БА ПЕШВОЗИ 35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Ашт сохтмони мактаб ва синфхонаҳои нав ҷараён дорад
ДУШАНБЕ, 07.07.2022. /АМИТ «Ховар»/. Дар доираи омодагӣ ба ҷашни 35-солагии Истиқлолияти давлатии Ҷумҳурии Тоҷикистон дар ноҳияи Ашт корҳои навсозию бунёдкорӣ идома дорад. Аз ҷумла, корҳои сохтмонӣ дар бинои 8 синфхонаи иловагии Муассисаҳои таҳсилоти миёнаи умумии №43 ба номи Тӯлқин Хоҷаназарови деҳаи Хӯҷамбердиев, Ҷамоати деҳоти Ошоба ва бинои 8 синфхонаи иловагӣ дар МТМУ №52-и Ҷамоати деҳоти Ориён, деҳаи Сарваки ноҳия оғоз гардидааст. Дар ин бора АМИТ «Ховар» бо истинод ба Раёсати маорифи вилояти Суғд хабар медиҳад.
Зимни гузоштани санги асос дар биноҳои мазкур Ёрдамчии Президенти Ҷумҳурии Тоҷикистон оид ба масъалаҳои иқтисодӣ Неъматулло Ҳикматуллозода, раиси ноҳия Шӯҳрат Муҳаммадзода ва мудири шуъбаи маорифи ноҳия Муяссар Ҳайдарзода ширкат варзиданд. Дар чорабинӣ инчунин собиқадорони меҳнат, омӯзгорону хонандагон ва фаъолони деҳа ҳузур доштанд.
Бунёди синфхонаҳои иловагӣ ба таври дастҷамъона собит месозад, ки сиёсати Пешвои муаззами миллатро мардуми ноҳия ҳамаҷониба дастгирӣ менамоянд. Дар умум бунёди 16 синфхонаи иловагӣ – бо фарогирии 156 метри мураббаъ барои 800 хонанда дар ду баст пешбинӣ гардидааст.
Ёрдамчии Президенти Ҷумҳурии Тоҷикистон ва раиси ноҳия дар Ҷамоати деҳоти Ориён аз 4 синфхонаи иловагие, ки дар деҳаи Нурафшон тариқи ҳашар бунёд шудааст, бо шароити омодагӣ ба соли нави таҳсил шинос шуданд. Бо дастгирии соҳибкорони маҳаллӣ дар деҳоти Ориён бинои муассисаи ибтидоии МТМУ №6 пурра аз таъмири хушсифат бароварда, ба талаботи замони муосир мутобиқ гардонида шудааст.
Мавриди зикр аст, ки бо дастгирии бевоситаи Пешвои муаззами миллат ва Ҳукумати Ҷумҳурии Тоҷикистон дар деҳаи Ашти болои Ҷамоати деҳоти Ашт бинои мактаби замонавии чаҳорошёна бунёд гардида истодааст.
Бинои кӯҳнаи МТМУ №25 дар ҳолати садамавӣ қарор дошт. Ҳоло саҳни бинои нав пурра сафолакпӯш гардида, оинабандӣ хотима ёфтааст. Бино мувофиқ ба талаботи муосири ҷаҳонӣ ҷавобгӯ ва синфхонаҳо бо таҷҳизотӣ зарурӣ таъмин мегарданд.
АКС: Раёсати маорифи вилояти Суғд
Дар Шуғнон корхонаҳои саноатӣ ва иншооти соҳаҳои тандурустӣ ва маориф ба истифода дода шуданд
Дар Хоруғ кӯдакистонҳо, маркази обуҳавошиносӣ ва майдончаи варзишӣ ба истифода дода шуд
Дар ноҳияи Мурғоб муассисаи таълимии томактабии «Лола» ба истифода дода шуд
Дар Бадахшон муассисаҳои кӯмаки аввалияи тиббию санитарӣ ба истифода дода шуданд
Сохтмони бинои Кумитаи иҷроияи Ҳизби Халқии Демократии Тоҷикистон дар вилояти Суғд идома дорад
35-СОЛАГИ ИСТИҚЛОЛИ ДАВЛАТӢ. Дар ноҳияи Спитамен беш аз 600 иншоот сохта ба истифода дода мешавад
Дар шаҳри Истаравшан сохтмони зиёда аз 20 иншооти соҳаи маориф идома дорад
35-СОЛАГИ ИСТИҚЛОЛИ ДАВЛАТӢ. Дар Ховалинг таъмиру навсозии беш аз 200 иншоот ба нақша гирифта шудааст
Сокинони маҳаллаи Наврӯзи шаҳри Бӯстон бо оби нӯшокӣ таъмин гардиданд
Дар ҳудуди шаҳри Гулистон сохтмони меҳмонхона ва осоишгоҳу марказҳои солимгардонӣ идома доранд
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Пешвои миллат Эмомалӣ Раҳмон пас аз анҷоми сафари корӣ дар Вилояти Мухтори Кӯҳистони Бадахшон ба шаҳри Душанбе баргаштанд
