Дар доираи ташаббуси наҷиби Пешвои миллат дар миқёси мамлакат 1,5 миллион бех ниҳол шинонида шуд

Июль 13, 2022 15:19

ДУШАНБЕ, 13.07.2022 /АМИТ «Ховар»/. Бо мақсади амалӣ намудани ташаббуси наҷиби Пешвои миллат муҳтарам Эмомалӣ Раҳмон оид ба ободонию кабудизоркунӣ ва иқдоми Раиси шаҳри Душанбе муҳтарам Рустами Эмомалӣ дар мавриди ба «шаҳри сабз» тадбил додани пойтахт дар мавсими тирамоҳи соли гузашта ва баҳори соли равон дар миқёси мамлакат беш аз 1,5 миллион бех ниҳоли дарахтони ҳамешасабзи ороишиву мевадиҳандаи шинонида шуд, ки 109 фоизи нақшаро ташкил медиҳад, — чунин зикр намуд муовини аввали Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Зарафо Қиёмзода дар ҷараёни нишасти матбуотӣ, ки имрӯз доир гардид.

Ў илова кард, ки ҳамзамон бо мақсади ободу зебо гардонидани кӯчаю хиёбонҳо ва гулгаштҳо дар ин мавсим дар ҳудуди шаҳру ноҳияҳои кишвар зиёда аз 27, 6 миллион бех гулу буттаҳо шинонида шуда, дар майдони 353 ҳазору 453 метри мурабба майса кишт гардид.

Зарафо Қиёмзода бо натиҷагирӣ аз фаъолияти Кумитаи ҳифзи муҳити зисти кишвар дар ин давра гуфт, аз ҳисоби маблағҳои махсуси Кумита ва зерсохторҳои он дар маҳалҳо ва системаҳои ҳудудҳои махсус муҳофизатшаванда ба миқдори 86 ҳазору 790 бех ниҳолҳои дарахтони ороишӣ, сояафкан ва мевадиҳанда, инчунин 33 ҳазору 985 бех гулу буттаҳои мавсимӣ ва беш аз 2 025 адад гули лола шинонида шуд.

Дар асоси дастуру ҳидоятҳои бевоситаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо иштироки роҳбарияти Кумита аз ҷониби кормандони ҳифзи муҳити зист дар мавзеи Сари Осиёи шаҳри Душанбе 2000 бех ниҳолони дарахтони ҳамешасабз ва ороишӣ тибқи қоидаҳои агротехникӣ шинонида шуд.

Марзия САИДЗОДА,
АМИТ «Ховар»

АКС: АМИТ «Ховар»

Июль 13, 2022 15:19

Хабарҳои дигари ин бахш

ДАРАХТ БИНШОН! Дар ноҳияи Исмоилӣ Сомонӣ 840 бех дарахтони ҳамешасабз шинонида шуданд
Дар ноҳияи Фирдавсии шаҳри Душанбе беш 300 бех ниҳоли дарахтони ҳамешасабз шинонида шуд
ҲАРАКАТИ ҶУМҲУРИЯВИИ НИҲОЛШИНОНӢ. Дар вилояти Хатлон беш аз 401 ҳазор бех ниҳол шинонида шуд
НИШАСТИ МАТБУОТӢ. Чаро дар шаҳри Норак ҳамасола ниҳолҳои шинонидашуда хушк мегарданд?
ҲАРАКАТИ ҶУМҲУРИЯВИИ НИҲОЛШИНОНӢ. Дар Гулистон 9 ҳазор бех ниҳоли дарахтони ҳамешасабзу ороишӣ шинонида мешавад
Дар шаҳраки академии Академияи миллии илмҳои Тоҷикистон зиёда аз 250 бех ниҳоли ҳамешасабз ва сояафкан шинонида шуд
Дар доираи «Барномаи кабудизоркунии табиати Тоҷикистон то соли 2040» беш аз ду миллиард бех ниҳол шинонида мешавад
ДАРАХТ БИНШОН! Дар Ҷамоати деҳоти Навободи шаҳри Турсунзода 900 бех дарахти тут шинонида шуд
Дар хоҷагии ёрирасони бахши ҳифзи муҳити зисти ноҳияи Мастчоҳ беш аз 200 ҳазор бех ниҳол шинонида мешавад
ҲАРАКАТИ ҶУМҲУРИЯВИИ НИҲОЛШИНОНӢ. Дар вилояти Хатлон беш аз 250 ҳазор дарахт шинонида шуд
БАРОИ НАСЛҲОИ ОЯНДА НИҲОЛ МЕШИНОНЕМ! Дар ҳудуди «Боғи Ғалаба ва нигоҳдории ҷангал»-и шаҳри Душанбе зиёда аз 2500 бех ниҳоли сояафкан ва ороишӣ шинонида шуд
ҲАРАКАТИ ҶУМҲУРИЯВИИ НИҲОЛШИНОНӢ. Дар шафати роҳҳои Ҷамоати деҳоти Халифа Ҳасани шаҳри Панҷакент беш аз 400 бех ниҳоли ороишӣ шинонида шуд