобоварӣ ва устуворӣ» (Beyond recovery: resilience and sustainability) баргузор гардид, ки дар он ҳайати расмии Ҷумҳурии Тоҷикистон таҳти роҳбарии Вазири рушди иқтисод ва савдои Ҷумҳурии Тоҷикистон Завқӣ Завқизода иштирок дошт, хабар доданд ба АМИТ «Ховар» дар Вазорати рушди иқтисод ва савдои мамлакат.
Вазири рушди иқтисод ва савдо Завқӣ Завқизода дар мизи мудаввар аз номи Ҳукумати Ҷумҳурии Тоҷикистон ба роҳбарияти Гурӯҳи БИР ва Ҳукумати Ҷумҳурии Арабии Миср барои ҳамкорӣ миннатдорӣ баён намуда, зикр кард кард, ки тибқи рӯнамои пешниҳоднамудаи Хазинаи Байналмилалии Асъор (ХБА) таҳти таъсири буҳронҳои глобалию минтақавӣ паёмади манфии аз ҳама бештар ба кишварҳои камдаромад эҳсос мегардад ва ин кишварҳо барои амалӣ намудани тадбирҳои зиддибуҳронӣ нисбат ба дигар кишварҳо имкониятҳои маҳдуди молиявӣ доранд.
Бинобар ин Завқӣ Завқизода пешниҳод намуд, ки Гурӯҳи БИР фишанги вокуниш ба буҳронҳоро (crisis response window) барои тадбирҳои зиддибуҳронии кишварҳо-аъзои камдаромад бо пешниҳоди маблағҳои имтиёзнок таъсис диҳад.
Президенти Гурӯҳи Бонки Исломии Рушд посух дод, ки қисман як қатор кумакҳои зиддибуҳронӣ пешниҳод мегардад ва иловатан чунин намуд фишанги зиддибуҳрониро барои кишварҳои камдаромад таъсис хоҳанд дод.
Мудирони баъзе кишварҳои дигар низ дар ин чорабинӣ суханронӣ намуда, таклифу пешниҳодҳои муфид намуданд.
АКС: Вазорати рушди иқтисод ва савдои ҶТ
Дар шаҳри Москва ҷаласаи 109-уми Шурои иқтисодии ИДМ баргузор гардид
Ҳайати Тоҷикистон дар Тотористон бо фаъолияти корхонаҳои истеҳсолии парки технологии «ИСКРА-ВОЛГА» шинос шуд
Байни «Шабакаҳои интиқоли барқ»-и Тоҷикистон ва «Маркази илмӣ-техникии системаи ягонаи энергетикӣ»-и Русия Созишномаи ҳамкорӣ ба имзо расид
Рустам Минниханов: «Барои рушди ҳамкории бисёрҷониба байни Тоҷикистон ва Тотористон имконоти фаровон мавҷуданд»
Дар Қазон ҷаласаи 68-уми Шурои электроэнергетикии кишварҳои аъзои ИДМ баргузор шуд
«GEOSCIENCE & EXPLORATION CENTRAL ASIA». Ҳайати Тоҷикистон дар Форуми байналмилалии геологӣ иштирок намуд
Сармоягузорони Чин бо фаъолияти корхонаҳои истеҳсолии МОИ «Данғара» шинос шуданд
Вазири энергетика ва захираҳои оби Тоҷикистон дар Форуми байналмилалии электроэнергетикии Қазон – «ЭНЕРГОПРОМ» иштирок намуд
«Shohin Airlines» ҳавопаймои нави L410 NG харидорӣ менамояд
Вазири энергетикаи Тоҷикистон бо истеҳсоли таҷҳизоти турбинаҳои газии гурӯҳи ширкатҳои «АМКОР»-и Тотористон шинос шуд
Доир ба мушкилоти тағйирёбии иқлим, сабабҳо, пайомад ва усулҳои мутобиқшавӣ ба он китоб ба нашр расид
Дурнамои рушди ҳамкории гумрукӣ байни Тоҷикистон ва Корея баррасӣ гардид
