Дар Восеъ чиҳати пурзўр намудани корҳои фаҳмондадиҳӣ оид ба истифодаи оқилонаи замин гурўҳҳои корӣ таъсис дода шудаанд
ВОСЕЪ, 06.07.2022 /АМИТ «Ховар»/. Дар Ҷамоати деҳоти ба номи Худоёр Раҷабови ноҳияи Восеъ вобаста ба дастуру супоришҳои Пешвои миллат муҳтарам Эмомалӣ Раҳмон ҷиҳати истифодаи самараноки замин ва бардошти ду-се ҳосил дар як мавсим гурӯҳҳои корӣ таъсис дода шудаанд. Гурӯҳҳои корӣ бо кишоварзони хоҷагиҳои деҳқонӣ ва сокинони ҷамоат барои гузаронидани кишти такрорӣ ва истифодаи оқилонаи заминҳои наздиҳавлигӣ суҳбату вохӯрӣ анҷом дода, ба онҳо тавсияҳои муфид медиҳанд.
Тавре ба хабарнигори минтақавии АМИТ «Ховар» раиси Ҷамоати деҳоти Худоёр Раҷабов Ҳошим Хоҷаев иттилоъ дод, деҳқонони ин ҷамоат имрӯзҳо ғалладонагиҳоро дарав карда, маҳсулоти барвақтӣ, аз ҷумла картошкаю пиёзро ҷамъоварӣ намудаанд. Ҳоло барои чорво хӯроки дурушт омода карда истодаанд. Ба ин васила ҳам барои чорво хӯрока захира менамоянду ҳам заминҳоро барои кишти такрорӣ омода месозанд. Хоҷагиҳое, ки заминҳоро омода кардаанд кишти такрорӣ гузаронида истодаанд. Хоҷагиҳое, ки масоҳати заминҳояшон кам аст аз асбобҳои дастӣ истифода мекунанд, ки ҳам хароҷот кам мешаваду ҳам маҳсулнокии корашон беҳтар мегардад.
Гурӯҳҳои корӣ таваҷҷуҳи бештарро ба истифодаи заминҳои наздиҳавлигӣ равона намуданд, зеро аксари сокинони ҷамоат дорои заминҳои масоҳаташон васеъ мебошанд. Онҳо дар заминҳои наздиҳавлагӣ ҳама намуди зироатҳоро кишту парвариш кардаанд.
Имсол ҳосили хуби картошка ҷамъоварӣ намуда, дар кишти такрорӣ помидору бодиринг, қаламфур ва дигар сабзавот шинонидаанд.
Занони деҳот аз ҳама намуди маҳсулот барои ду соли оянда маводи хӯрока захира мекунанд.
АКС: АМИТ «Ховар»
Имрӯз дар водиҳои Тоҷикистон ҳаво то 33 дараҷа гарм мешавад
«МегаФон Тоҷикистон»: Русия ва Тоҷикистон ҳамкориро дар соҳаи рақамикунонӣ тақвият мебахшанд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Дар кӯчаҳои Хуҷанд барои пешгирии ифлосшавии муҳити зист дурбинҳои назоратӣ насб гардиданд
Имрӯз дар шаҳри Душанбе ҳаво то 28 дараҷа гарм мешавад
Дар соҳаҳои маорифу тандурустии ноҳияи Ёвон нақшаи захираи ангишт пурра иҷро гардид
Имрӯз дар водиҳои Тоҷикистон ҳаво то 28 дараҷа гарм мешавад
35-СОЛАГИИ ИСТИҚЛОЛИ ДАВЛАТӢ. Дар ноҳияи Ишкошим сохтмони Литсейи касбии техникӣ оғоз ёфт
Сарони давлатҳо қарорро дар бораи таъсиси қолаби нав бо номи «ИДМ плюс» имзо карданд
Раим Саданшоев: «Мо на танҳо дар самти таъмини алоқа, балки дар дигар соҳаҳо низ ҳамроҳи шумоем»
Имрӯз дар Тоҷикистон ҳаво то 28 дараҷа гарм мешавад
Имрӯз дар шаҳри Душанбе ҳаво то 27 дараҷа гарм мешавад
