Кишоварзони Ҳисор дар майдони 176 гектар кишти такрории картошка мегузаронанд
ДУШАНБЕ, 17.07.2022 /АМИТ «Ховар»/. Кишоварзони шаҳри Ҳисор дар заминҳои холишуда мувофиқи дурнамо дар майдони 176 гектар кишти такрории картошка мегузаронанд. Дар ин бора ба АМИТ «Ховар» дар Мақомоти иҷроияи ҳокимияти давлатии шаҳри Ҳисор иттилоъ доданд.
Кишоварзони хоҷагиҳои ҷамъиятиву деҳқонии ҷамоатҳои деҳоти «Сомон» ва «Дурбат» аллакай ба кишти такрории картошка оғоз намуда, дар рӯзи аввал ҳар кадоме дар майдони 1,5 гектарӣ картошка кишт карданд. Бо каме паст фаромадани гармӣ корҳо дар ин самт вусъат меёбанд ва умед аст, кишоварзон бо истифода аз тухмии хушсифат ва бо коркарди агротехникии саривақтӣ ҳосили дилхоҳ рӯёнида, дар таъмини Барномаи амнияти озуқавории кишвар саҳми муносиб гузоранд.
Хоҷагидорон хуб дарк кардаанд, ки кишти такрорӣ омили асосии рушди кишоварзӣ маҳсуб ёфта, ба ғанӣ гардидани бозори истеъмолӣ бо маҳсулоти ғизоӣ ва паст гардидани нархи он дар бозорҳо мусоидат менамояд.
Тибқи нақш, соли равон дар шаҳри Ҳисор дар майдони 2000 гектар заминҳои обӣ кишти такрорӣ гузаронида мешавад.
То имрӯз кишоварзон дар майдони беш аз 1800 гектар кишти такрории зироатҳо, аз қабили ҷуворимаккаи дон, ҷуворимакка барои силос, шолӣ, лӯбиёгиҳо, офтобпараст, сабзавот ва полезиро гузарониданд, ки наздик ба 92 фоизи нақшаро ташкил медиҳад.
АКС: Мақомоти иҷроияи ҳокимияти давлатии шаҳри Ҳисор
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
ЭНЕРГИЯИ «САБЗ». Дар Тоҷикистон аз ҷониби ширкати саудии «Аcwa Power» неругоҳҳои офтобӣ сохта мешаванд
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
Роҳи мошингарди «Айнӣ – Кӯҳистони Мастчоҳ» навсозӣ мешавад
НЕРУГОҲИ ОФТОБӢ. Ширкати «Mаsdar» дар Тоҷикистон чунин неругоҳро бо иқтидори 400 мегаватт бунёд менамояд
Лоиҳаи Барномаи нави саноатикунонии босуръати Тоҷикистон барои солҳои 2026-2030 таҳия мегардад
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
