Ба сарбозони қисми низомии шаҳри Кӯлоб 1000 нусха адабиёти бадеии тозанашр тақдим карда шуд
ДУШАНБЕ, 16.07.2022 /АМИТ «Ховар»/. 14 июл Раиси шаҳри Кӯлоб Бахтиёр Назарзода, намояндагони мақомоти ҳифзи ҳуқуқ, собиқадорони меҳнат, волидони хизматчиёни ҳарбӣ ва дигар шахсони масъул ба аёдати сарбозони қисми низомии шаҳри Кӯлоб ташриф оварда, аз вазъи шароити хизмат ва истироҳату фароғати онҳо шинос шуданд. Дар ин бора ба АМИТ «Ховар» дар Мақомоти иҷроияи ҳокимияти давлатии шаҳри Кӯлоб хабар доданд.
Бахтиёр Назарзода зимни суҳбат бо хизматчиёни ҳарбӣ изҳор дошт, ки маҳз бо шарофати ғамхориҳои беназири Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва хизмати садоқатмандонаи ҳайати шахсии Қувваҳои Мусаллаҳ, мақомоти қудратии мамлакат дар як муддати кӯтоҳи таърихӣ имконияти мустақилона ҳимоя намудани марзи Ватанро ба даст овард ва имрӯз ҷавонони ватандӯсти моро месазад, ки дар ҳимояи марзу буми кишвар ҳамеша омода бошанд.
Дар идомаи вохӯрӣ волидони сарбозон аз ободиву сулҳу осоиштагии Тоҷикистон сухан гуфта, таманно намуданд, ки ҳамеша дар кишвар сулҳу ваҳдат пойдор бимонад.
Ҳамчунин дар ин рӯз модарони рӯзгордида нону дигар дастранҷҳои ҳунарии худро пешкаши сарбозон намуданд.
Аз ҷониби Мақомоти иҷроияи ҳокимияти давлатии шаҳри Кӯлоб ба ин қисми низомӣ маводи хӯрока, аз ҷумла орд, равған, картошка, пиёз, макарон ва полезиҳо дастрас гардид.
Инчунин ба китобхонаи қисми ҳарбӣ ба хотири баланд бардоштани маърифатнокии хизматчиёни ҳарбӣ ва тарғиби ғояҳои ватандӯстии ҷавонон беш аз 1000 нусха адабиёти бадеии тозанашр тақдим карда шуд.
АКС: бахши матбуоти Мақомоти иҷроияи ҳокимияти давлатии шаҳри Кӯлоб
«ТАВОНО БУВАД, ҲАР КӢ ДОНО БУВАД». Таҳти ин унвон олимпиадаи ҷумҳуриявӣ байни донишҷӯёни муассисаҳои таҳсилоти олии касбӣ оғоз шуд
Имрӯз дар Душанбе ғолибони Фестивал-озмуни «Як матову сад ранг» муайян мегарданд
Донишҷӯёни Коллеҷи омори шаҳри Ваҳдат дар озмунҳои ҷумҳуриявӣ фаъолона иштирок менамоянд
Дар шаҳри Гулистон Озмуни шаҳрии «Оилаи намунавӣ» баргузор гардид
Дар Ҳисор даври шаҳрии Озмуни ҷумҳуриявии «Фурӯғи субҳи доноӣ китоб аст» оғоз шуд
«ТОҶИКИСТОН — ВАТАНИ АЗИЗИ МАН». 51 довталаб аз ноҳияи Данғара ба даври вилоятии озмун роҳхат гирифт
«ИЛМ – ФУРӮҒИ МАЪРИФАТ». 60 довталаб аз Донишгоҳи техникии Тоҷикистон ба даври дуюми озмун роҳхат гирифт
Дар Душанбе ғолибони якчанд озмунҳои ҷумҳуриявӣ қадрдонӣ гардиданд
«ИЛМ — ФУРӮҒИ МАЪРИФАТ». Дар Донишгоҳи байналмилалии забонҳои хориҷии Тоҷикистон даври донишгоҳии озмун оғоз шуд
Доир ба иҷрои барномаҳои давлатии соҳаи маориф дар ноҳияи Рашт ҷаласа баргузор гардид
«ТОҶИКИСТОН — ВАТАНИ АЗИЗИ МАН». Дар Донишгоҳи давлатии ҳуқуқ, бизнес ва сиёсати Тоҷикистон даври донишгоҳии озмун доир шуд
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
