Дар Донишгоҳи давлатии ҳуқуқ, бизнес ва сиёсати Тоҷикистон ихтисоси маркетинг дар комплекси агросаноатӣ ба роҳ монда мешавад
ДУШАНБЕ, 20.07.2022 /АМИТ «Ховар»/. Дар Донишгоҳи давлатии ҳуқуқ, бизнес ва сиёсати Тоҷикистон ояндаи наздик ба роҳ мондани ихтисосҳои маркетинг дар комплекси агросаноатӣ, экологияи агросаноатӣ (кишоварзӣ) ва якчанд ихтисоси омӯзгорӣ, ба монанди забони русӣ ва тарҷумонӣ, психология ва коргузорӣ ба нақша гирифта шудааст. Дар ин бора Ректори донишгоҳи мазкур Муъмин Шарифзода зимни нишасти матбуотӣ иттилоъ дод, хабар медиҳад АМИТ «Ховар».
Зикр карда шуд, ки дар ҳашт факултети донишгоҳ аз рӯи 39 ихтисос мутахассисон омада карда мешаванд ва вобаста ба талаботи бозори меҳнат давоми 5 соли охир 22 ихтисоси нав ҷорӣ гардиданд. Аз ҷумла, ихтисосҳои идораи давлатӣ ва ҳуқуқ, асосҳои давлат ва ҳуқуқ, математика ва информатика, забони англисӣ, назарияи иқтисодиёт ва логистика ба соли таҳсили 2021-2022 рост меоянд.
Ҷиҳати такмили таълим ва омӯзиши забонҳои русиву англисӣ дар 61 гурӯҳи академӣ бо забони русӣ, 12 гурӯҳи академӣ бо забони англисӣ ва 2 гурӯҳи академӣ бо забони чинӣ машғулият гузаронида мешавад.
Бо мақсади ҳавасмандкунии омӯзгороне, ки дар гурӯҳҳои академии таҳсилашон бо забони англисӣ машғулият мегузаронанд, ба андозаи 20% музди маош баланд бардошта шуд.
Раёсати донишгоҳ раванди корҳои ободонию бунёдкориро вусъат медиҳад. Дар ин замина ҳоло сохтмони бинои нави таълимӣ барои 700 ҷой пурра ба охир расида, бо дастгирии Вазорати маориф ва илми Ҷумҳурии Тоҷикистон бинои мазкур бо лавозимоти муосири таълимӣ ҷиҳозонида мешавад. Корҳо ҷиҳати сохтмони маҷлисгоҳ барои 800 ҷои нишаст дар арафаи анҷомёбӣ қарор доранд.
Ҳамзамон раёсати донишгоҳ лоиҳаи бунёди хобгоҳи донишҷӯён ва бинои истиқоматии баландошёна барои омӯзгорону кормандонро ба нақша гирифтааст.
София ШОИК,
АМИТ «Ховар»
АКС: Донишгоҳи давлатии ҳуқуқ, бизнес ва сиёсати Тоҷикистон
Дар Коллеҷи омӯзгории шаҳри Душанбе Маркази омӯзиши забони олмонӣ таъсис дода мешавад
Дар Донишгоҳи технологии Тоҷикистон бахшида ба Рӯзи Парчами Тоҷикистон конференсияи илмӣ-амалӣ баргузор шуд
Сарвазири Тоҷикистон Қоҳир Расулзода дар ноҳияҳои Абдураҳмони Ҷомӣ ва Дӯстӣ бо корҳои ободонию созандагӣ ва саривақт ҷамъоварӣ намудани ҳосили пахта шинос шуд
35-СОЛАГИИ ИСТИҚЛОЛИ ДАВЛАТӢ. Дар Балҷувон 180 иншооти таъйиноти гуногун ба истифода дода шуд
Дар Донишгоҳи давлатии Бохтар ба шарафи Рӯзи Парчами давлатии Тоҷикистон ҳамоиш доир шуд
Намояндагони Донишгоҳи давлатии Кӯлоб дар мусобиқаи ҷумҳуриявӣ 4 медали тилло ба даст оварданд
Дар ҶСК «Шабакаҳои тақсимоти барқ» дар шаҳри Душанбе филиали кафедраи электроэнергетикаи Коллеҷи техникӣ таъсис дода шуд
Пешвои миллат Эмомалӣ Раҳмон дар Фурудгоҳи байналмилалии Хуҷанд бинои Маҷмааи хизматрасонии техникии парвозҳоро ба истифода доданд
Сарвари давлат Эмомалӣ Раҳмон 3 қитъаи роҳи мошингарди Деҳмой-Конибодом — Деҳмой-Бобоҷон Ғафуров, Бобоҷон Ғафуров-Хистеварз ва Кучкак-Конибодомро мавриди баҳрабардорӣ қарор доданд
Дар Кувайт ҷашнҳои давлатии Тоҷикистон таҷлил гардиданд
Пешвои миллат Эмомалӣ Раҳмон таври фосилавӣ 6 иншооти таъйиноти гуногунро дар ноҳияи Бобоҷон Ғафуров ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров коргоҳи истеҳсоли маҳсулоти пластикии ҶДММ «Чавроқ»-ро мавриди баҳрабардорӣ қарор доданд
