ЭҲТИЁТ ШАВЕД! Дар шаш моҳи соли равон 20 ҳолати аз маҳсулоти хӯрока заҳролуд гардидани шаҳрвандон ба қайд гирифта шуданд

Июль 19, 2022 17:04

ДУШАНБЕ, 19.07.2022 /АМИТ «Ховар»/. Ҳамасола дар айёми тамузи тобистон ҳолатҳои заҳролудшавӣ ва гирифтори бемориҳои сироятӣ гардидани сокинон бештар ба чашм мерасанд.  Оё чунин ҳолатҳо имсол низ ба қайд гирифта шудаанд? Ба ин саволи хабарнигори АМИТ «Ховар» имрӯз зимни нишасти матбуотӣ Раиси Кумитаи бехатарии озуқавории назди Ҳукумати Ҷумҳурии Тоҷикистон Муҳаммадсаид Файзуллозода посух дод.

«Давоми шаш моҳи соли равон дар натиҷаи истеъмоли маводи озуқавории пастсифат ва муҳлаташон гузашта 20 ҳолати заҳролудшавӣ   ва ба бемории исҳоли хунин гирифтор шудани шаҳрвандон ба қайд гирифта, нисбат ба  ин ҳолатҳо чораҳои дахлдор андешида шуданд», — зикр намуд ӯ.

Мавсуф илова кард, ки дар тамоми бозорҳои истеъмолии мамлакат 65 озмоишгоҳи Кумита фаъолият намуда, ҳамарӯза гӯшт ва маҳсулоти гӯштӣ, шир ва дигар анвои хӯроквориро аз санҷиш мегузаронанд ва сипас барои фурӯши он иҷозат дода мешавад.

Муҳаммадсаид Файзуллозода иброз дошт, ки дар ин давра 412 ҳазору 197 сар чорвои калон ва хурди шохдор мавриди санҷиш қарор дода шуданд. Бинобар гузаронидани чораҳои зарурӣ забҳи 487 сар чорвои мубталои бемориҳои брутселлёз ва дигар касалиҳои сироятӣ пешгирӣ карда шуд.

Дар ҷараёни нишаст зикр  гардид ки дар нимсолаи аввал 27 661 кг маҳсулоти гӯштӣ, 6 380 кг  маҳсулоти ширӣ, 846 литр равғани растанӣ, 17 017 дона тухми паранда, 513 кг моҳӣ, 345 кг асал, 2 151 кг маҳсулоти намакин, 3 181 кг меваи хушк, 56 604 кг меваю сабзавот ва 4 707  кг маҳсулоти полезӣ ҳамчун маҳсулоти бесифат ва ба саломатӣ хавфнок муайян ва аз фурӯш боздошта, нобуд карда шуданд.

Фирӯза ДАВЛАТЗОДА,
АМИТ «Ховар»

АКС: АМИТ «Ховар»

Июль 19, 2022 17:04

Хабарҳои дигари ин бахш

Фестивали чоруми дӯстии ҷавонони шаҳри Душанбе баргузор гардид
«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад