Дар сатҳи баланд пешвоз гирифтани 35-солагии Истиқлолияти давлатӣ дар меҳвари фаъолияти Кумитаи рушди маҳал қарор дорад
ДУШАНБЕ, 13.07.2022. /АМИТ «Ховар»/. Кумитаи рушди маҳали назди Президенти Ҷумҳурии Тоҷикистон тамои неруи корӣ ва имкониятҳоро баҳри сазовор ҷашн гирифтани 35-солагии Истиқлоли давлатии Ҷумҳурии Тоҷикистон равона карда, дар ин самт корҳои зиёди ободониву созандагиро ба анҷом мерасонад. Аз ҷумла, корҳои таъмири роҳ, истифодаи мақсадноки қитъаҳои заминҳои наздиҳавлигӣ, таъмини тозагии муҳит, сабзазоркунии маҳал, ҷалби соҳибкорони ватанию бурунмарзӣ ба созандагӣ ва дар маҷмӯъ беҳтар намудани сатҳу сифати зиндагии аҳли ҷомеа бомаром идома доранд. Ин матлабро зимни нишасти матбуотӣ Раиси Кумитаи рушди маҳал Шарифҷон Ҷумъазода баён намуд.
«Ҷиҳати вусъат бахшидан ба бунёди манзилҳои истиқоматии зебою замонавӣ, таҷдиду навсозӣ, тозаву озода ва ободу зебо гардонидани манзили зисти ҳар оила, кӯчаву хиёбон, маҳаллаҳои аҳолинишин аз ҷониби Кумита тадбирҳои мушаххас андешида мешаванд»,-илова кард Кумитаи рушди маҳал.
Дар нишасти хабарии ин ниҳод оид ба дигар паҳлуҳои фаъолияти Кумита дар шаш моҳи соли равон иттилоъ дода шуда, аз ҷумла гуфта шуд, ки бо мақсади ободонӣ ва зебо гардонидани симои пойтахти мамлакат-шаҳри Душанбе бо ба роҳ мондани ҳамкории самаранок бо мақомоти иҷроияи ҳокимияти давлатии шаҳри Душанбе дар ин самт корҳои ободонӣ, сабзазоркунии гулгашту хиёбонҳо, низоми барқтаъминкунӣ, рангу бори нишастгоҳҳо, шинонидани гулҳо ва ғайра анҷом дода шудаанд.
Ҳамзамон Кумита тӯли ин муддат фаъолияти мақомоти худидоракунии шаҳраку деҳоти шаҳру ноҳияҳои вилояти Суғд, вилояти Хатлон ва ВМКБ–ро вобаста ба иҷрои Қонуни Ҷумҳурии Тоҷикистон «Дар бораи худидоракунии шаҳрак ва деҳот» ва Қонуни Ҷумҳурии Тоҷикистон «Дар бораи худфаъолиятии ҷамъиятӣ» ва дигар қонунҳои соҳавӣ мавриди баррасӣ қарор дод.
Зарангези ЛАТИФ,
АМИТ «Ховар»
АКС: АМИТ «Ховар»
Дар Муъминобод 7 километр роҳи мошингард мумфарш карда шуд
Дар Беморхонаи марказии шаҳри Исфара шуъбаи нав ба истифода дода шуд
ОМОДАГӢ БА СОЛИ НАВИ ТАҲСИЛ. Дар шаҳри Турсунзода 15 бинои иловагии мактаб ва 5 муассисаи томактабии хусусӣ ба истифода дода мешавад
Сарвари давлат Эмомалӣ Раҳмон бинои нави Раёсати Вазорати корҳои дохилии Ҷумҳурии Тоҷикистон дар шаҳри Душанберо мавриди истифода қарор доданд
Пешвои миллат Эмомалӣ Раҳмон бинои нави Дастаи алоҳидаи таъйиноти махсуси милитсия «Шоҳин»-и Раёсати Вазорати корҳои дохилӣ дар шаҳри Душанберо ифтитоҳ намуданд
Бахшида ба Рӯзи кормандони тандурустии Тоҷикистон ҷаласаи тантанавӣ баргузор гардид
ОМОДАГӢ БА СОЛИ НАВИ ТАҲСИЛ. Дар ноҳияи Рӯдакӣ 4 бинои асосию иловагии муассисаҳои таълимӣ ба истифода дода мешавад
ИМРӮЗ — РӮЗИ КОРМАНДОНИ СОҲАИ ТИБ. Дар Тоҷикистон 5254 муассисаи тиббӣ фаъолият менамояд
ИСТИҚЛОЛИЯТ-КАЛИДИ СОҲИБДАВЛАТӢ ВА ВАТАНПАРАСТИИ МИЛЛАТИ СОҲИБФАРҲАНГИ ТОҶИК. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба ин неъмати бебаҳо
ОМОДАГӢ БА СОЛИ НАВИ ТАҲСИЛ. Дар Кӯшониён бинои иловагии мактаб барои 400 хонанда ба истифода дода шуд
ОМОДАГӢ БА СОЛИ НАВИ ТАҲСИЛ. Хобгоҳи Коллеҷи омӯзгории шаҳри Бохтар пурра таъмир гардид
Дар ноҳияи Кӯшониён Маркази саломатӣ ифтитоҳ гардид
