Имконияти содироти маҳсулоти ватанӣ бо роҳбарони намояндагиҳои дипломатии Тоҷикистон дар хориҷи мамлакат баррасӣ гардид
ДУШАНБЕ, 22.07.2022 /АМИТ «Ховар»/. 20-21 июл Директори Агентии содироти назди Ҳукумати Ҷумҳурии Тоҷикистон Шавкат Бобозода бо роҳбарони намояндагиҳои дипломатии Тоҷикистон дар хориҷи кишвар оид ба имконоти содироти маҳсулоти ватанӣ ба хориҷи мамлакат ва ҷалби сармоягузорӣ тариқи маҷозӣ мулоқот намуд, хабар доданд ба АМИТ «Ховар» дар Агентии содирот.
Дар мулоқот роҳбарияти Вазорати корҳои хориҷии Ҷумҳурии Тоҷикистон ва Кумитаи давлатии сармоягузорӣ ва идораи амволи давлатии Ҷумҳурии Тоҷикистон иштирок намуда, оид ба натиҷаҳои нишондиҳандаҳои асосии ҳаҷми содирот, гардиши савдои хориҷӣ дар шашмоҳаи якуми соли 2022, муаррифии маҳсулоти ватанӣ, ба роҳ мондани содироти маҳсулоти рақобатпазири ватанӣ, дарёфти бозорҳои нави фурӯши маҳсулот, шарикони истеҳсоливу тиҷоратӣ ва ҳифзи манфиатҳои соҳибкорони ватанӣ дар хориҷи кишвар ибрози назар намуданд.
Директори Агентии содирот Шавкат Бобозода зикр намуд, ки «баргузории чунин мулоқот бо роҳбарони намояндагиҳои дипломатӣ саривақтӣ буда, масъалаҳои ташкили фаъолияти иқтисодии хориҷӣ, дастгирии бахшҳои содиротии иқтисоди миллии Тоҷикистон, таҳкими ҳамкории иқтисодии Ҷумҳурии Тоҷикистон бо мамлакатҳои хориҷӣ дар маркази таваҷҷуҳи Президенти Ҷумҳурии Тоҷикистон муҳтарам Эмомалӣ Раҳмон қарор доранд».
Дар мулоқот ҳамчунин имконияти содироти маҳсулоти ватанӣ, самтҳои асосии фаъолияти Агентии содирот, аз ҷумла мусоидат ба рушди босуботи миқдор ва сифати содироти молу маҳсулоти ватанӣ ба хориҷи кишвар, баланд бардоштани иқтидори содиротии мамлакат ва ҷалби харидорони хориҷӣ муаррифӣ гардид.
АКС: Агентии содироти назди Ҳукумати Ҷумҳурии Тоҷикистон
«ИСЛОҲОТ ДАР САМТИ ДАСТГИРИИ СОҲИБКОРӢ». Дар Душанбе таҳти ин унвон ҳамоиш доир гардид
Намояндаи Тоҷикистон дар ҷаласаи 14-уми Шурои роҳбарикунандаи Барномаи ҳамкории иқтисодии минтақавии Осиёи Марказӣ иштирок намуд
Роҳбарони корхонаҳои саноати нассоҷию мудофиа ва мошинсозии Туркия ба Тоҷикистон даъват шуданд
Таҳти роҳбарии муовини Сарвазири Тоҷикистон масъалаи омодагии Вилояти Мухтори Кӯҳистони Бадахшон ба зимистон баррасӣ шуд
Дар Тоҷикистон лоиҳаи нави давлатии сармоягузорӣ таҳти унвони «Дастгирии кишоварзӣ дар заминаи ҷомеа плюс» (CASP+) оғоз гардид
Ҳайати Тоҷикистон дар иҷлосияи 20-уми Конфронси кулли UNIDO дар Вена иштирок дорад
ИСТИФОДАИ ОҚИЛОНАИ ЗАМИН. Кишоварзони ноҳияи Ҷайҳун мақсад гузоштаанд истеҳсоли лимӯро ба 7000 тонна расонанд
Губернатори вилояти Свердловск бо фаъолияти Минтақаи озоди иқтисодии «Данғара» ва хоҷагиҳои лимӯпарварии ноҳияи Кушониён шинос шуд
Ғолибони Озмуни ҷумҳуриявии «Беҳтарин содироткунандаи Тоҷикистон» қадрдонӣ шуданд
ОЁ СОҲИБКОРОН АЗ ИМТИЁЗУ САБУКИҲОИ МУҚАРРАРШУДА БА ПУРРАГӢ ОГОҲАНД? Ин масъаларо дар Маркази тадқиқоти стратегӣ баррасӣ намуданд
Губернатори Свердловск дар Тоҷикистон бо НБО-и «Норак» ва ҶСП «Ҷунтай-Данғара Син Силу Текстил» шинос шуд
Дар шаҳри Дубайи Амороти Муттаҳидаи Араб Павилиони миллии Ҷумҳурии Тоҷикистон ташкил мегардад
