Вазорати корҳои хориҷии Олмон: Толибон* Афғонистонро ба шикаст мебаранд
ДУШАНБЕ, 09.06.2022 /АМИТ «Ховар»/. Вазири корҳои хориҷии Олмон Анналена Бербок, аз вазъи Афғонистон изҳори нигаронии ҷиддӣ кард. Вай таваҷҷуҳро ба бӯҳрони башардӯстона ва иқтисодӣ ҷалб карда, изҳор дошт, ки Толибон* кишварро ба суқути он бурда истодаанд. Дар ин бора АМИТ «Ховар» бо истинод ба сомонаи Афганистан.ру хабар медиҳад.
«Духтарон аз ҳуқуқи таҳсил маҳруманд. Занонро аз иштирок дар ҳаёти ҷамъиятӣ қариб дар канор мондаанд. Овозҳои мухолиф берахмона пахш карда мешаванд. Иқтисод дар ҳоли таваққуф аст», гуфт Бербок дар пайи мулоқот бо ҳамтои покистониаш Билавал Бҳутто Зардорӣ.
Вазир таъкид кард, ки Олмон то даме, ки шароити «даҳшатнок» дар Афғонистон боқӣ мемонад, ҳукумати Толибонро эътироф нахоҳад кард.
Вай аз ҷомеаи ҷаҳонӣ даъват кард, то ба Толибон фишор оваранд, то вазъ дар кишварро тағйир диҳанд.
Вазири корҳои хориҷӣ афзуд, Берлин дар идомаи кумакҳои башардӯстона ба мардуми Афғонистон ва дастгирии шаҳрвандоне, ки мехоҳанд Афғонистонро тарк кунанд, мадад хоҳад кард.
Вай ба Исломобод барои кумак дар интиқоли паноҳҷӯёни афғон ба Олмон изҳори сипос кард. Ба гуфтаи вай, тайи чанд моҳи ахир 14 ҳазор афғон вориди кишвар шудааст.
Қаблан вазорати хориҷаи Олмон гуфта буд, ки ҳар ҳафта ҳудуди 200 паноҳандаи афғон аз Покистон ба Олмон меоянд.
________________________
*Толибон – ҳаракати ифротии мамнуъ дар Тоҷикистон ва дигар кишварҳо
АКС: Andreas Gora — Pool/Getty Images
РАВАНДИ ОБИ ДУШАНБЕ. Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» фаъол гардид
Барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор» бақайдгирӣ оғоз ёфт
Дар Қоҳира ҳамкорӣ байни ширкатҳои Тоҷикистону Миср баррасӣ гардид
Дар Душанбе Ҷаласаи навбатии Шурои сарони ҳукуматҳо (сарвазирон)-и давлатҳои узви СҲШ доир мегардад
Сафири Тоҷикистон бо муовини якуми Раиси Бонки марказии Арабистони Саудӣ мулоқот намуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
Сафири Тоҷикистон дар Ҷумҳурии Корея бо мудири иҷроияи AFoCO мулоқот намуд
Дар Боку тавсеаи ҳамкории Тоҷикистон ва Озарбойҷон дар соҳаи воситаҳои ахбори омма баррасӣ гардид
Дар Сафорати Ҷумҳурии Тоҷикистон дар Русия Рӯзи Модар таҷлил гардид
Сафири Тоҷикистон дар Амрико бо Директори иҷроияи ширкати Mooney Group мулоқот кард
Дар Қоҳира масъалаи таҳкими ҳамкории Тоҷикистону Миср баррасӣ шуд
Имконияти ҳамкорӣ байни Тоҷикистон ва ширкати NVIDIA дар соҳаи зеҳни сунъӣ баррасӣ гардид
