ДЗЮДО. Ҷаҳонгир Маҷидов дар мусобиқаи «Zagreb Grand Prix 2022» ҷойи ҳафтумро ишғол намуд

Июль 18, 2022 09:45

ДУШАНБЕ, 18.07.2022 /АМИТ «Ховар»/. Варзишгари тоҷик Ҷаҳонгир  Маҷидов дар мусобиқаи «Zagreb Grand Prix 2022», ки аз 15 то 17 июл дар пойтахти Хорватия баргузор шуд, дар вазни то 90кг қувваозмоӣ намуда, ҷойи ҳафтумро ишғол кард. Дар ин бора АМИТ «Ховар» бо истинод ба Кумитаи миллии олимпии Тоҷикистон хабар медиҳад.

Дар мусобиқаи мазкур Тоҷикистонро 7 нафар варзишгарон, аз ҷумла Муҳаммад Маҳмадизода, Муҳаммадсолеҳ Қувватов (-60кг), Шаҳбоз Саидаброров, Алиҷон Сафаралиев (-66кг), Наврӯз Каримзод (-73кг), Шодмон Ризоев (-81кг) ва Ҷаҳонгир Маҷидов (-90кг) намояндагӣ карданд.

Миёни иштирокчиён натиҷаи беҳтарро Ҷаҳонгир Маҷидов нишон дод. Ӯ қуввасанҷиро аз даври дуюм шурӯъ карда, бар намояндаи Латвия Алексей Зарудневс, дар даври сеюм бар ҷудочии маъруфи сербӣ Неманя Майдов пирӯз шуд, вале дар чорякфинал аз варзишгари бразилӣ Рафаэл Маседо ва дар қувваозмоии тасаллобахш аз намояндаи Нидерланд Ноэл Ван`т Энд мағлуб гардида, ҷойи ҳафтумро гирифт.

Муҳаммад Маҳмадизода (-60кг) рақобатро аз даври дуюм муқобили Якоб Мор аз ИМА оғоз карда, пирӯз шуд, аммо дар даври сеюм аз ҷудочии ботаҷрибаи Ҷопон Генки Кога мағлуб гардид. Муҳаммадсолеҳ Қувватов (-60кг) низ ба рақобат аз даври дуюм пардохта, аз намояндаи Гурҷистон Гиорги Сардалашвили ноком шуд.

Алиҷон Сафаралиев (-66кг) дар нахустин қувваозмоияш аз Страхиня Бунчич (Сербия) шикаст хӯрд. Дар ин вазн Шаҳбоз Саидабуроров қуввасанҷиро аз даври дуюм бар зидди Майкл Фрайер аз Британияи Кабир шурӯъ карда, ғолиб шуд. Мутаассифона, дар даври сеюм аз Ҷе-Ҳон Ан аз Корея мағлуб гардид.

Наврӯз Каримзод (-73кг) ва Шодмон Ризоев (-81кг) дар нахустин рақобаташон аз ҷудокорони Полша – Ксавери Морка ва Себастян Мартсинкевич бо гирифтани се танбеҳ ноком шуданд.

АКС: Кумитаи миллии олимпии Тоҷикистон

Июль 18, 2022 09:45

Хабарҳои дигари ин бахш

ФУТБОЛ. Пагоҳ дар Душанбе марҳилаи интихобии Ҷоми Осиё-2026 байни дастаҳои занона дар гурӯҳи «H» оғоз мешавад
Рақибони дастаи мунтахаби футзали Тоҷикистон дар марҳилаи интихобии Ҷоми Осиё-2026 маълум шуданд
Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад
Бозии дӯстона байни дастаҳои мунтахаби олимпии Тоҷикистон ва Қирғизистон мусовӣ анҷом ёфт
ФУТБОЛ. Истиқлол» бар «Регар-ТадАЗ» ва «Вахш» бар «Хуҷанд» ғалаба намуд
ФУТЗАЛ. Дастаи мунтахаби Тоҷикистон дар бозии дӯстона бо тими мунтахаби Амороти Муттаҳидаи Араб ғолиб омад
«Регар ТадАЗ» дар мусобиқа оид ба волейбол дар ноҳияи Восеъ сазовори Шоҳҷоиза гардид
Дар Ҳисор бозии дӯстонаи дастаи олимпии Тоҷикистон (U-23) бо мунтахаби олимпии Қирғизистон доир мешавад
Федератсияи футболи Тоҷикистон соҳиби ҶОИЗАИ БИРИНҶИИ «FIFA FORWARD AWARDS» гардид
Дастаи мунтахаби футзали Тоҷикистон бо тими Амороти Муттаҳидаи Араб бозиҳои дӯстона анҷом медиҳад
Дар Душанбе бахшида ба Рӯзи байналмилалии Йога ҳамоиши варзишӣ доир гардид